Ezekiela 1:7 - Baiboly Katolika

⁷ Mahitsy ny tongony, ary toy ny faladian’ny zanak’omby ny faladiany, sady nanjelanjelatra hoatra ny varahina voadio ireo.

Baiboly Protestanta Malagasy 2011

⁷ Ny ranjony dia mahitsy, ary ny faladiany dia tahaka ny faladian’ny ombilahy kely; namirapiratra toy ny volon’ny varahina manganohano izy.

DIEM PROTESTANTA

⁷ Mahitsy ny tongony; ary ny faladiany dia toy ny kitron’ombilahikely, ka mamirapiratra toy ny halimo voadio.

Dikateny Iombonana Eto Madagasikara

⁷ Mahitsy ny tongony; ary ny faladiany dia toy ny kitron’ombilahikely, ka mamirapiratra toy ny halimo voadio.

Baiboly Protestanta Malagasy

⁷ Ary mahitsy ny tongony; ary ny faladiany dia tahaka ny faladian’ny ombilahy kely; ary mamirapiratra toy ny volon’ny varahina manganohano izy.

Malagasy Bible

⁷ Ary mahitsy ny tongony; ary ny faladiany dia tahaka ny faladian'ny ombilahy kely; ary mamirapiratra toy ny volon'ny varahina manganohano izy.

Ezekiela 1:7 Rohy Ifampitohizana

Salamo 104:4

Manao ny rivotra ho irany, ary ny lelafo ho mpanompony.

Ezekiela 1:13

Ny fijery an’ireo zava-manana aina ireo, dia tahaka ny vainafo mivaivay; hoatra ny fanilo no fijery azy; mifanaretsaka eny anelanelany eny ny afo, mampanjambena; sady misy tselatra mivoaka avy ao amin’ny afo.

Ezekiela 40:3

Nony tongany teo amin’io fitoerana io aho, dia nahita lehilahy anankiray, ka ny tarehiny toa nitarehim-barahina no fijery azy; ary kofehy rongony aman-tehina fandrefesana no teny an-tanany, ary teo amin’ny vavahady izy.

Levitikosy 11:3

Ny biby rehetra mivaky kitro sy misampan-tongotra ary mandinika no hohaninareo;

Levitikosy 11:47

mba hanavahanareo izay maloto sy izay madio ary ny biby fihinana sy izay tsy fihinana.

Apokalipsy 1:15

ny tongony toy ny varahina manganohano voadio tamin’ny memy afo, ary ny feony toy ny firohondrohon’ny rano be.