Apokalipsy 16:12 - Baiboly Katolika

¹² Nandraraka ny tao anaty kapoakany tamin’i Eofrata, ony lehibe koa, ny Anjely fahenina, dia naharitra ny ranony, mba hisy lalan-kalehan’ny mpanjaka avy any atsinanana.

Baiboly Protestanta Malagasy 2011

¹² Ary ny fahenina dia nampidina ny tao an-doviany tao amin’i Eofrata, ony lehibe. Dia ritra ny ranony, mba hanamboarana ny lalan’ireny mpanjaka avy any amin’ny fiposahan’ny masoandro ireny.

DIEM PROTESTANTA

¹² Dia nandraraka ny tao an-doviany tamin’i Eofrata, ony lehibe, ny anjely fahenina; ka ritra ny ranony, hanomanan-dalana ho an’ny mpanjaka avy any atsinanana.

Dikateny Iombonana Eto Madagasikara

¹² Dia nandraraka ny tao an-doviany tamin’i Eofrata, ony lehibe, ny anjely fahenina; ka ritra ny ranony, hanomanan-dalana ho an’ny mpanjaka avy any atsinanana.

Baiboly Protestanta Malagasy

¹² Ary ny fahenina nampidina ny tao an-doviany tamin’i Eofrata, ony lehibe; dia ritra ny ranony hanamboarana ny làlan’ireny mpanjaka avy any amin’ny fiposahan’ny masoandro.

Malagasy Bible

¹² Ary ny fahenina nampidina ny tao an-doviany tamin'i Eofrata, ony lehibe; dia ritra ny ranony hanamboarana ny lalan'ireny mpanjaka avy any amin'ny fiposahan'ny masoandro.

Apokalipsy 16:12 Rohy Ifampitohizana

Isaia 11:15

I Iaveh hanao anatema ny sakeli-dranomasin’i Ejipta, sy hanainga ny tanany hamely ny Ony amin’ny herin’ny rivony, dia hikapoka azy sy hampisaraka azy hisampana fito, ka hataony azo aleha tsy ialàn-kapa eo.

Isaia 41:25

«Nampitranga azy avy any avaratra Aho, ka tonga izy, avy any atsinanana izy miantso ny Anarako; hoseny hoatra ny fanosy fotaka, ny mpanapaka; sy tahaka ny fanosin’ny mpanao vilany ny tanimanga.»

Isaia 42:15

Hofoanako ny tendrombohitra aman-kavoana; hataoko maina avokoa izay maitso eo aminy; hampanjariako nosy ny ony, ary homainiko ny farihy.

Isaia 44:27

Izaho no milaza amin’ny hantsana hoe: «Tankìna! Hataoko ritra ny oninao.»

Isaia 46:11

izay miantso ilay voromahery avy any Atsinanana, dia ilay lehilahy araka ny hevitro avy any an-tany lavitra. Efa niteny Aho, ka hanatanteraka! Efa nikasa Aho, ka hanefa izany!

Isaia 8:7

noho izany, indro hampiakarin’ny Tompo hanafika azy ireo, ny ranon’ny ony, sady mahery no lalina, dia ny mpanjakan’i Asiria mbamin’ny heriny rehetra; ny masondranony rehetra hosaforany, ary ny morony rehetra hihoarany;

Jeremia 51:36

Koa izao no lazain’i Iaveh: Indro fa izaho mandray ny adinao, hiandraikitra azy, ary manatanteraka ny valim-bonoana ho anao: Ka horitiko ny ranomasiny, hataoko tankina ny loharanony.

Apokalipsy 11:14

Lasa ny loza faharoa; indro hisosoka faingana ny loza fahatelo.

Apokalipsy 17:15

Izao koa, hoy izy tamiko: Ny rano efa hitanao nipetrahan-dRavehivavy janga, dia olona amam-bahoaka sy firenena aman-tsamihafa fiteny maro.

Apokalipsy 7:2

Dia nahita Anjely iray hafa koa aho, niakatra avy amin’ny fiposahan’ny masoandro, nitana ny fitombok’Andriamanitra velona, ary niantso mafy an’ireo Anjely efatra nasaina nanimba ny tany aman-dranomasina,

Apokalipsy 9:14

nilaza tamin’ny Anjely fahenina nitana ny trômpetra hoe: «Vahao ny Anjely efatra mifatotra any Eofrata ony lehibe.»