Apokalipsy 12:6 - Baiboly Katolika

⁶ Fa Ravehivavy kosa nandositra nankany an’efitra, fa any no nanamboaran’Andriamanitra toerana ho azy, mba hamelomana azy mandritra ny enimpolo amby roan-jato sy arivo andro.

Baiboly Protestanta Malagasy 2011

⁶ Ravehivavy kosa dia nandositra nankany an-tany efitra, izay efa nisy toerany namboarin’Andriamanitra mba hovelomina any enimpolo sy roanjato sy arivo andro izy.

DIEM PROTESTANTA

⁶ Ravehivavy kosa nandositra nankany an-taniefitra, izay nisy toerana namboarin’Andriamanitra mba hamelomana azy mandritra ny 1 260 andro.

Dikateny Iombonana Eto Madagasikara

⁶ Ravehivavy kosa nandositra nankany an-taniefitra, izay nisy toerana namboarin’Andriamanitra mba hamelomana azy mandritra ny 1 260 andro.

Baiboly Protestanta Malagasy

⁶ Ary ravehivavy kosa nandositra nankany an-efitra, izay nisy fitoerany namboarin’Andriamanitra, mba hovelomina any enim-polo amby roan-jato amby arivo andro izy.

Malagasy Bible

⁶ Ary ravehivavy kosa nandositra nankany an-efitra, izay nisy fitoerany namboarin'Andriamanitra, mba hovelomina any enim-polo amby roan-jato amby arivo andro izy.

Apokalipsy 12:6 Rohy Ifampitohizana

Matio 4:11

Tamin’izay dia nandao Azy ny devoly, ary indreo nisy Anjely tonga teo aminy ka nanompo Azy.

Apokalipsy 12:14

Nomena ela-boromahery lehibe roa anefa Ravehivavy, mba hanidinany ho any an’efitra amin’ny fitoerany, izay namelomana azy fotoana iray, sy fotoana roa, ary antsasaky ny fotoana, mba tsy hahitan’ilay menarana azy.

Apokalipsy 12:4

Nofinaokany tamin’ny rambony ny ampahatelon’ny kintan’ny lanitra ka nazerany tamin’ny tany. Dia nijoro teo anoloan-dRavehivavy hiteraka izy mba handrapaka ny Zanany, raha vao teraka.

Apokalipsy 13:5

Ary nomena vava mitsaontsaona sy manevateva an’Andriamanitra izy, sady nomena fahefana hanaram-po roa amby efapolo volana.

Apokalipsy 17:3

Dia nentiny am-panahy nankany an’efitra aho, ka inty Vehivavy nitaingina Biby mivolon-jaky, feno anarana fanevatevana an’Andriamanitra, fito loha sy folo tandroka, no hitako.