2Samoela 4:7 - Baiboly Katolika

⁷ Ilay nandry teo am-parafarany, tao an’efitra fandriany iny i Isbôseta, no niditra tao an-trano izy ireo, dia novonoiny ho faty izy, ka notapahiny ny lohany, dia nentiny, ary nandeha mandritra ny alina manontolo izy, namaky ny Tany lemaka.

Baiboly Protestanta Malagasy 2011

⁷ Fa niditra tao an-trano izy roa lahy raha iny nandry teo am-pandrianany tao amin’ny efitrano fandriany iny Isboseta. Dia namely azy izy roa lahy ka nahafaty azy. Notapahiny ny lohany ka noentiny ary nandeha nandritra ny alina namakivaky ny tany ngazana izy.

Baiboly Protestanta Malagasy

⁷ Fa raha niditra tao an-trano izy roa lahy, ary Isboseta nandry teo amin’ny fandriany tao amin’ny trano fandriany, dia namely azy izy roa lahy ka nahafaty azy, dia notapahiny ny lohany ka nentiny; ary nandeha mandritra ny alina namaky ny tani-hay izy.

Malagasy Bible

⁷ Fa raha niditra tao an-trano izy roa lahy, ary Isboseta nandry teo amin'ny fandriany tao amin'ny trano fandriany dia namely azy izy roa lahy ka nahafaty azy, dia notapahiny ny lohany ka nentiny; ary nandeha mandritra ny alina namaky ny tani-hay izy.

2Samoela 4:7 Rohy Ifampitohizana

2Samoela 2:29

I Abnera sy ny olony, nony nandeha nandritra ny alina tamin’ny Tany lemaka dia nita an’i Jordany ary namaky an’i Bitrona tontolo, dia tonga tany Mahanaîma.

Eksodosy 8:3

Nanao torak’izany koa anefa ny mpanao ody tamin’ny fankatoavany, ka nampiakatra ny sahona ho eo amin’ny tany Ejipta izy ireo.

Matio 14:11

Dia nentina tamin’ny lovia ny lohany, ka nomena an-drazazavavy, ary nentiny tany amin-dreniny.

1Samoela 17:51

Nihazakazaka i Davida dia niato teo akaikin’ilay Filistinina, ary nalainy ny sabany, notsoahany tamin’ny tranony, ka namonoany azy, sy nanapahany ny lohany.

1Samoela 17:54

Ary ny lohan’ilay Filistinina nalain’i Davida sy nampitondrainy any Jerosalema, ary ny fiadiany napetrany tao an-dainy.

1Samoela 31:9

Dia notapahiny ny lohany, nalainy ny fiadiany, ary naniraka olona izy ireo mba hiantso izany vaovao mahafaly izany eran’ny tanin’ny Filistinina rehetra, tao an-tempolin-tsampiny, sy amin’ny vahoaka.