2Samoela 16:3 - Baiboly Katolika

³ Dia hoy ny mpanjaka: «Fa aiza ny zanaky ny tomponareo?» Ary hoy ny navalin’i Sibà tamin’ny mpanjaka: «Indro fa nijanona any Jerosalema izy», fa hoy izy: «Hampodin’ny taranak’i Israely amiko izao ny fanjakan’ikaky.»

Baiboly Protestanta Malagasy 2011

³ Dia hoy ny mpanjaka: Aiza ny zanakalahin’ny tomponao? Hoy i Ziba tamin’ny mpanjaka: Indro, mitoetra any Jerosalema izy; fa hoy izy: Anio no hampodian’ny taranak’Israely ny fanjakan’Ikaky ho ahy.

DIEM PROTESTANTA

³ Ary nanontany azy indray ny mpanjaka hoe: –Fa mba aiza i Mefibôseta, zafin’i Saoly tomponao? Dia hoy ny navalin’i Tsibà ny mpanjaka: –Nijanona any Jerosalema izy, satria noheveriny fa ankehitriny no hampodian’ny Israelita ny fanjakan-draibeny aminy.

Dikateny Iombonana Eto Madagasikara

³ Ary nanontany azy indray ny mpanjaka hoe: –Fa mba aiza i Mefibôseta, zafin’i Saoly tomponao? Dia hoy ny navalin’i Tsibà ny mpanjaka: –Nijanona any Jerosalema izy, satria noheveriny fa ankehitriny no hampodian’ny Israelita ny fanjakan-draibeny aminy.

Baiboly Protestanta Malagasy

³ Dia hoy ny mpanjaka: Aiza ny zanakalahin’ny tomponao? Ary hoy Ziba tamin’ny mpanjaka: Indro, mitoetra any Jerosalema izy; fa hoy izy: Anio no hampodian’ny taranak’Isiraely ny fanjakan’ikaky ho ahy.

Malagasy Bible

³ Dia hoy ny mpanjaka: Aiza ny zanakalahin'ny tomponao? Ary hoy Ziba tamin'ny mpanjaka: Indro, mitoetra any Jerosalema izy; fa hoy izy: Anio no hampodian'ny taranak'Isiraely ny fanjakan'ikaky ho ahy.

2Samoela 16:3 Rohy Ifampitohizana

2Samoela 16:4

Ka hoy ny mpanjaka tamin’i Sibà: «Indro fa anao avokoa izay rehetra nananan’i Mifibôseta.» Dia hoy i Sibà: «Mihohoka amin’ny faladianao aho, ka aoka hahita fitia eo imasonao aho, ry mpanjaka tompoko ô!»

Salamo 101:5

Hofongorako, ny mpifosa mandrovitra ny namany mangingina. Ny olona misolanandrana sy bontsinin’ny hambom-po, tsy ho tohako.

Salamo 15:3

Tsy manendrikendrika amin’ny lelany izy, tsy manisy ratsy ny rahalahiny, tsy manala baraka ny namany.

Salamo 88:18

Tahaka ny rano tondraka, dia manodidina ahy tontolo andro izany, miara-mitangorona amiko avokoa izany.

Eksodosy 20:16

«Tsy hitsangan-ko vavolombelona mandainga hamely ny namanao ianao.»

Ohabolana 1:19

Izany no lalan’ny olona rehetra fatra-pila harena; fa ny tombom-pihariana maharesy an’izay mitana azy.

Ohabolana 21:28

Ny vavolombelona mandainga, ho faty; fa ny olona mihaino kosa manan-kalahatra mandrakariva.

Mika 7:5

Aza mino izay sakaiza ianareo, na matoky izay ifankazarana indrindra: na eo anatrehan’ilay mandry eo am-pofoanao aza dia tano ny teny ao am-bavanao!

Joda 1:11

Mila loza ireo, fa tafiditra amin’ny lalan’i Kaina izy, sy tafahitsoky ny tamby amin’ny hadisoan’i Balaama, ary nanary tena amin’ny fikomian’i Kôre.