1Samoela 9:3 - Baiboly Katolika

³ Ary nania ny ampondra vavin’i Kisy, rain’i Saola, ka hoy i Kisy tamin’i Saola zanany: «Mangalà mpanompo anankiray hiaraka aminao dia mandehana mitady ny ampondra».

Baiboly Protestanta Malagasy 2011

³ Very ny borikivavin’i Kisy, rain’i Saoly ka hoy i Kisy tamin’i Saoly zanany: Mitondrà zatovo iray hanaraka anao, dia miaingà ka mandehana hitady ny boriky.

DIEM PROTESTANTA

³ Indray andro dia very ireo borikivavin’i Kisy rain’i Saoly; dia hoy i Kisy tamin-janany: «Ento miaraka aminao ny mpanompo iray, ka mandehana ianareo mitady ireo borikivavy».

Dikateny Iombonana Eto Madagasikara

³ Indray andro dia very ireo borikivavin’i Kisy rain’i Saoly; dia hoy i Kisy tamin-janany: «Ento miaraka aminao ny mpanompo iray, ka mandehana ianareo mitady ireo borikivavy».

Baiboly Protestanta Malagasy

³ Ary very ny borikivavin’i Kisy, rain’i Saoly. Dia hoy Kisy tamin’i Saoly zanany: Mitondrà zatovo anankiray hanaraka anao, dia miaingà, ka mandehana hitady ny boriky.

Malagasy Bible

³ Ary very ny borikivavin'i Kisy, rain'i Saoly. Dia hoy Kisy tamin'i Saoly zanany: Mitondrà zatovo anankiray hanaraka anao, dia miaingà, ka mandehana hitady ny boriky.

1Samoela 9:3 Rohy Ifampitohizana

Mpitsara 10:4

Izy nanan-janaka telopolo lahy, izay nitaingina ampondra telopolo sy nanan-tanàna telopolo, izay mbola antsoina mandraka androany hoe, Tranon’i Jaira, ary any amin’ny tany Galaada no nisy azy.

Mpitsara 5:10

Ianareo izay mitaingina ampondravavy fotsy, ianareo izay mipetraka amin’ny karipetra, ary ianareo izay mizotra eny an-dalana, mihirà ianareo.

1Samoela 10:14

Ary hoy ny rahalahin-drain’i Saola taminy sy tamin’ity mpanompony: «Nankaiza ianareo?» Dia hoy ny navalin’i Saola: «Nitady ny ampondra izahay, fa nony tsy nahita azy hatraiza hatraiza dia nankany amin’i Samoela.»

1Samoela 10:2

Rehefa tafasaraka amiko ianao anio, dia hahita olona roa lahy, eo akaikin’ny fasan-dRasela amin’ny faritanin’i Benjamina, any Selsaky, hilaza aminao hoe: Ny ampondra notadiavinao efa hita ka tsy heverin-drainao intsony ny momba ny ampondravavy fa ny aminareo indray no ahiny sy ataony hoe: Inona no tsy maintsy hataoko ny amin’ity zanako ity?

1Samoela 9:2

Nanan-janaka lahy anankiray atao hoe Saola izy, izay sady mbola tanora no tsara tarehy; tsy nisy tsara tarehy noho izy teo amin’ny zanak’i Israely rehetra, ary nanan-tombo ny lohany izy amin’ny halavany noho ny olona rehetra.

1Samoela 9:20

Ary aza manana eritreritra ny amin’ireo ampondranao izay verinao efa hateloana izay, fa efa hita ireny. Sady ho an’iza koa moa ny zava-tsoa rehetra ao amin’i Israely? Moa tsy ho anao sy ny ankohonan-drainao rehetra va izany?»

1Samoela 9:4

Dia namaky ny tendrombohitr’i Efraima, ary namaky ny tany Salisa izy, nefa tsy nahita; novakiny koa ny tany Salima, fa tsy tany izy; namaky ny tanin’i Benjamina izy, fa tsy nahita.