1Samoela 8:1 - Baiboly Katolika

¹ Nony efa antitra i Samoela, dia ireo zanany no natsangany hitsara an’i Israely.

Baiboly Protestanta Malagasy 2011

¹ Rehefa antitra i Samoela dia ny zanany no nataony mpitsara ny Israely.

DIEM PROTESTANTA

¹ Rehefa antitra i Samoela, dia ireo zanany no nataony ho mpanapaka ny vahoaka Israely.

Dikateny Iombonana Eto Madagasikara

¹ Rehefa antitra i Samoela, dia ireo zanany no nataony ho mpanapaka ny vahoaka Israely.

Baiboly Protestanta Malagasy

¹ ARY rehefa antitra Samoela, dia ny zanany no nataony mpitsara ny Isiraely.

Malagasy Bible

¹ Ary rehefa antitra Samoela, dia ny zanany no nataony mpitsara ny Isiraely.

1Samoela 8:1 Rohy Ifampitohizana

Nehemia 7:2

Ary i Hananì rahalahiko sy i Anania lehiben’ny rova no nomeko fahefana amin’i Jerosalema, fa lehilahy mahatoky sy mahatahotra an’Andriamanitra mihoatra noho ny maro izy.

1Timoty 5:21

Mihanta aminao eo anatrehan’Andriamanitra sy i Jesoa Kristy ary ny Anjely voafidy aho, mba tsy hanananao olon-tiana, na hasianao fiangarana kely akory, ny fitandremana izany zavatra izany.

Mpitsara 10:4

Izy nanan-janaka telopolo lahy, izay nitaingina ampondra telopolo sy nanan-tanàna telopolo, izay mbola antsoina mandraka androany hoe, Tranon’i Jaira, ary any amin’ny tany Galaada no nisy azy.

Mpitsara 12:14

Nanan-janaka efapolo lahy sy zafy telopolo lahy izy, izay nitaingina zanak’ampondra telopolo.

Mpitsara 5:10

Ianareo izay mitaingina ampondravavy fotsy, ianareo izay mipetraka amin’ny karipetra, ary ianareo izay mizotra eny an-dalana, mihirà ianareo.

1Samoela 12:2

Koa ankehitriny, indro ny mpanjaka handeha alohanareo. Izaho ity efa antitra sy fotsy volo, ary ny zanako indreo eo aminareo. Hatra ny fony mbola tanora aho no nandeha teo alohanareo ka mandrak’ankehitriny;