1Samoela 7:1 - Baiboly Katolika

¹ Dia tonga ny olona ao Kariatiarima ka nampiakatra ny Fiaran’i Iaveh, nentiny nankany an-tranon’i Abinadaba any amin’ny havoana; ary i Eleazara zanany nohamasininy hiandry ny Fiaran’i Iaveh.

Baiboly Protestanta Malagasy 2011

¹ Dia tonga teo ny mponina tao Kiriata-Jearima ka nitondra ny vata misy ny faneken’NY TOMPO niakatra; nitondra azy ho ao an-tranon’i Abinadaba, teo amin’ny havoana izy ireo, ary nanamasina an’i Eleazara zanany mba hitandrina ny vata misy ny faneken’NY TOMPO.

DIEM PROTESTANTA

¹ Tonga naka ny Vatamasin’ny TOMPO ny mponin’i Kiriata-Jeharîma ka nitondra azy ho ao an-tranon’i Abinadàba teo amin’ny havoana iray. Dia natokan’izy ireo ho mpiambina ny Vatamasin’ny TOMPO i Elihezera zanakalahin’i Abinadàba.

Dikateny Iombonana Eto Madagasikara

¹ Tonga naka ny Vatamasin’ny TOMPO ny mponin’i Kiriata-Jeharîma ka nitondra azy ho ao an-tranon’i Abinadàba teo amin’ny havoana iray. Dia natokan’izy ireo ho mpiambina ny Vatamasin’ny TOMPO i Elihezera zanakalahin’i Abinadàba.

Baiboly Protestanta Malagasy

¹ Dia tonga teo ny mponina tao Kiriata-jearima ka nitondra ny fiaran’i Jehovah niakatra, dia nitondra azy ho ao an-tranon’i Abinadaba teo an-kavoana, ary nanamasina an’i Eleazara zanany mba hitandrina ny fiaran’i Jehovah izy.

Malagasy Bible

¹ Dia tonga teo ny mponina tao Kiriata-jearima ka nitondra ny fiaran'i Jehovah niakatra, dia nitondra azy ho ao an-tranon'i Abinadaba teo an-kavoana, ary nanamasina an'i Eleazara zanany mba hitandrina ny fiaran'i Jehovah izy.

1Samoela 7:1 Rohy Ifampitohizana

1Tantara 13:3

sy hitondrantsika ho atỳ amintsika indray ny fiaran’Andriamanitra, fa tsy nahoantsika akory izany tamin’ny andron’i Saola.»

Salamo 132:6

Indro rentsika fa hoe any Efratà izy; hitantsika tany an-tsahan’i Jaara izy.

Isaia 52:11

«Mialà, mialà, mivoaha teo ianareo; aza mikasika izay maloto. Mivoaha avy ao aminy, mandiova tena ianareo, izay mitondra ny fanak’i Iaveh.

Josoa 18:14

Amin’ny lafiny andrefana dia nandroso ny faritry ny tany ary niolaka hatramin’ny tendrombohitra ao anoloan’i Betôrôna eo atsimo, ka nipaka tamin’i Kariata-Baala, dia i Kariata-Jearima izany, tanànan’ny taranak’i Jodà; izany no lafiny andrefana.

Josoa 9:17

Koa niainga ny zanak’i Israely dia tonga tany an-tanànan’izy ireo nony afaka hateloana; ny tanànany dia i Gabaôna, i Kafira, i Berôta ary i Kariatiarima.

1Samoela 6:21

Dia nandefa iraka nankany amin’ny mponina any Kariatiarima izy ireo, hilaza hoe: «Naverin’ny Filistinina ny Fiaran’i Iaveh ka midìna ianareo hampiakatra azy ho any aminareo».

1Samoela 7:2

Hatramin’ny andro nametrahana ny Fiaran’i Iaveh tany Kariatiarima dia lava ny andro nifandimby, roapolo taona, ary nitaraina tamin’i Iaveh ny tranon’i Israely rehetra.