Jeremia 10:17 - DIEM PROTESTANTA Angòny hiala teo ny entanao, ry Jerosalema voafahirano. Baiboly Protestanta Malagasy 2011 Angony ny korontan’entanao hiala amin’ny tany, ry ilay mipetraka anatin’ny fahirano! Dikateny Iombonana Eto Madagasikara Angòny hiala teo ny entanao, ry Jerosalema voafahirano. Baiboly Katolika Angony ny entanao amin’ny tany, ry ilay afahirano! Baiboly Protestanta Malagasy Angony ny korontan’entanao, ka ento hiala amin’ny tany, Ry ilay mipetraka ao amin’ny haterena! Malagasy Bible Angony ny korontan'entanao, ka ento hiala amin'ny tany, ry ilay mipetraka ao amin'ny haterena! La Bible en Malgache Angony ny korontan’entanao hiala amin’ny tany, ry ilay mipetraka anatin’ny fahirano! |
Indro avy hamely anareo Aho ry mponina erỳ ambanimbany, eo amin’ny vatolampy milembalemba, hoy ny teny hentitra avy amiko TOMPO; hamely anareo Aho, dia ianareo izay mihambo fa tsy misy fahavalo afa-midina hatreny aminareo na hiditra amin’ny fisitrihanareo.
Mandosira faingana hiala ao Jerosalema, ianareo Benjaminita, mba hitady fialofana any an-kafa. Tsofy ao Tekôa ny anjomara, manaova tsangan’afo ao Bety-Kerèma, satria misy loza sy fandringanana goavana mipoitra avy any avaratra.
Mitsangàna ka mialà, fa tsy misy fitsaharana ho anareo intsony eto. Satria ny fahalotoanareo hahatonga fandringanana, dia fandringanana mahatsiravina.»
–Ho hitanareo tafajoro ao amin’ny Toeramasina ilay fanimbazimbana mahatsiravina, voalazan’i Daniela mpaminanin’Andriamanitra. (Aoka hahazo tsara izay mamaky!)
Hataony fahirano ianareo, any amin’ny tanàna rehetra misy anareo eran’ny taninareo, mandra-pandravany ny manda avo sy mafy izay itokianareo; eny, hataony fahirano ianareo, any amin’ny tanàna rehetra misy anareo, eran’ny tany izay omen’ny TOMPO Andriamanitrareo anareo.