Isaia 1:7 - DIEM PROTESTANTA Efa lao ny taninareo, kilan’ny afo ny tanànanareo; ny tany novolenareo aza dia ny vahiny no nihinana ny vokany teo anatrehanareo, ka efa lao tokoa izany tahaka ny faharavàn’i Sôdôma. Baiboly Protestanta Malagasy 2011 Lao ny taninareo; voadoro tamin’ny afo ny tanànanareo; lanin’ny hafa firenena eo imasonareo ny tanimbolinareo. Lao izy, toy ny efa noravan’ny hafa firenena. Dikateny Iombonana Eto Madagasikara Efa lao ny taninareo, kilan’ny afo ny tanànanareo; ny tany novolenareo aza dia ny vahiny no nihinana ny vokany teo anatrehanareo, ka efa lao tokoa izany tahaka ny faharavàn’i Sôdôma. Baiboly Katolika Ny taninareo, lao; ny tanànanareo levon’ny afo. Ny taninareo levon’ny hafa eo imasonareo; hoatra ny fandravan’ny olon-kafa firenena no fahasimbany. Baiboly Protestanta Malagasy Ny taninareo dia efa lao; Ny tanànanareo dia voadotra tamin’ny afo; Ny tany volenareo dia lanin’ny fahavalo eo imasonareo, Ary lao izy toy ny efa noravan’ny fahavalo. Malagasy Bible Ny taninareo dia efa lao; Ny tanànanareo dia voadotra tamin'ny afo; Ny tany volenareo dia lanin'ny fahavalo eo imasonareo, ary lao izy toy ny efa noravan'ny fahavalo. La Bible en Malgache Lao ny taninareo; voadoro tamin’ny afo ny tanànanareo; lanin’ny hafa firenena eo imasonareo ny tanimbolinareo. Lao izy, toy ny efa noravan’ny hafa firenena. |
Koa dia natolotry ny TOMPO Andriamaniny ho eo an-tanan’ny mpanjaka sirianina i Ahaza; nandresy azy ny mpanjaka sirianina ary nitondra olona sambo-belona betsaka nankany Damasy. Ny tenan’i Ahaza koa dia natolotry ny TOMPO ho eo an-tanan’i Peka zanakalahin’i Remalià sady mpanjakan’i Israely, izay namely mafy ka naharesy azy.
Fa misy kosa firenena mihavitsy sy mietry noho ny fahoriana sy ny loza ary ny alahelo.
Halain’ny tompon-trosa anie ny fananany rehetra ary ho olon-kafa no hifaoka ny vokatry ny asany!
I Jerosalema irery sisa no hany tafajoro, toy ny tranotomboka ao anaty tanimboaloboka, sy toy ny kitranotrano rantsan-kazo ao anaty tanimbolin-kôkômbra, ary toy ny tanàna efa atao fahirano.
Eny, lavo i Jerosalema ary potraka i Joda; ka na ny tenin’ny olona na ny asany dia samy manohitra ny TOMPO sy mihantsy ny voninahiny eo imaso.
Hanjary toy ny dity ny ranon-driakan’i Edôma, hiova ho solifara ny vovo-taniny. Hanjary sahan-dity mirehitra io tany io;
Eny, toerana rava sy fonenana lao ary koa tany simba no fahitana anao izao; kanefa tsy ho omby mponina intsony ianao atsy ho atsy ary handositra lavitra ireo nandripaka anao.
Eny amin’ny tanàna rava eny no hiraofan’ny zanak’ondry toy ny any amin’ny tany fiandrasana azy; eny koa ny zanak’osy afahy no hitady ny sakafony.
Fa ny TOMPOn’izao rehetra izao dia reko nanao fianianana hoe: «Tsy maintsy horavana ireo trano maro ireo; eny, na ny lehibe sy mamirapiratra aza, dia ho lao tsy hisy mpipetraka.
Tamin’izay dia nanontany aho hoe: –Mandra-pahoviana anefa, Tompo ô? Dia namaly Izy hoe: –Mandra-pahasimba ny tanàna ka tsy hisy mponina intsony, mandra-paharava ny trano ka tsy hisy olona tavela ary mandra-pahalao tokoa ny tany.
Nafoy ianao teo ka tsy nisy tia anao na mba nandalo nijery anao akory, fa izao dia hataoko foto-pireharehana ianao ho an’ny taonjato mifanesisesy ary hataoko foto-pifaliana ho an’ny taranaka mifandimby.
Dia nataon’ny TOMPO izao fianianana izao: «Araka ny hery amam-pahefana feno ananako, dia mianiana aminao Aho, ry vahoakako, fa tsy hamela ny vary novolenao ho sakafon’ny fahavalonao intsony, ary tsy hamela ny divay nisasaranao hosotroin’ny vahiny intsony;
Ny tempoly masina sady mamirapiratra izay nanaovan’ny razanay hira fiderana Anao dia kilan’ny afo, ary ny zava-drehetra maminay indrindra dia rava avokoa.
Tezitra mafy ny TOMPOn’izao rehetra izao, ka dia mirehitra izany tany izany ary toy ny levon’ny afo ny vahoakany. Tsy misy olona miantra ny namany:
Satria misy zaza teraka ho antsika, zazalahy no omena antsika; eny an-tsorony ny mari-piandrianany, ary ny anaram-boninahiny dia hatao hoe: Mpitondra mahay, Andriamanitra mahery, Ray mandrakizay, Andriana mitondra ny fiadanana.
Tahaka ny fieron’ny biby masiaka no fandrahonan’ireo azy; ka nahatonga ny taniny ho lao sy nandorana ny tanànany ho tsy azo onenana.
Miakatra avy any anaty akata ny liona ary efa eny an-dalana ny mpandrava firenena; niala tao amin’ny toerany izy mba handrava ny taninareo sy hampahalao ny tanànanareo tsy hisy mponina intsony.
Koa natosako taminareo ny fahavinirako sy ny fahatezerako, ka nandoro ny tanànan’i Joda sy ny lalamben’i Jerosalema; eny, ho rava sy hampahonena ireny araka izay hita amin’izao andro izao.› »
Minoa anatra ianao, ry Jerosalema; raha tsy izany, dia hihatahako ianao, ka hataoko tanàna lao sy tany tsy honenana.
Ary eny an-tanàn-dehiben’i Joda sy eny an-dalamben’i Jerosalema dia hatsahatro ny kotabam-pifaliana amin’ny fety sy ny horakora-piravoana ary ny hiran’ireo mpanambady satria ho lao ny tany.
Noho izany, havelako halain’ireo mpifindrafindra monina avy any atsinanana ny taninareo: Hanorina toby eo amin’ny taninareo izy ka hamelatra ny lainy eo. Ireny no hihinana ny voankazo sy hisotro ny ronono izay anareo.
Horitiko ny sakeli-dranon’i Neily ary hatolotro an’ireo olon-dia i Ejipta. Hasaiko simban’ny vahiny izy, ka hofaohiny mbamin’izay rehetra ao aminy. Izaho TOMPO no miteny izany.
Tsentsefin’ny vahiny ny heriny nefa tsy fantany akory izany; ary mihafotsy ny volon-dohany, nefa tsy fantany akory izany.
Mamafy rivotra ianareo ka hijinja tadio. Fa hoy ny ohabolana hoe: «Vary tsy amin-tsalohy tsy vanon-ko lafarinina.»; ary raha tàhiny aza hisy, dia ny vahiny no handany azy.
Ianareo kosa, ady no hapoakako hamelezana anareo ka haeliko any amin’ny firenen-kafa ianareo; dia ho lao ny taninareo ary ho rava ny tanànanareo.
«Amin’izany ny taninareo hahazo fitsaharana mandritra ny taona rehetra hahafoana azy rehefa any amin’ny tanin’ny fahavalonareo any ianareo; amin’izay tokoa ny taninareo no hiala sasatra ka hahazo fitsaharana.
Hofoanako tsy ho eo an-tanànanareo ny fanaovana ody ratsy ary tsy hisy eo aminareo intsony ny mpanandro.
Ny vokatry ny taninareo sy izay rehetra efa nisasaranareo dia hohanin’ny firenena izay tsy fantatrareo; ary hampahorîn’ny sasany sy homongomongoiny mandrakariva ianareo.
Ny vahiny eo aminareo no hisandratra ho ambony dia ambony noho ianareo, fa ianareo kosa ho ambany dia ambany.
Ny firenena hafa rehetra koa dia ho loa-bolana hoe: «Nahoana re ny TOMPO no dia nanao toy izany tamin’ity tany ity? Inona no hevitr’izao fahatezerany mirehitra mafy izao?»