Eksodosy 33:18 - DIEM PROTESTANTA Hoy koa i Mosesy tamin’ny Tompo: –Avelao àry aho mba hahita ny voninahitrao. Baiboly Protestanta Malagasy 2011 Dia hoy i Mosesy: Mba ampahitao ny voninahitrao aho. Dikateny Iombonana Eto Madagasikara Hoy koa i Mosesy tamin’ny Tompo: –Avelao àry aho mba hahita ny voninahitrao. Baiboly Katolika Ary hoy i Môizy: «Mba ataovy mahita ny voninahitrao aho.» Ka hoy ny navalin’i Iaveh: Baiboly Protestanta Malagasy Ary hoy Mosesy: Mba ampahitao ny voninahitrao aho. Malagasy Bible Ary hoy Mosesy: Mba ampahitao ny voninahitrao aho. La Bible en Malgache Dia hoy i Mosesy: Mba ampahitao ny voninahitrao aho. |
Koa enga anie ho afa-mibanjina Anao ao amin’ny Toeramasina aho mba hahitako ny hery amam-boninahitrao!
Kanefa ianao tsy mahazo mijery Ahy miatrika, satria tsy misy olona hijery Ahy miatrika ka ho velona.
Tsy nisy nahita an’Andriamanitra na oviana na oviana; fa ny Zanaka lahitokana, Izay Andriamanitra sy miombona tanteraka amin’ny Ray, no efa nanambara Azy.
Izay manana ireo didiko sy mitandrina azy no tia Ahy; ary izay tia Ahy dia hotiavin’ny Raiko, ary Izaho koa ho tia azy ka hiseho aminy.
Isika rehetra kosa dia tsy mba misaron-tava, fa toy ny fitaratra tarafin’ny voninahitry ny Tompo; ka dia miova endrika hanahaka ny Tompo isika, sady mitombo hatrany ny famirapiratantsika, araka ny asa tontosain’ilay Fanahin’ny Tompo.
Fa Andriamanitra, Izay nandidy hoe: «Aoka ny mazava hamirapiratra avy ao anaty haizina», no nampamirapiratra ny mazava ao am-ponay, mba hampisehoanay ny fahalalana ny voninahitr’Andriamanitra, izay hita eo amin’ny tavan’i Jesoa Kristy.
Izy ihany no tsy mety maty, mitoetra ao amin’ny hazavana tsy hay akaikezina; tsy misy olombelona nahita maso Azy hatrizay hatrizay, ary tsy misy afaka hahita maso Azy; ho Azy anie ny haja sy ny fanjakana mandrakizay! Amen.
Toy izany no tokony hiandrasantsika ny hasambarana antenaintsika sy ny andro hisehoan’ny voninahitr’i Jesoa Kristy, ilay Andriamanitra lehibe sady Mpamonjy antsika.
Ny tanàna tsy mba mila ny masoandro na ny volana hamirapiratra ao aminy: fa ny voninahitr’Andriamanitra no efa manazava azy, ary ny Zanakondry no jiro manilo azy.