Matio 7:24 - Baiboly Katolika

Koa amin’izany, na zovy na zovy mandre izao teniko izao ka mitandrina azy, dia hoharina amin’ny lehilahy hendry izay nanorina ny tranony teo ambonin’ny vatolampy;

Baiboly Protestanta Malagasy 2011

Koa amin’izany, na zovy na zovy no mandre ny teniko teo ka mankatò azy dia hoharina amin’ny lehilahy manan-tsaina izy, izay nanorina ny tranony teo ambonin’ny vatolampy.

DIEM PROTESTANTA

–Koa amin’izany, na zovy na zovy mihaino ireo teniko ireo ka manatanteraka azy dia ho tahaka ny lehilahy misaina, izay nanorina ny tranony teo ambony vatolampy:

Dikateny Iombonana Eto Madagasikara

–Koa amin’izany, na zovy na zovy mihaino ireo teniko ireo ka manatanteraka azy dia ho tahaka ny lehilahy misaina, izay nanorina ny tranony teo ambony vatolampy:

Baiboly Protestanta Malagasy

Koa amin’izany na zovy na zovy no mandre izany teniko izany ka mankatò azy, dia hoharina amin’ny lehilahy manan-tsaina izy, izay nanorina ny tranony teo ambonin’ny vatolampy.

Malagasy Bible

Koa amin'izany na zovy na zovy no mandre izany teniko izany ka mankatò azy, dia hoharina amin'ny lehilahy manan-tsaina izy, izay nanorina ny tranony teo ambonin'ny vatolampy.

La Bible en Malgache

Koa amin’izany, na zovy na zovy no mandre ny teniko teo ka mankatò azy dia hoharina amin’ny lehilahy manan-tsaina izy, izay nanorina ny tranony teo ambonin’ny vatolampy.

Matio 7:24 Rohy Ifampitohizana

Joba 28:28

Izay Izy vao nilaza tamin’ny olombelona nanao hoe: ‹Ny fahatahorana ny Tompo, dia izay no fahendrena, ny mandositra ny ratsy, dia izay no fahalalana› ».

Salamo 111:10

Ny fahatahorana an’i Iaveh no fiandohan’ny fahendrena; manan-tsaina tokoa izay mitandrina ny didiny. Maharitra mandrakizay ny fiderana Azy.

Salamo 119:130

Mahazava, ny famelarana ny teninao; ka mampahazo saina ny olona tsotra.

Salamo 119:99

Hendry noho ny mpampianatra ahy rehetra aho satria ny fampianaranao no fisaintsainako.

Ohabolana 10:25

Toy ny fihelenan’ny tafio-drivotra no anjavonan’ny ratsy fanahy; fa fanorenana mandrakizay kosa no nampitoerana ny marina.

Ohabolana 10:8

Izay hendry am-po mandray ny didy; fa ny adala amin’ny vavany kosa mamantana amin’ny fahaverezana.

Ohabolana 12:7

Vao mihodina indray mandeha ny ratsy fanahy, dia tsy eo intsony; fa mijoro hatrany kosa, ny ankohonan’ny marina.

Ohabolana 14:8

Fahendren’ny olo-malina, ny nahafantatra ny lalany; fahadalan’ny adala ny fitaka.

Matio 12:50

Fa na zovy na zovy hanao ny sitrapon’ny Raiko izay any an-danitra, dia rahalahiko sy anabaviko ary reniko.»

Matio 16:18

Ary Izaho milaza aminao fa ianao no Piera (vatolampy), ary eo ambonin’izany vatolampy izany no hanorenako ny Egliziko, ary ny vavahadin’ny afobe tsy haharesy azy.

Matio 24:45

«Iza moa no mpanompo mahatoky sy hendry izay notendren’ny tompony ho mpifehy ny ankiziny, mba hanome hanina azy amin’ny fotoany?

Matio 25:2

Ny dimy tamin’izy ireo dia adala, fa ny dimy kosa hendry;

Matio 25:4

fa ny hendry kosa nitondra fanala sy solika tamin’ny fitoeran-tsolika.

Matio 25:9

Ndrao tsy ampy ho anay sy anareo, hoy ny navalin’ny hendry azy; fa aleo mankany amin’ny mpivarotra ianareo, ka mividiana ho anareo›.

Matio 7:25

ary latsaka ny ranonorana ka tondraka ny ony, ary nifofofofo ny rivotra namely izany trano izany, nefa tsy nianjera izy, fa niorina teo ambonin’ny vatolampy.

Matio 7:26

Ary na zovy na zovy mandre izao teniko izao, ka tsy mitandrina azy, dia hanahaka ny lehilahy adala nanorina ny tranony teo ambonin’ny fasika;

Lioka 11:28

«Fa vao mainka sambatra aza, hoy i Jesoa, izay mihaino ny tenin’Andriamanitra ka mitandrina azy.»

Jaona 13:17

Raha fantatrareo izany, dia ho sambatra ianareo raha manao izany.

Jaona 14:15

Raha tia Ahy ianareo, dia hitandrina ny didiko.

Jaona 15:10

Raha mitandrina ny didiko ianareo no hitoetra amin’ny fitiavako, tahaka ny nitandremako ny didin’ny Raiko sy itoerako amin’ny fitiavany.

Jaona 15:14

Ianareo no sakaizako, raha manatanteraka izay andidiako anareo.

Romana 2:13

satria tsy ny mandre ny lalàna no marina eo anatrehan’Andriamanitra, fa ny mankatò ny lalàna no hohamarinina.

1Jaona 2:3

Ary izao no ahafantarantsika fa mahalala Azy isika, dia raha mitandrina ny didiny isika.