Matio 24:19 - Baiboly Katolika Loza no hanjò ny bevohoka sy ny mitaiza kely, amin’izany andro izany. Baiboly Protestanta Malagasy 2011 Loza ny hahazo ny bevohoka sy ny mampinono amin’izany andro izany! DIEM PROTESTANTA Loza no hanjo ny bevohòka sy ny mitaiza kely amin’ireo andro ireo! Dikateny Iombonana Eto Madagasikara Loza no hanjo ny bevohòka sy ny mitaiza kely amin’ireo andro ireo! Baiboly Protestanta Malagasy Ary lozan’ny bevohoka sy ny mampinono amin’ireo andro ireo! Malagasy Bible Ary lozan'ny bevohoka sy ny mampinono amin'ireo andro ireo! La Bible en Malgache Loza ny hahazo ny bevohoka sy ny mampinono amin’izany andro izany! |
I Jônatasy zanak’i Saola, dia nanan-janaka malemy tongo-droa. Dimy taona io zaza io, no tonga avy any Jezraela, ny filazana ny amin’i Saola sy i Jônatasy hoe maty, ka nentin’ny mpitaiza azy nandositra izy; noho ny firotorotoan’izy io loatra teny am-pandosirana anefa dia potraka ny zaza ka nalemy tongotra. Mifibôseta no anarany
Tamin’izany, i Manahema dia niala tao Tersà ary namely an’i Tapsà sy ny mponina ao aminy mbamin’ny faritaniny; noho izy tsy namoha vavahady azy, no namelezany azy, ary notatahany ny kibon’ny vehivavy bevohoka rehetra.
Nisy vehivavy mora mangoraka, nefa tanany no nahandro ny zanany dia nataony hanina izany, tamin’ny fandringanana ny zanaka vavin’ny vahoakako.
ka dia niteny taminy hoe: «Renao va izay lazain’ireo?» «Eny, hoy i Jesoa, moa mbola tsy novakinareo va ny hoe: Avy amin’ny vavan’ny ankizy sy ny zaza minono no hahazoanao dera?»
Loza no hanjò ny bevohoka sy ny mitaiza kely amin’izany andro izany, fa ho lehibe tokoa ny fahoriana eto an-tany ary ho mafy ny hatezeran’Andriamanitra amin’ity firenena ity: