Josoa 6:13 - Baiboly Katolika

Niainga ny mpisorona fito nitondra ny trômpetra fito mafy faneno, teo alohan’ny fiaran’i Iaveh ary nitsoka ny trômpetra. Ny lehilahy àry fiadina nandeha teo alohan’ireo, ary ny vodilalana nanarakaraka ny fiaran’i Iaveh. Teo am-pandehanana dia notsofina ny trômpetra.

Baiboly Protestanta Malagasy 2011

Ary ny mpisorona fito izay nitondra ny anjomara fito mafy faneno teo alohan’ny vata misy ny faneken’NY TOMPO dia nandeha sady nitsoka ny anjomara; ny olona efa voaomana hiady dia nandeha teo alohany; ary ny vodilalana kosa dia nanaraka ny vata misy NY TOMPO; ary notsofina teny am-pandehanana ny anjomara.

DIEM PROTESTANTA

Ny mpisorona fito mpitondra trompetra no nandroso sady nitsoka trompetra teo alohan’ny Vatamasina. Ny andian-tafika mpamaky lay nialoha ireo mpisorona ireo ary ny vodilalana kosa nanaraka ny Vatamasina. Teny am-pandehanana dia notsofina hatrany ny trompetra.

Dikateny Iombonana Eto Madagasikara

Ny mpisorona fito mpitondra trompetra no nandroso sady nitsoka trompetra teo alohan’ny Vatamasina. Ny andian-tafika mpamaky lay nialoha ireo mpisorona ireo ary ny vodilalana kosa nanaraka ny Vatamasina. Teny am-pandehanana dia notsofina hatrany ny trompetra.

Baiboly Protestanta Malagasy

Ary ny mpisorona fito izay nitondra ny anjomara fito mafy faneno teo alohan’ny fiaran’i Jehovah dia nandeha mandrakariva ka nitsoka ny anjomara; ary ny olona efa voaomana hiady dia nandeha teo alohany; ary ny vodi-làlana kosa dia nanaraka ny fiaran’i Jehovah; ary notsofina teny am-pandehanana ny anjomara.

Malagasy Bible

Ary ny mpisorona fito izay nitondra ny anjomara fito mafy faneno teo alohan'ny fiaran'i Jehovah dia nandeha mandrakariva ka nitsoka ny anjomara; ary ny olona efa voaomana hiady dia nandeha teo alohany; ary ny vodi-lalana kosa dia nanaraka ny fiaran'i Jehovah; ary notsofina teny am-pandehanana ny anjomara.

La Bible en Malgache

Ary ny mpisorona fito izay nitondra ny anjomara fito mafy faneno teo alohan’ny vata misy ny faneken’NY TOMPO dia nandeha sady nitsoka ny anjomara; ny olona efa voaomana hiady dia nandeha teo alohany; ary ny vodilalana kosa dia nanaraka ny vata misy NY TOMPO; ary notsofina teny am-pandehanana ny anjomara.

Josoa 6:13 Rohy Ifampitohizana

1Tantara 15:26

Rehefa nomban’Andriamanitra fanampiana ny Levita izay nitondra ny fiaran’ny faneken’i Iaveh, dia namono ombalahy enina sy ondralahy enina natao sorona ny olona.

Nomery 10:25

Dia niainga ny fanevan’ny tobin’ny zanak’i Dana, araka ny antokony avy; izy no vodilalan’ny toby rehetra. Ny antokon’i Dana dia nofehezin’i Ahiezera zanak’i Amisadaia;

Matio 24:13

fa izay haharitra hatramin’ny farany no ho voavonjy.

Galatiana 6:9

Aza ketraka amin’ny fanaovan-tsoa, fa hijinja amin’ny fotoana isika raha tsy ketraka.

Josoa 6:12

Ny ampitson’iny, dia nifoha i Jôsoe, ary nitondra ny fiaran’i Iaveh ny mpisorona.

Josoa 6:14

Nandeha nanodidina ny tanàna indray mandeha koa izy tamin’ny andro faharoa, dia niverina tany an-toby; ka henemana izy nanao izany ihany.

Josoa 6:4

Mpisorona fito no hitondra trômpetra fito mafy faneno eo alohan’ny fiara, ary amin’ny andro fahafito ianareo handeha manodidina impito ny tanàna, ary ny mpisorona hitsoka ny trômpetra.

Josoa 6:9

Ny lehilahy àry fiadiana nandeha teo alohan’ny mpisorona nitsoka trômpetra, ary ny vody lalana kosa nanarakaraka ny fiara; teo am-pandehanana dia notsofina ny trômpetra.