Josoa 20:9 - Baiboly Katolika Ireo no tanàna natokana ho an’ny zanak’i Israely rehetra, sy ny vahiny mitoetra eo aminy, hialofan’izay rehetra nahafaty olona tsy nahy, mba tsy ho fatin’ny tanan’ny mpamaly ra izy, alohan’ny hisehoany eo anatrehan’ny fiangonana. Baiboly Protestanta Malagasy 2011 Ireo no tanàna voafidy ho an’ny Zanak’Israely rehetra sy ny vahiny eo aminy handosiran’izay rehetra nahafaty olona tsy nahy mba tsy ho fatin’ny tanan’ny mpamaly ra izy mandra-pisehony eo anatrehan’ny fiangonana. DIEM PROTESTANTA Ireo tanàna ireo no natokana ho fialofana ho an’ny Israelita rehetra sy ny vahiny valovotaka ao aminy; any no handosiran’izay rehetra nahafaty olona tsy nahy, mba tsy hovonoin’ny mpamaly faty izy ambara-pisehony hotsaraina eo anatrehan’ny fiangonana israelita. Dikateny Iombonana Eto Madagasikara Ireo tanàna ireo no natokana ho fialofana ho an’ny Israelita rehetra sy ny vahiny valovotaka ao aminy; any no handosiran’izay rehetra nahafaty olona tsy nahy, mba tsy hovonoin’ny mpamaly faty izy ambara-pisehony hotsaraina eo anatrehan’ny fiangonana israelita. Baiboly Protestanta Malagasy Ireo no tanàna voafidy ho an’ny Zanak’Isiraely rehetra sy ny vahiny eo aminy handosiran’izay rehetra nahafaty olona tsy nahy, mba tsy ho fatin’ny tanan’ny mpamaly ra izy mandra-pisehony eo anatrehan’ny fiangonana. Malagasy Bible Ireo no tanàna voafidy ho an'ny Zanak'Isiraely rehetra sy ny vahiny eo aminy handosiran'izay rehetra nahafaty olona tsy nahy, mba tsy ho fatin'ny tanan'ny mpamaly rà izy mandra-pisehony eo anatrehan'ny fiangonana. La Bible en Malgache Ireo no tanàna voafidy ho an’ny Zanak’Israely rehetra sy ny vahiny eo aminy handosiran’izay rehetra nahafaty olona tsy nahy mba tsy ho fatin’ny tanan’ny mpamaly ra izy mandra-pisehony eo anatrehan’ny fiangonana. |
Ireo no ho tanàna fialofana, ary ireo tanàna enina ireo, dia ho fialofana ho an’ny zanak’i Israely, ho an’ny vahiny ary ho an’izay mitoetra eo aminareo, mba handosiran’izay rehetra nahafaty olona tsy nahy.
Handositra amin’ny anankiray amin’ireo tanàna ireo izay namono olona, dia hijanona eo anoloan’ny vavahadin’ny tanàna, ka hanambara ny mahazo azy amin’ny loholon’izany tanàna izany, dia horaisin’ireo ho ao aminy ao an-tanàna izy, ka homeny trano mba hipetrahany eo amin’izy ireo.
Hitoetra amin’izany tanàna izany izay nahafaty olona, mandra-pisehony hotsaraina eo anatrehan’ny fiangonana, mandra-pahafatin’izay mpisorona lehibe amin’izany andro izany. Fa amin’izay dia hody ilay nahafaty olona ary hiverina any an-tanànany sy any an-tranony, dia any amin’ny tanàna nialany nandositra.»
Any an-dafin’i Jordany tandrifin’i Jerikô any atsinanana dia ireto no nofidiny: i Bosora, any an’efitra, any amin’ny tany lemaka, an’ny fokon-dRobena; i Ramôta, any Galaada, an’ny fokon’i Gada, ary i Gaolôna, any Basàna, an’ny fokon’i Manase.