1Jaona 1:4 - Baiboly Katolika Ary izahay no manoratra izany aminareo, dia mba ho feno ny fifalianareo. Baiboly Protestanta Malagasy 2011 Ary izao zavatra izao no soratanay mba ho tanteraka ny fifaliantsika. DIEM PROTESTANTA Izany no soratanay aminareo, mba ho feno ny hafaliantsika. Dikateny Iombonana Eto Madagasikara Izany no soratanay aminareo, mba ho feno ny hafaliantsika. Baiboly Protestanta Malagasy Ary izao zavatra izao no soratanay, mba ho tanteraka ny fifaliantsika. Malagasy Bible Ary izao zavatra izao no soratanay, mba ho tanteraka ny fifaliantsika. La Bible en Malgache Ary izao zavatra izao no soratanay mba ho tanteraka ny fifaliantsika. |
Ho revon-kafaliana eo amin’i Iaveh aho, ary hiravoravo amin’ny Andriamanitro ny foko, satria notafiany fitafiam-pamonjena aho, ary nakanjoiny akanjom-pahamarinana, toy ny mpampakatra miravaka diadema eo an-dohany; toy ny ampakarina miraratra ny firavany sarobidy.
Izaho no milaza izany aminareo, dia mba ho ao aminareo ny fifaliako, ary mba ho lavorary ny fifalianareo.
Mandraka ankehitriny dia mbola tsy nangataka na inona na inona tamin’ny Anarako ianareo; mangataha àry, dia hahazo ianareo, ka ho tanteraka ny fifalianareo.
Izay manana ny ampakarina no mpampakatra; fa ny sakaizan’ny mpampakatra izay mitsangana eo sy mihaino azy, dia faly tokoa mandre ny feon’ny mpampakatra; ary izany hafaliana izany no tanteraka amiko,
tsy dia hoe hanao jadona amin’ny finoanareo izahay (sanatria), fa miara-miasa hampandroso ny hafalianareo; raha ny finoana, dia efa miorina tsara ianareo.
sady hahalala ny fitiavan’i Kristy izay mihoatra ny fahalalana rehetra, ka dia ho fenon’ny hafenoan’Andriamanitra rehetra ianareo.
Anaka, nanoratra izany aminareo aho, mba tsy hanotanareo. Ary raha misy nanota, manana mpisolo vava ao amin’ny Ray isika, dia i Jesoa Kristy, ilay Marina.
Manan-javatra maro hosoratana aminareo aho fa tsy tiako atao an-taratasy na amin’ny ranomainty izany, fa ho any aminareo aho, ka dia hiteny mifanatrika aminareo, mba ho feno ny hafalianareo.