Yoshua 3:1 - MUKANDA WA MYIDI MUKULU

¹ Yoshuwa ne bena Izrayele kumuka mu Shitime ne dinda dionsu. Kupuekelabu ku muelelu wa Yardene. Kuasabu mitanda yabu muaba awu, bindile mua kusabuka.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yoshua wakabika ne dinda dionso; bakumuka ku Shitima, bakulua ku Yadene, yeye ne Bena Isalele bonso; bakalalaku diambedi kabayi banze kusabuka.

Yoshua 3:1 Eitobir Enkop

Yoshua 2:1

Diba divua Yoshuwa, muana wa Nune, mu mitanda ya mu Shitime, kutumaye bantu babidi mu musokoku bua baye kutentekela mudi ditunga ne tshimenga bia Yeriko. Batentekedi babidi abu, bamane kufika mu Yeriko, kulalabu kua mukaji muena tshiendenda, dina diende Rakabe.

Marke 1:35

Dinda dionsu, butuku kabuyi buanji kutshia, Yezu kujuka, kupatuka mu nzubu. Kumukaye mu tshimenga, kuyaye muaba wa pa nkayende, kubangaye kutendelela.

Mika 6:5

Bantu banyi, nuvuluke mianda ya kale! Balake, mukalenga wa bena Mowabe, uvua muele meji a kunuenzela bibi. Nuvuluke bivuabu bamuandamune kudi Balaame, muana wa Beyore. Pashishe mvua muende nenu, biangatshile ku Shitime too ne ku Ngilgale. Nanku nuvua bamone malu mimpe, andi meme Maweja-Nangila munuenzele.”

Yirmeya 26:5

Nulame malu adibu banuambila kudi bambi bena mudimu banyi. Mvua munutumine bambi matuku onsu, kadi kanuvua babateleje to.

Yirmeya 25:3

— Kutuadija ku tshidimu tshia dikumi ne tshinayi tshivua Yoshiya, muana wa Amone, mu bukalenga bua bena Yuda too ne lelu, kukadi bidimu makumi abidi ne bisatu bindi nnubela, tshiyi ndekela, nnuambuluila amu malu adi Maweja-Nangila ummanyisha. Kadi kanuena nuateleja to.

Yirmeya 7:13

Nanku, Maweja-Nangila udi wamba ne: Nudi benze bibi mushindu umue ne bena mu Shilo. Ndi munubele misangu ne misangu, kanuyi nunteleja to. Meme kunubikila, nuenu kubenga kuitaba.

Misambu 119:60

Tshiena njingakana bua kuenza tshiudi muambe.

Dibadika 25:1

Bena Izrayele kusomba mu Shitime. Muaba awu kutuadijabu kuenda buendenda ne bakaji ba bena Mowabe.

Genese 22:3

Butshia Abrahame kujuka ne dinda dionsu, kuangata muanende Izake, bena mudimu bende babidi, mpunde wende ne nkunyi. Kuyaye muaba uvua Mvidi Mukulu mumuambile bua kulambula mulambu.

Genese 21:14

Abrahame, kujuka dinda dionsu, kupesha Agare diampa ne kabulubulu tente ne mayi. Kumusuikaye muana panyima, umuambe ne: Ndaku. Agare uvua wenda ulalakana mu tshipela tshia Bersheba.

Yoshua 6:12

Yoshuwa kujuka ne dinda dionsu. Batuangaji kuambula kabidi mushete wa tshijila pa makaya.

Yoshua 6:15

Kadi dituku dia muanda mutekete, kujukabu butuku bumane kutshia. Kunyungulukabu tshimenga misangu muanda mutekete anu mushindu uvuabu benza awu. Anu dituku adi, ke divuabu banyunguluka tshimenga misangu muanda mutekete.

Yoshua 7:16

Butshia dinda dionsu, Yoshuwa kubikila bena Izrayele ku tshisamba ku tshisamba. Kutshinkabu, kupeta tshisamba tshia Yuda.

Yoshua 8:10

Butshia dinda, pa kabundubundu, Yoshuwa kuya kukenketa bena mvita bende. Pashishe kuyaye nabu pamue ne bakulu ba meku a bena Izrayele bua kuluisha bena Ayi.

Balombodi 20:19

Butshia dinda, bena Izrayele kuya kuasa mitanda pabuipi ne Ngibeya.

1 Samuele 17:20

Butshia dinda, Davide kushiya mikoku yende kudi mulami mukuabu. Kuangataye bintu bivuaye ne bua kuya nabi. Kuyaye muvua tatuende Ishayi mumutumina diyi. Kufikaye mu mitanda diba divu bena mvita bela mualu wa mvita, bela mbila bua kuya ku mvita.