Osheya 4:1 - MUKANDA WA MYIDI MUKULU

¹ Maweja-Nangila udi umanyisha bena ditunga tshilumbu tshidibu natshi kudiye. Nuenu bena Izrayele, telejayi: Maweja-Nangila udi unuambila ne: “Nuenu bena ditunga edi, kanuena nulamatangana kabidi ne muoyi umue, kanuena nuenzelangana kabidi bimpe to. Kanuena bamanye Mvidi Mukulu. Kanuena nuenza tshidiye musue.

Mukanda wa Nzambi Dihungila Dikulukulu ne Dihungila Dihia-dihia 2003

¹ Unvuai dî dia Yehowa, nuenu Bena Isalele! Bualu bua Yehowa udi ne tshilumbu tshia kulumbuluisheye bantu ba mu buloba ebu; bualu bua kakuena bulelela, kakuena buimpe, kakuena kumanya kua Nzambi kudibo mu buloba.

Osheya 4:1 Eitobir Enkop

Yirmeya 4:22

Maweja-Nangila udi wamba ne: “Bantu banyi bena Izrayele kabena ne lungenyi to, kabena bammanye. Mbana badi kabayi ne meji. Mbamanye amu mua kuenza malu mabi. Kadi, kabena bamanye mua kuenza malu mimpe to.”

Mika 6:2

Nuenu mikuna minene, telejayi, nuenu bitaku bidi kabiyi binyunga, bidi buloba bueyemena. Maweja-Nangila udi ufunda bantu bende ku tshilumbu. Udi musue bua baleje patoke bivuabu benza.

1 Korente 15:34

Mbimpe nupete tshiakabidi meji mempe. Lekelayi kuenza malu mabi. Bamue ba kunudi kabena bamanye Mvidi Mukulu to, ke bundu buenu!

Rome 1:28

Bu muyuabu babenga kumanya Mvidi Mukulu, Mvidi Mukulu mmubafile ku butshimbakane, bua kuenzabu bivuabu kabayi mua kuenza.

Osheya 12:2

Bena Efrayime badi benza malu a tshianana, bu bantu badi bipata lupepele, bakeba kulukuata. Matuku onsu badi bipata lupepele lua luya, bashimangana, bakengeshangana. Badi batua ndondu ne bena Ashure, bafila mafuta abu mimpe kudi bena Ejipitu.

Yirmeya 25:31

Mutoyi udiye wenza udi ufika kudi bantu bonsu ba pa buloba, too ne ku ndekelu kua buloba. Maweja-Nangila udi wasa bisamba bionsu tshilumbu, ubibikila ku kabadi kende. Kadi bantu bonsu bena tshibawu neabashipe. Ke tshivua Mvidi Mukulu mungambile.

Yirmeya 5:4

Meme kuamba ne: “Bantu badi benza nanku mbantu bapele nkayabu. Kabena ne lungenyi to. Kabena bamanye tshidi Maweja-Nangila musue. Kabena bamanye mikenji ya Mvidi Mukulu wabu.

Yeshaya 34:1

Nuenu bukua bisamba, semenayi pabuipi, numvue. Ntelejayi, nuenu bantu bonsu. Buloba buteleje, buteleje ne bintu bionsu bidipu! Buloba buonsu bujadike bualu ebu, bobu ne bintu bionsu bidi bimenapu.

Yeshaya 1:18

Maweja-Nangila udi unubikila ne: Fikayi, tumone wapila ne wabinga nnganyi? Mibi yenu, nansha yoyi mikunze bu mashi, neitoke zezeze bu ndanda. Pikalayi mikunze kunzuu, neitoke bu miosa ya mikoku.

Didimanyisha 2:29

“Bidi Mueyelu wa Tshijila wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue!”

Didimanyisha 2:11

“Bidi Mueyelu wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, kabakumona lufu luibidi.”

Yowanane 8:55

Kadi kanuena bamumanye. Meme ndi mumumanye. Bu meme muambe ne: Tshiena mumumanye, mvua kuikala muena dishima munudi nuenu. Kadi ndi mumumanye. Ndi ntumikila miaku yende.

Amosa 7:16

Kadi wewe, Amashiya, udi musue kunkandika mudimu wa muambi undi ngenzela bena Izrayele. Udi musue bua ndekele biakulakula, muudi ubiamba, bindi mbela nabi ndelanganyi ya Izake. Nanku, teleja bidi Maweja-Nangila ukuambila ne:

Osheya 5:1

Telejayi bimpe, nuenu batuangaji, nuenu kabidi bamfumu ba bena Izrayele, ne nuenu bonsu badi basombe mu lubanza lua mukalenga, nuenu ke bavua mua kulumbuluisha bantu bimpe. Kadi, ku Mispa nuvua bateye bantu banyi. Ku mukuna wa Tabore, nuvua nubamuenekela bu bukondu bumana kuela.

Yirmeya 34:4

“Kadi, wewe Sedekiya, mukalenga wa bena Yuda, bu wewe muitabe tshindi nkuambila, kabakukushipa to. Meme Maweja-Nangila ndi nkujadikila nanku.

Yirmeya 19:3

Newambe ne: “Nuenu bakalenga ba bena Yuda, ne bena Yerushalayime, telejayi tshidi Maweja-Nangila Mvidi Mukulu wa bukole buonsu wa Izrayele wamba. Nentume dikenga muaba ewu. Bantu badi bumvua batela dikenga adi, matshi abu neapate bu bumvua dikubakuba.

Yirmeya 9:20

“Lufu ludi lubuelela pa madidishi etu. Ludi bibuela mu nzubu yetu mimpe, lushipa bana betu batekete mu misesu, ne bansongalume betu miaba idi bantu bunguile.”

Yirmeya 7:28

Pashishe mubambile ne: “Nudi tshisamba tshia bantu badi kabayi bateleja tshidi Mvidi Mukulu wabu wamba. Nudi bantu badi babenga mibelu ya Maweja-Nangila. Tshisamba tshienu katshiena tshia diyi dimue to. Katshiena tshiela meji a kukumbaja tshi-vuatshi tshilaya nansha.”

Yirmeya 6:13

Bualu bantu aba bonsu, bana ne bantu bakole, badi amu ne lukuka lua bintu, bakeba biuma ne buivi. Bambi ne batuangaji mene badi amu badinga bantu.

Yirmeya 4:28

Nanku, buloba nebudile muadi. Mulu nemuenze miidima. Ndi ngamba bindi mumane kuela meji bua kuenza. Tshiena nkudimuna meyi andi mumane kuamba to. Tshiena nshintulula bualu ebu to.”

Yirmeya 2:4

Nuenu ndelanganyi ya Yakobe, nuenu bena mu bisamba bionsu bia Izrayele, telejayi bindi ngamba.

Yeshaya 66:5

Nuenu badi bateleja diyi dia Maweja-Nangila ne luzakalu, bamuitaba, umvuayi tshidiye unuambila. Nudi ne bena kuenu, badi banudiwula, banuipata munkatshi muabu, bualu nudi balamate Mvidi Mukulu. Badi banuamba, baseka ne: “Maweja-Nangila aleje bukole buende tumone munudi basanka!” Kadi bobu nebafue bundu.

Yeshaya 34:8

Bualu ke dituku didi Maweja-Nangila usombuela bantu. Ke tshidimu tshidiye ufuta baluishi ba Siyone malu mabi onsu avuabu benze.

Yeshaya 28:14

Nuenu basekianganyi, badi balombola bantu aba ba mu Yerushalayime, umvuayi bidi Maweja-Nangila wamba ne:

Yeshaya 5:3

Ke mulunda wanyi kuamba ne: “Nuenu bantu badi basomba mu Yerushalayime, ne nuenu badi basomba mu Yuda, nukose tshilumbu, tshidi pankatshi panyi ne budimi buanyi.

Yeshaya 1:10

Nuenu bamfumu ba mu Yerushalayime, nudi bafuanangane ne bena tshimenga tshia Sodome. Telejayi bimpe tshidi Maweja-Nangila wamba! Nuenu kabidi bantu babi, badi bafuanangane ne bena Ngomore. umvuayi mudi Mvidi Mukulu wetu unubela ne:

1 Bakalenga 22:19

Mika kuamba kabidi ne: — Teleja anu tshidi Maweja-Nangila wamba ne: Ndi mumone Maweja-Nangila musombe mu nkuasa wende wa bukalenga, bena mudimu bende bonsu ba mu diulu, bimana, aba ku dia balume diende, bakuabu ku dia bakaji.

Yeshaya 59:4

Nudi nufundangana ku tubadi amu ne muoyi mubi. Nudi nulumbululaku, kanuyi nukeba bulelela. Malu anudi nujadika adi amu a dishima. Bionsu binudi nuamba bidi amu bia patupu. Nudi amu nukeba kukengeshangana, nupatula munda muenu amu malu mabi.

Yeshaya 59:8

Kanuena bamanye njila wa bupole. Kuonsu kunudi nupitshila, nudi nudiatakaja buakane mu makasa. Nudi nulonda amu njila mikonyangale. Kadi muntu udi unulonda mu njila yenu ayi, kakupeta bupole to.

Yirmeya 9:3

Nanku, muntu yonsu adimukile bantu bakuabu! Kanuena mua kutekemena nansha muanenu to. Bualu udi anu unudinga bu muvua Yakobe muenze. Balunda benu kabidi nebanujane.

Yirmeya 51:5

Bualu Maweja-Nangila Mvidi Mukulu wabu wa bukole buonsu, ki mmubenge bena Izrayele ne bena Yuda. Kadi bena Babilone mbenzele Maweja-Nangila wa tshijila wa Izrayele bibi bitambe.

Yowele 1:2

Nuenu bakulu, umvuayi! Nuenu bonsu badi basombe mu ditunga dia Yuda, telejayi! Bualu bua mushindu ewu mbumane kuenzeka mu tshikondu tshienu, nansha tshia bankambua benu anyi?

Misambu 81:9

Bantu banyi nunteleje, ndi nnudimuja! Bena Izrayele, bu nuenu banteleje!

Yirmeya 2:9

Nanku, ndi nenu tshilumbu. Nendumbuluishe ndelanganyi yenu. Meme Maweja-Nangila ndi njadika nanku.

Yirmeya 9:7

Ndimi ya bantu aba, idi anu bu mikete ya kushipangana nayi. Badi bamba anu malu a dishima. Badi bambila bantu nabu meyi mimpe. Kadi munda muabu badi bela meji mudibu mua kubakuata mu buteyi.

Yirmeya 11:7

Bu mumvua nsengelela bankambua benu matuku amvua mubapatule mu Ejipitu, ke mundi nnusengelela nuenu lelu. Ndi nnuambila ne: Itabayi bindi nnuambila.

Yezekiyele 16:35

“Wewe Yerushalayime, muena tshiendenda, teleja diyi dia Maweja-Nangila.

Osheya 5:4

Buenzayi bua bena Izrayele mbupite. Nanku kabena mua kupingana kabidi kudi Mvidi Mukulu wabu to. Meji a bena Izrayele, adi anu ku tshiendenda. Kabena bamanye Maweja-Nangila.

Osheya 12:3

Maweja-Nangila udi tshilumbu ne bena Yuda. Neanyoke bena Yakobe, bua buenzayi buabu. Neabafute bua malu mabi avuabu benze.

Amosa 3:1

Bena Izrayele, telejayi. Nudi bantu bayua Maweja-Nangila mupatule mu Ejipitu. Udi unujadikila ne: