Nsumuinu 8:10 - MUKANDA WA MYIDI MUKULU

¹⁰ Kebayi mua kumvua dilongesha dianyi, pa mutu pa kukeba tshiamu tshitoke tshia mushinga mukole. Nusungule lungenyi bu tshintu tshipite mpawungi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nusungule diyisha dianyi, kanusungudi tshiamu tshia argent; nusungule lungenyi bu tshintu tshihite tshiamu tshia or wa mushinga mukole buimpe.

Nsumuinu 8:10 Eitobir Enkop

Misambu 119:127

Ndi munange meyi ebe kumpala kua bintu bionsu, kumpala kua tshiamu tshia mpawungi wa menemene.

Misambu 119:72

Mikenji yebe idi indengelela, bipitshidile biamu bia mpawungi ne biamu bitoke bia mushinga mukole binunu ne binunu.

Nsumuinu 23:23

Ikala muntu udi wamba malu malelela, muedi wa meji, muntu mudimuke ne wa lungenyi. Wewe mumane kupeta ngikadilu eyi, kuyinyangi to.

Muambi 7:11

Meji adi malenga mapite bintu bia bumpianyi. Adi alengelela bantu bonsu badi basomba panu.

Nsumuinu 10:20

Miaku ya muntu udi utshina Mvidi Mukulu mmipite tshiamu tshitoke tshia mushinga mukole. Tshidi muntu mubi wela meji katshiena ne mushinga to.

Bienzedi 3:6

Ke Petro kumuamba ne: — Tshiena ne lukanu lua tshiamu tshitoke tshia mushinga mukole, nansha lua tshiamu tshia mpawungi. Kadi tshindi natshi, ndi nkupeshatshi: mu dina dia Yezu Kristu wa mu Nazarete, ndi nkuamba ne: juka, enda!

Nsumuinu 16:16

Bidi bitambe buimpe kupeta meji ne lungenyi, pa mutu pa kupeta mpawungi ne tshiamu tshitoke tshia mushinga mukole.

Misambu 119:162

Ndi nsanka bua mukenji webe, bu mupete biuma bia bungi bia mushinga mukole.

2 Korente 6:10

Badi batubungamija, kadi tudi tuleja amu disanka. Tudi tumueneka bu bapele, kadi tudi tunemesha bantu bavule. Tudi tumueneka bu badi ku bianza kutupu, kadi tudi ne bionsu.

Nsumuinu 8:19

Mapa anyi mmapite mpawungi muimpe ku mushinga. Lupetu luawu ndupite tshiamu tshitoke tshia mushinga mukole.

Yobe 28:15

Kabena mua kuashintakaja ku tshiamu tshimpe tshia mpawungi. Kabena baasumba ku tshiamu tshitoke tshia mushinga mukole, nansha tshiotshi bungi bishi?

Yobe 28:17

Tshiamu tshia mpawungi nansha talatala, kabiena bifuanangane nawu ku mushinga. Kabena mua kuashintakaja ne luesu lua tshiamu tshia mpawungi.

Nsumuinu 20:15

Tshiamu tshia mpawungi ne busanga bidi bivule, kadi tshintu tshidi muntu kayi mua kusangana lukasa ke miaku ya meji.