Nsumuinu 6:23 - MUKANDA WA MYIDI MUKULU

²³ Bualu bidi baledi bakuambila bidi bu muendu. Mibelu yabu idi bu butoke. Malongesha abu adi atuludika mu njila wa muoyi.

Mukanda wa Nzambi Dihungila Dikulukulu ne Dihungila Dihia-dihia 2003

²³ Bualu bua mukenji udi muinda, diyisha diau didi munya, kubela kudi ne diyisha kudi nshila wa muoyo.

Nsumuinu 6:23 Eitobir Enkop

Misambu 119:105

Diyi diebe didi bu muendu ku makasa anyi, bu butoke budi buntokeshila njila.

2 Petro 1:19

Bu mutuvua bumvue miaku eyi, tudi bajadike bimpe menemene ne: meyi avua bambi batumanyishe kale adi malelela. Nanku panudi nuavuluka ne ntema, nudi nuenza bimpe, bualu adi bu muendu udi utema muaba wa miidima, too ne padi butuku butshia, too ne padi mutotu wa nkesha ukenkesha mioyi yenu.

Misambu 19:8

Mikenji ya Maweja-Nangila kayena bubi. Idi ifila bukole, ipetesha muoyi. Mibelu ya Maweja-Nangila idi mimpe, ikebela bena lungenyi lutekete meji.

Nsumuinu 15:31

Muntu udi uteleja mubelu udi mua kumuambuluisha, neasombe munkatshi mua bantu ba meji.

Nsumuinu 4:13

Kuvidi bivuabu bakulongeshe. Ubivuluke: ke bidi bikupetesha muoyi.

Nsumuinu 4:4

Tatu wanyi uvua undongesha, wamba ne: “Vuluka malongesha anyi bimpe. Ukumbaje mikenji indi mukupe. Nanku neushale matuku mavule pa buloba.

Yirmeya 21:8

Maweja-Nangila kutuma bantu kudi Yirmeya bua kubambila ne: “Maweja-Nangila udi wamba ne: ndi munuteke mu mansanga a njila. Kumpala kuenu kudi lufu nansha muoyi.

Nsumuinu 29:15

Manyoka ne mibelu bidi bilongesha muntu. Kadi muana udibu kabayi bambila bualu udi ufuisha mamuende bundu.

Nsumuinu 15:24

Muntu wa lungenyi udi ulonda njila udi lunupetesha muoyi. Udi wepuka njila udi upueka mu kandondu ka buloba.

Misambu 141:5

Ndi nganyisha muntu wa malu mimpe antute, muntu muakane andengeje; tshiena mua kubenga, ndi munange. Kadi padi bantu babi benza malu mabi, tshiena ndekela bua kukutendelela.

Didimanyisha 2:5

Nanku vuluka muuvua kulu, wewe kupona panshi. Udilengeje, wenze bu muuvua muenze ku mbangilu. Kuyi mudilengeje, nemfike kuudi, ngumushe tshitekelu tshiebe tshia miendu pa muaba watshi.

Yeshaya 8:20

wandamuna ne: “Tuetu tudi bualu amu ne mikenji, kabidi ne malongesha a Maweja-Nangila.” Muntu udi kayi ulonda mukenji awu, kena utshisha bufuku to.

Nsumuinu 3:18

Meji adi mpokolu wa muoyi ne wa diakalenga, kudi bantu badi benza mudiwu abalongesha.

Nsumuinu 5:12

Newambe ne: “Eyi, mvua mubenge bivuabu bangambila. Tshivua muanyishe muvuabu bambela.

Lewitiki 19:17

“Kanulaminyi muanenu lukuna. Kanutshinyi mua kubela muntu patoke bua tshilema tshiende, bua kanuikadi bonsu bena tshibawu.

Genese 39:8

Yozefe kubenga kashidi, umuambila ne: — Mfumuanyi mmunteke mulombodi wa bintu biende bionsu. Udi munnange.

Misambu 119:130

Diyi diebe didi dipetesha muntu butoke padiye udimanya, didi dipetesha bantu bapuekele lungenyi.

Nsumuinu 10:17

Muntu udi uvuluka malongesha udi wenda mu njila wa muoyi. Udi ubenga mibelu udi upambuka.

Muambi 7:5

Mbimpe kuteleja muntu wa meji udi ukudiwula pa mutu ka kuteleja muntu mupote udi ukutua makumbu.

Muambi 7:26

Ndi mumone ne: mukaji udi uteya bantu mmupite lufu ku bululu. Dinanga diende didi bu bukondu. Maboku ende adi akusuika bu nkanu. Muntu udi wenza tshidi Mvidi Mukulu musue, udi upanduka kudi mukaji ewu. Kadi muenji wa bibi nebamukuate kudi mukaji ewu.

Yezekiyele 20:11

Mvua mubalongeshe meyi ne mikenji bi-mvua muele bua bantu bonsu badi babilonda bikale ne muoyi.