Nsumuinu 4:18 - MUKANDA WA MYIDI MUKULU

¹⁸ Njila udi bantu bakane balonda, udi bu butoke bua mu dinda, budi buenda buvulangana too ne mudi munya ukola.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Kadi nshila wa bantu bakane udi bu diba dia kabundubundu, didi ditema ne dikenkakenka tô ne hakumbana diba dia munda munya.

Nsumuinu 4:18 Eitobir Enkop

Yowanane 8:12

Yezu kulongesha kabidi bantu, ubambila ne: — Meme ndi butoke bua badi pa buloba. Muntu udi undonda katshia kena wenda mu miidima, kadi neikale ne butoke bua muoyi.

Yobe 11:17

Newende ne disanka dikole dipite dia diba didi dikenka munda munya. Miidima neyandamuke yenze munya wa dinda.

Danyele 12:3

Bantu ba lungenyi nebakenke bu bintu bia mu diulu. Bantu bavua bambuluisha bakuabu bua batendelele Mvidi Mukulu ne muoyi umue, nebakenke bu mitotu tshiendelele.

2 Korente 3:18

Tuetu bonsu tudi tumuenesha butumbi bua Mfumu, bualu ki mbabuikile mpala wetu ne tshilamba. Ke mutudi bandamuke, bua difuanangane ne Mfumu, bua tumuke mu butumbi, tubuele mu bukuabu budi bupita bua kumpala. Ke bidi Mfumu muenze ku bukole bua Mueyelu wende.

Filipe 2:15

Ke munudi mua kuikala bantu bimpe, ba munda mutoke. Nenusombe panu munkatshi mua bantu babi, bapambuke, bu bana ba Mvidi Mukulu, badibu kabayi mua kudiwula. Nudi ne bua kukenka munkatshi muabu bu mitotu ya mu diulu,

2 Petro 1:19

Bu mutuvua bumvue miaku eyi, tudi bajadike bimpe menemene ne: meyi avua bambi batumanyishe kale adi malelela. Nanku panudi nuavuluka ne ntema, nudi nuenza bimpe, bualu adi bu muendu udi utema muaba wa miidima, too ne padi butuku butshia, too ne padi mutotu wa nkesha ukenkesha mioyi yenu.

Matayi 5:16

Ke mudi butoke buenu ne bua kukenkela bantu, bua bamone malu mimpe anudi nuenza, batumbishe Tatu wenu udi mu diulu.

Matayi 5:14

— Nuenu nudi butoke budi bukenkela bantu pa buloba. Kabena mua kusokoka tshimenga tshiasa pa mukuna.

Misambu 84:7

Padibu bapitshila mu tshibandabanda tshiume, Mvidi Mukulu udi utshikudimuna, utshienza muaba mutalale wa mayi, nansha mvula mbedi udi utshibuikila ne majiba.

Yeshaya 26:7

Maweja-Nangila, wewe udi uleja bantu badi bakuitaba, njila mululame wa kulondabu. Njila uudi wewe uleja bantu, udi ubafikisha buludi muaba mene udibu bakeba.

2 Samuele 23:4

udi bu diba didi dipatuka, dikenka mu dinda, kamuyi mavuba. Mvula mumane kukamuka, munya mutema, bintu kutoloka pa buloba.”

Didimanyisha 22:5

Butuku kabuakuikala kabidi to. Kabakukengela munya, nansha muendu. Bualu Maweja-Nangila Mvidi Mukulu neabakenkeshile butoke buende. Nebadie bumfumu kashidi.

2 Petro 3:18

Kadi nuidikije mua kuya kumpala mu dinanga, ne mu dimanya dia Mfumu wetu ne Musungidi Yezu Kristu. Yeye mene udi ne butumbi mpindiewu ne tshiendelele! Amene.

Didimanyisha 21:23

Tshimenga katshiena tshikengela butoke bua diba, nansha bua ngondu, bualu butumbi bua Mvidi Mukulu budi butshitokesha; kabidi Muana wa mukoku ke muendu watshi.

Osheya 6:3

Tuenzayi muetu muonsu bua kumanya Maweja-Nangila, tukumbaje bidiye musue. Difika diende ndimane kujadika, anu bu mudi butuku butshia misangu yonsu. Neafike bua kutuambuluisha, bu mudi mvula mbedi uloka, bua kutalaja buloba.”

Yobe 23:10

Kadi Mvidi Mukulu udi mumanye bimpe njila undi ndonda, kuntetaye. Meme kupatuka mu kapia anu bu tshiamu tshia mpawungi tshitoke zezeze.

Matayi 5:45

Nanku nenuikale bana ba Tatu wenu udi mu diulu, bualu Yeye udi ubandishila bantu babi ne bantu bimpe diba diende; kabidi udi utekesha mvula bua bantu bonsu, bua badi benza bimpe, ne bua badi benza bibi.

Yobe 17:9

Badi bamba ne: “Bantu badi bitaba Mvidi Mukulu, bananukile mu njila wabu, badi kabayi ne tshilumbu, bashale amu nanku.”

Misambu 97:11

Munya udi utema bua bantu bakane, bantu ba mioyi miakane, bobu badi ne disanka.

Nsumuinu 2:9

Paudi unteleja, nenjingulule muudi mua kuikala muntu muakane, wa nsongu, muudi mua kuenza bidi bimpe.

Nsumuinu 2:20

Nenku, enda mu njila udi bantu bakane balonda. Idikija malu adi bantu bimpe benza.

Nsumuinu 13:9

Muakane neakenke bu butoke budi buela nsese. Kadi muntu mubi udi bu muendu udi ujima.

Nsumuinu 15:24

Muntu wa lungenyi udi ulonda njila udi lunupetesha muoyi. Udi wepuka njila udi upueka mu kandondu ka buloba.

Balombodi 5:31

Maweja-Nangila, baluishi bebe bonsu, bafue muvua Sisra mushiye panu. Kadi balunda bebe bikale bu diba, patshididi dipatuka ne bukenka, ne nsese yadi yonsu! Ke muvua ditunga dianji kushala mu ditalala bidimu makumi anayi nanku.