Nsumuinu 28:12 - MUKANDA WA MYIDI MUKULU

¹² Padi bantu badi batshina Mvidi Mukulu bikale ne bumfumu mu bianza, bantu bonsu badi ne disanka. Kadi padi bantu babi babuangata, bantu bonsu badi basokoma.

Mukanda wa Nzambi Dihungila Dikulukulu ne Dihungila Dihia-dihia 2003

¹² Hatumba bantu bakane, butumbi bunene budiku; kadi habanda bantu babi, bantu badi basokoma.

Nsumuinu 28:12 Eitobir Enkop

Nsumuinu 29:2

Padi bantu badi bitaba Mvidi Mukulu bavule, bantu badi ne disanka. Kadi muntu wa tshikisu yeye muangate bumfumu, bantu bonsu badi batua mikemu.

Nsumuinu 11:10

Bena ditunga badi basanka padi bantu bakane bapeta diakalenga. Kadi badi bela mbila basanka padi bantu babi bafua.

Nsumuinu 28:28

Padi bantu babi babuela mu bukalenga, bantu bonsu badi basokoma. Kadi diba didibu babumusha, bantu bakane ba bungi badi badileja.

Yirmeya 36:26

Mukalenga kutuma diyi kudi Yerameyele mulombodi wa bena mvita, kudi Seraya, muana wa Azriyele, ne kudi Shelemiya, muana wa Abdeyele, bua bele muambi Yirmeya ne Baruke mufundi mu nzubu wa lukanu. Kadi Maweja-Nangila kusokoka Baruke ne Yirmeya.

Yirmeya 5:1

Endakanayi misesu yonsu mu Yerushalayime. Nutangile bimpe, nukebulule. Nutangile mu bisalu bionsu. Nuenu bapete muntu nansha umue udi wenza malu mempe, udi musue kuikala muntu muakane, nuenu basangane muntu wa nanku, meme Maweja-Nangila nemfuile Yerushalayime luse.

Muambi 10:16

Ditunga didi ne mukalenga utshidi muana ne bamienampala basombele amu kudia, nditunga dia diakabi!

2 Kulondolola 7:10

Dituku dia makumi abidi ne disatu dia ngondu wa muanda mutekete, mukalenga Shelomu kutangalaja bena Izrayele. Kupinganabu bonsu ku nzubu yabu ne musangelu. Bavua ne disanka, bualu Maweja-Nangila uvua muenzele Davide, Shelomu, ne tshisa tshiende tshia bena Izrayele bimpe bitambe.

1 Bakalenga 19:3

Muambi Eliya kumvua bowa, kunyema ne muena mudimu wende bua kushala ne muoyi. Kuyaye ku Bersheba mu ditunga dia bena Yuda. Kushiyaye muena mudimu wende mu ditunga adi.

1 Bakalenga 18:13

Mukalenga wanyi Eliya, kabena bakuambila tshimvua muenze pavua mukalenga mukaji Yezabele ushipesha bambi ba Maweja-Nangila anyi? Kabena bakuambila mumvua musokoke bambi lukama mu mbuebue: emu makumi atanu, emu makumi atanu, mbapesha biakudia ne mayi a kunua anyi?

1 Samuele 24:11

Lelu ewu, ujadike ne: Maweja-Nangila uvua mukufile mu bianza bianyi mu lubuebue emu. Bakungambila bua meme kukushipa. Kadi meme kukufuila luse. Tshivua musue kukushipa to. Bualu Maweja-Nangila ke uvua mukusungule bua wikale mukalenga.

Yirmeya 36:19

Ke balombodi ba mu bukalenga kuambila Baruke ne: — Nuenu bonsu babidi, Yirmeya ne wewe Baruke, nuye kusokoma. Muntu nansha umue kamanyi muaba unudi.