Nsumuinu 23:4 - MUKANDA WA MYIDI MUKULU

⁴ Kuipatshidi biuma. Kuteki nansha meji ebe koku.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Kudihangishi ne mudimu mukole bua kudivuisha mubanji, lekela kulonda meji au.

Nsumuinu 23:4 Eitobir Enkop

Ebrewu 13:5

Mu nsombelu wenu, kanuikadi ne lukuka lua biuma. Nusanke ne binudi nabi, bualu Mvidi Mukulu mmuambe ne: “Tshiena nkulekela, tshiena nkushiya nkayebe nansha kakese.”

Nsumuinu 28:20

Muntu wa muoyi umue mmuena diakalenga. Kadi udi uzukila amu bua kupeta biuma, kakupanga dinyoka nansha.

Matayi 6:19

— Kanukungujidi bubanji buenu pa buloba to, padi misanda ne dimona mua kubunyanga, kabidi padi bivi mua kushipa biibi, kuiba.

Nsumuinu 3:5

Kulondi amu lungenyi luebe wewe nkayebe. Kadi utekemene muebe muonsu kudi Maweja-Nangila.

Yowanane 6:27

Kanukuatshi mudimu bua biakudia bidi binyanguka. Kadi nuenze mudimu bua biakudia bidi bishala, bifikisha bantu ku muoyi wa kashidi. Muana wa muntu neanupe biakudia abi, bualu Mvidi Mukulu Tatu mmumutue tshitampi tshia bumfumu buende.

Rome 12:16

Umvuanganayi munkatshi muenu. Kanuditambishi to. Kadi nuanyishe midimu mishadile yonsu. Kanudiangatshi bu bena meji.

Nsumuinu 15:27

Muntu udi ne lukuka lua biuma udi ukebela nzubu wende kabutu. Udi kayi wangata mabuejila nealale matuku mavule.

Nsumuinu 26:12

Wewe musangane muntu udiamba mudiye muena meji, mbimpe kutekemena kudi mutshimbakane pa muntu pa kutekemena kudiye.

Yeshaya 5:21

Bantu bonsu badi baditangila bu bena meji, ne bena lungenyi, mbena diakabi!

Nsumuinu 3:7

Lekela kuditangila bu muena meji. Kadi tshina Maweja-Nangila, epuka bubi.

Rome 11:25

Bana hetu, telejayi bualu bulelela busokome, bundi musue kunumanyisha, bua kanudiangatshi bu bena meji. Bena Izrayele bakuabu mbapapishe muoyi wabu. Kadi bualu ebu nebatungunuke amu too ne padi bisamba bikuabu bionsu bimane kupeta lupandu.

Marke 4:19

kadi disumpakana dia malu a panu, lukuka lua biuma ne majinga makuabu, bidi bibabuela munda, bikutakaja muaku, badi bapanga mua kukuama bimuma.

Yobe 27:19

Badi ne biuma, kadi kabakukulakaja nabi. Padibu batabuluka, kabena ne tshintu kabidi to.

Nsumuinu 27:24

Bualu biuma kabiena bishala kashidi. Udi mumanye ne: nansha tshifulu tshia bumfumu katshiena tshisambuluka mu diku dimue kashidi to.

Muambi 5:13

Udi ujimija lupetu elu mu bualu bubi. Muana udiye ulela kena mua kupiana tshintu.

Yirmeya 9:22

Maweja-Nangila udi wamba ne: “Muntu udi ne meji, kaditambishi bua meji ende to! Muntu udi ne bukole, kaditambishi bua bukole buende to! Muntu mubanji, kaditambishi bua bubanji buende to!