Nsumuinu 14:32 - MUKANDA WA MYIDI MUKULU

³² Malu mabi adi muntu mubi wenza adi amufila ku kabutu. Kadi muntu muakane udi utekemena kudi Mvidi Mukulu, nansha pakadiye pa kufua.

Mukanda wa Nzambi Dihungila Dikulukulu ne Dihungila Dihia-dihia 2003

³² Muntu mubi udi wedibua hanshi bua malu mabi andi, kadi muntu muakane udi ne tshinyemenu mu lufu luandi.

Nsumuinu 14:32 Eitobir Enkop

2 Timote 4:18

Mfumu neansungidile ku malu mabi onsu. Neambueje buludi mu Bukalenga buende bua mu diulu. Butumbi buikale kudi Mfumu kashidi! Amene.

2 Korente 5:8

Tudi bakole muoyi, tujinga kushiya mubidi ewu diakamue, bua kuya kusomba mu nzubu mudi Mfumu.

Misambu 23:4

Nansha mpita mu lupongu lua miidima, tshiena mua kutshina bubi nansha bumue, bualu Maweja-Nangila udi wenda nanyi, undombola, unsungidila ku njiwu, ke bidi binsankisha

Didimanyisha 14:13

Pashishe meme kumvua diyi difumina mulu, dingamba ne: — Funda ne: “Badi bafuila mu mudimu wa Mfumu bituadija ku mpindiewu, mbena diakalenga!” Mueyelu wa Mvidi Mukulu udi wamba ne: “Bushuwa, nebikishe bua midimu mikole ivuabu benze, bualu malu mempe avuabu benze adi abalonda, abakuila.”

Genese 49:18

Maweja-Nangila, ndi mutekemene lupandu kuudi.

2 Korente 1:9

Tuvua bele meji ne: mbamane kutufundila tshibawu tshia lufu. Kadi bivua bienzeka nanku, bua tulonge mutudi katuyi mua kuditekemena, kadi tutekemene amu kudi Mvidi Mukulu udi ubisha bafue.

Nsumuinu 24:16

Muntu muakane, nansha bobu bamukengesha amu kumukengesha, neajuke amu kujuka. Kadi bantu babi, muluishi neabashinde kashidi.

Misambu 37:37

Jooja muntu udi wenza malu makane, tangila muntu wa nsongu. Neumone ne: muntu wa nenku udi ne diakalenga mu bana bende.

Yobe 13:15

Nansha Mvidi Mukulu musue kunshipa, anshipe, tshindi mua kutekemena kabidi ntshinyi? Kadi ndi anu musue kudilumbuluila, kumpala kuende.

1 Tesalonike 5:3

Diba diamba bantu ne: “Tudi talalaa. Bionsu bidi mu bupole,” diakamue kabutu nekabakuate, mudi makenga akuata mukaji pa lulelu. Kabakupanduka to.

Filipe 1:23

Badi bankoka eku ne eku: luseke ndi musue kushiya panu, bua kuikala ne Kristu. Ke bivua mua kuikala bipite buimpe.

Filipe 1:21

Kadi muoyi mene ntshinyi? Buanyi meme, muoyi, ke Kristu! Nanku lufu nelumpeteshe muoyi mupite.

Rome 9:22

Bushuwa Mvidi Mukulu uvua musue kuleja tshiji tshiende, ne kumanyisha bantu bukole buende. Kadi uvua muanji kulengulula ne lutuulu luvule bantu bavuaye mufikile munda, bakafua bakumbanyine kubutuka.

Yowanane 8:24

Ke pandi munuambile ne: nenufuile mu malu enu mabi. Bualu panuikala kanuyi nuitaba ne: “Meme ndi mundi,” nenufue mu malu enu mabi.

Yowanane 8:21

Yezu kubambila kabidi ne: — Meme nengumuke. Nenunkebe. Kadi nenufuile mu malu enu mabi. Kanuena mua kuya kundi nya.

Luke 2:29

— Mukalenga, biuvua mulaye mbimane kukumbana. Witabe mpindiewu bua muntu webe afue mu bupole.

Nsumuinu 6:15

Nanku neabutuke diakamue, neafue kakuyi mushindu udiye mua kupanda.

Misambu 58:9

Bafube bu dilandi didi dienda, diume! Kabamonyi diba, bu muana wa tshituka mufuile munda!

Misambu 17:15

Meme nenkumone, bualu tshivua muenze bibi. Pangabika, nenkutangile, kabiyi bintonda!

Misambu 16:11

Udi undombola mu njila, bua mpete muoyi. Ndi nsanka bikole muaba uudi, diakalenga dianyi didi amu pabuipi nebe kashidi.

Yobe 18:18

Nebamuipate mu butoke, bua abuele mu miidima. Nebamuipate mu buloba budi bantu base.

Misambu 73:24

Udi undombola mudi meji ebe, ku ndekelu neungakidile mu butumbi buebe.

Nsumuinu 14:33

Muntu udi wela lungenyi udi ne meji. Kabena mua kusangana lungenyi kudi bantu batshimbakane to.

Nsumuinu 5:22

Bilema bidi muntu wenza bidi bu mionji idiye udisuika nayi. Bidi bu buteyi budiye udikuata nabu.

Nsumuinu 11:5

Buakane bua muntu udi ukeba Maweja-Nangila budi buludika nsombelu wende. Kadi muntu mubi udi ujimina bua bubi buende.