Nsumuinu 14:29 - MUKANDA WA MYIDI MUKULU

²⁹ Muntu udi kayi ufika munda lukasa, udi ne lungenyi luvule. Kadi udi ufika munda lukasa, udi uleja bupote buende.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Udi kayi ukuata tshiji lubilu udi ne lungenyi lule, kadi udi ne mutshima wa lukuluku udi ubandisha buhote.

Nsumuinu 14:29 Eitobir Enkop

Yakobe 1:19

Bana hetu basuibue, vulukayi bimpe bindi ngamba: muntu yonsu ateleje lukasa, kadi kena mua kuakula pa lukasa nansha. Kabidi kafiki munda lubilu.

Muambi 7:9

Kufiki munda lukasa, bualu tshiji mmudimu wa bantu bapote.

Nsumuinu 14:17

Muntu udi ufika munda lukasa, udi wenza bualu bupote. Udi wela meji mabi, udi udikebela lukinu.

Nsumuinu 15:18

Muntu wa lonji udi ukeba matandu, kadi muntu wa lutulu udi watuyisha.

Nsumuinu 19:11

Muntu wa lungenyi nansha yeye mufike munda, udi amu ulama lutulu. Lumu luende mpadiye upua malu mabi avuabu bamuenzele muoyi.

Nsumuinu 16:32

Tshilobu tshia mvita ke muntu udi kayi ufika munda lukasa. Muntu udi udikolela mmupite tshilobu tshidi tshikuata tshimenga.

Nsumuinu 25:28

Muntu udi kayi udikolela bua kafiki munda, udi bu tshimenga katshiyi ne bimana, tshidi baluishi mua kukuata ne lukasa luonsu.

Dibadika 12:3

Kadi Moshe uvua muntu wa muoyi mupuekele, mupite bantu bonsu ba pa buloba ku lutulu.

Matayi 11:29

Ambulayi bujitu buanyi pambidi penu. Nuanyishe bua meme kunulongesha, bualu ndi mupole ne mupuekele ku muoyi. Nanku nenupete dikisha mu mioyi yenu.

Muambi 10:6

Muntu mutshimbakane misangu mikuabu udi upeta muanzu munene. Kadi bena biuma badi bashala kabayi mianzu.

Nsumuinu 25:8

Wewe mumone bualu, lekela kuzukila bua kuya nabu ku tshilumbu. Pikala muntu uudi mufunde mukupishe, neuvue kuenza kabidi tshinyi?

Nsumuinu 4:8

Nemeka meji, nanku neakunemeshe. Wananga, mudibu bananga mukaji, nanku neakupeteshe lumu.

Matayi 2:16

Erode kujingulula ne: bena meji mbanshime, kufikaye munda bikole. Kutumaye diyi bua bashipe bana ba balume bonsu ba mu Betleyeme, ne ba mu misoku ivua pabuipi. Bana aba bavua ne bidimu bibidi anyi bishadile, bilondeshile tshikondu tshivua bena meji bamujadikile bua dimueneka dia mutotu.

Nsumuinu 14:28

Lumu lua mukalenga wa ditunga ludi ku bungi bua bantu badiye nabu. Padi mukalenga kayi ne bantu, bumfumu buende kabuenaku to.

Nsumuinu 17:27

Muntu mushidimuke udi ulaminyina miaku. Muntu wa lungenyi udi ukeba diba dia kuela meji.

Muambi 7:8

Bidi bimpe kukosesha mutoyi, pa mutu pa kubangulula. Bidi bimpe kuikala muena lutulu, pa mutu pa kuikala muena ditambisha.