Nsumuinu 12:13 - MUKANDA WA MYIDI MUKULU

¹³ Muntu mubi badi bamukuata mu buteyi amu ku miaku yende ya dishima. Kadi muntu muakane udi upanduka ku dikenga dionsu.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Muntu mubi udi ukuatshika mu buteyi bua mei mabi a ku mishiku yandi, kadi muntu muakane udi uhanduka mu dikenga.

Nsumuinu 12:13 Eitobir Enkop

Nsumuinu 21:23

Muntu udi udilama ku bionsu bidiye wakula, udi udiepula ku makenga mavule.

Nsumuinu 11:8

Muntu muakane udi upanduka ku dipampakana. Muntu mubi udi ubuelamu pa mutu pende.

Misambu 64:8

Kadi Mvidi Mukulu udi ubaludikila miketa yende, diakamue idi ibasa, ibatapa mputa.

Danyele 6:24

Mukalenga wa bakalenga muwule tente ne disanka, kutuma diyi bua bapatule Daniyele mu buina. Pakamupatulabu, bakamusangana kayi ne mputa nansha umue pambidi, bualu uvua mutekemene kudi Mvidi Mukulu wende.

Nsumuinu 6:2

Udi mulaye bua kukumbaja biuvua muambe anyi? Malaya ebe adi akukuata anyi?

2 Petro 2:9

Bualu Mfumu udi mumanye mua kupatula mu makenga bantu badi bamutumikila. Udi mumanye kabidi mua kulama bantu badi benza bibi, bua kubanyoka dituku dia kubalumbuluisha.

Muambi 7:18

Mbimpe kulonda mibelu yonsu ibidi eyi, bualu muntu udi unemeka Mvidi Mukulu kena ne bua kukolesha malu bikole.

Matayi 27:25

Bantu bonsu kuandamuna ne: — Bua lufu luende, batunyoke amu tuetu ne bana betu!

Nsumuinu 15:2

Miaku ya muntu wa meji idi ipetesha dijinga dia kulonga malu. Kadi mukana mua mutshimbakane mudi nnutangalaja amu malu mabi a bupote.

Misambu 34:19

Udi pabuipi ne badi ne kanyinganyinga, upandisha badi kabatshiyi ne ditekemena.

Misambu 5:6

Kuena musue kumona bena kapeja. Udi ukina bonsu badi benzela bakuabu bibi.

1 Bakalenga 2:23

Ke Shelomu kuditshipa kumpala kua Maweja-Nangila, wamba ne: — Maweja-Nangila neannyoke ne dinyoka dikole, pangikala tshiyi mushipeshe Adoniya, bua dikamakama didiye nadi dia kulomba bualu bua mushindu ewu!

2 Samuele 4:9

Davide kuela mbila ne: — Bu mudi Maweja-Nangila ne muoyi, udi unsungidila ku makenga onsu,

Genese 48:16

Mutumibue wa Mvidi Mukulu, uvua mungepule ku malu mabi onsu, neele bana banyi aba lupemba. Dina dianyi ne dia bankambua banyi, Abrahame ne Izake, disanguke ku bukole bua bana ba balume aba! Bana aba bikale ne ndelanganyi ya bungi, buwuje ditunga edi!

Misambu 59:12

Kadi kubabutudi musangu umue nansha. Tshianana, bena tshisamba tshianyi badi mua kupua muoyi biudi mungenzele. Tangalaja bantu babi ku bukole buebe, ubafine! Maweja-Nangila, wewe udi ngabu wetu.

Nsumuinu 18:21

Tshiudi wamba tshidi mua kukufila ku muoyi nansha ku lufu. Nanku paudi munange kuakula, wanyisha kabidi bionsu bidi miaku yebe mua kukupetesha.

Misambu 34:20

Udi munange Mvidi Mukulu udi ne makenga mavule, kadi Maweja-Nangila udi umupandisha ku onsu

Misambu 59:13

Bionsu bidibu bamba bidi amu bibi. Ditambisha diabu nedibakuatshishe mu buteyi, bualu badi belangana milawu, bashimangana.

Nsumuinu 10:8

Muntu wa meji udi wanyisha mibelu. Muntu muena biakulakula neabutuke lukasa.