Nsumuinu 10:9 - MUKANDA WA MYIDI MUKULU

⁹ Kusomba biakane nkusomba talalaa. Muntu mubi neatunduke.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Udi wenda ne mutshima mutoke kena ne ditshina, kadi udi ukonyangasha nshila yandi neamanyibue.

Nsumuinu 10:9 Eitobir Enkop

Nsumuinu 28:18

Muntu udi ulonda njila mululame neasombe talalaa. Kadi muena mpala ibidi, udi dikasa mu mayi dikuabu ku mukuna, neadishinde panshi.

Matayi 10:26

— Nenku kanutshinyi bantu to. Bualu busokome buonsu nebumanyike. Bualu budi bantu kabayi bamanye, nebabumanye.

1 Timote 5:25

Midimi mimpe kabidi idi imueneka patoke. Nansha midimu mimpe itshidi misokome, neimueneke pashishe.

1 Korente 4:5

Nanku kanulumbuluishi muntu, diba kadiyi dianji kufika. Indilayi Mfumu. Afike! Yeye nealeje patoke bidibu basokoka mu miidima. Neasokolole bidi bisokome mu mioyi ya bantu. Diba adi muntu yonsu neapete kudi Mvidi Mukulu lumu ludiye ne bua kupeta.

Nsumuinu 3:23

Nentungunuke bimpe ne malu ebe kabiyi bikuatshisha. Tshintu nansha tshimue katshiena mua kukuenzela bualu.

Misambu 84:11

Bualu kusomba dituku dimue mu lubanza lua nzubu webe wa kutendelela, nkupite kusomba matuku tshinunu munga muaba. Mvidi Mukulu wanyi, kuimana kumbelu kua nzubu webe, nkupite kusomba mu ntenta ya bantu babi.

Misambu 25:21

Ungambuluishe, bua nkumbaje tshiudi musue, tshiyi ngenzela bantu bibi.

Nsumuinu 17:20

Muntu muena dishima kena upeta diakalenga. Udi wakula malu mabi neabuele mu dikenga.

Misambu 23:4

Nansha mpita mu lupongu lua miidima, tshiena mua kutshina bubi nansha bumue, bualu Maweja-Nangila udi wenda nanyi, undombola, unsungidila ku njiwu, ke bidi binsankisha

Nsumuinu 26:26

Udi ne budimu bua kusokoka lukinu luende. Kadi bantu bonsu nebajingulule bubi buende.

Genese 17:1

Abrame mumane kukumbaja bidimu makumi tshitema ne tshitema, Maweja-Nangila kumumuenekela, umuambila ne: — Ndi Mvidi Mukulu wa bukole buonsu. Witabe diyi dianyi, wikale muntu muakane.

Yobe 8:20

Mvidi Mukulu kena mua kubenga muntu udi kayi ne bualu to. Kadi kena mua kuambuluisha muntu mubi nansha.

Nsumuinu 28:1

Muntu udi wenza bibi udi udinyemena nansha kakuyi muntu udi umuipata. Kadi muntu udi ulamata Mvidi Mukulu udi ne dikima bu kana ka ntambue.