Ngalate 4:15 - MUKANDA WA MYIDI MUKULU

¹⁵ Nuvua basanke be! Kadi disanka adi diepi? Ndi nnujadikila ne: bu biobi mua kuenzeka, diba adi nuenu bonsu nuvua mua kuditonkona mesu, kuampesha.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Kudisankisha kuenu kuakuya hanyi? Ndi mumanyi wa bualu ne, Bu nuenu bamanye mua kuenza nunku, nuakadi kuntudila mesu enu bua kuampa.

Ngalate 4:15 Eitobir Enkop

Rome 5:2

Amu kudi Yezu, bualu bua ditaba, ke kumvua mua kusemena ku dinanga dia Mvidi Mukulu, kutudi bashindamene mpindiewu. Tshidi tshitusankisha, ke ditekemena ditudi nadi dia kudisanga ne Mvidi Mukulu mu butumbi buende.

Kolose 4:13

Ndi mujadike se: udi unutatshila bikole, utatshila kabidi bena mu Lawodikiya, ne bena mu Iyerapolise.

1 Tesalonike 5:13

Nubanange, nubangate ne mushinga, bualu bua mudimu udibu bakuata munkatshi muenu. Nulame kabidi bupole munkatshi muenu.

1 Tesalonike 2:8

Bu mutuvua banunange bikole, katuvua amu ne dijinga dia kunumanyisha Lumu lua Disanka lua kudi Mvidi Mukulu. Tuvua basue kabidi kufila nansha muoyi wetu mene bualu buenu. Bualu nukavua bantu ba mushinga kutudi.

Ngalate 6:4

Muntu yonsu akonkonone nsombelu wende. Pikala nsombelu wende muimpe, asanke bua bivuaye muenze, kayi udifuanyikija ne bakuabu.

Ngalate 5:22

Kadi bidi Mueyelu wa Tshijila upetesha ke dinanga, disanka, ditalala, lutulu, diyi dilenga, muoyi muimpe, diyi dimue,

Ngalate 4:19

Bana banyi basuibue, bu mudi mukaji ukenga bua kulela muana, ke mundi nkenga tshiakabidi bualu buenu, bua Kristu amueneke patoke munda muenu.

Ngalate 3:14

Kristu uvua muenze nanku, bua Mvidi Mukulu amone mua kuela bantu ba bisamba bikuabu lupemba kudiye, muvuaye mulaye Abrahame; ne bua tupete, bualu bua ditaba dietu, Mueyelu uvua Mvidi Mukulu mulaye.

2 Korente 8:3

Ndi nnujadikila ne: bayua bafile bilondeshile dimona diabu, badipitshishe mene.

Rome 15:13

Bu munudi nuitaba Mvidi Mukulu, udi utupa ditekemena, anuwuje kabidi ne disanka, kabidi ne bupole tshishiki, bua ditekemena dienu diye amu kumpala ku bukole bua Mueyelu wa Tshijila.

Rome 10:2

Bualu ndi mua kubajadikila ne: badi ne disuminyina dikole, bakeba kuenza tshidi Mvidi Mukulu musue. Kadi disuminyina diabu adi kadiena dishindamena pa dimanya dilelela nansha.

Rome 9:3

Bualu ndi njinga bua Mvidi Mukulu antshipe meme, angumushe kudi Kristu, bu biobi mua kulengelela bana hetu, bena tshisamba tshianyi.

Luke 8:13

Bakuabu, bidi bibenzekela bu mudi ntete idi imata mu buloba bua mabue. Badi bumvua muaku wa Mvidi Mukulu, bawakidila ne disanka. Kadi muaku ewu kawena ushindama munda muabu. Badi bitaba anu bua matuku makese. Padi dikenga dibakuata, badi bajimija ditaba.

Ngalate 4:14

Disama dimvua nadi, divua dinuelesha meji bikole. Kadi kanuvua bampetule, nansha bambenge. Nuvua bangakidile anu bu mutumibue wa Mvidi Mukulu, nansha bu Yezu Kristu mene.

Ngalate 4:16

Lelu nkadi muena lukuna wenu, bualu ndi muambila malu amu mudiwu anyi?