Nehemya 13:5 - MUKANDA WA MYIDI MUKULU

⁵ mutuangaji Eliyashibe kumulongoluela muaba mu tshibambalu tshinene, tshiyuabu bateka kuonsu eku milambu ya bintu bia mu madimi, musenga wa kamonya, bintu bia kukuata nabi mudimu mu nzubu wa Mvidi Mukulu, bintu bia ku milambu bivua bia batuangaji, ne tshia dikumi tshia ntete ya kuenza bukula, tshia mvinyo mupiamupia, ne tshia mafuta, tshivua bena Levi ne balami ba ku biibi ne bua kupeta.

Mukanda wa Nzambi Dihungila Dikulukulu ne Dihungila Dihia-dihia 2003

⁵ wakamulongoluela nsubu munene, muakadibo bateka milambu ya bukula ne manananshi ne malonga ne tshia dikumi tshia blé ne nyinyo mihia-mihia ne manyi biakahabo Bena Lewi ne bimbi ba misambu ne batuadi diambedi, ne milambu ya kukuha bua bakuidi, bu muakadi mukenji,

Nehemya 13:5 Eitobir Enkop

Nehemya 12:44

Tshikondu atshi, bavua basungula bantu bua kulama mayeba, miaba ivuabu bateke biakudia bia tshianyi bivua bantu balambule, ne tshia dikumi tshia bintu bia mu madimi. Nanku, bintu bia mu madimi abi, bivua bifume mu madimi avua pabuipi ne bimenga. Bavua babipesha batuangaji ne bena Levi bilondeshile mikenji. Bualu mudimu onsu uvua batuangaji ne bena Levi benza, uvua usankisha bena Yuda bonsu.

Nehemya 10:38

Nebipeshe kabidi batuangaji bukula buimpe, milambu ya bimuma, ya mvinyo mipiamipia ne ya mafuta. Nebiteke bionsu abi mu bibambalu bidi ku nzubu wa Mvidi Mukulu. Kadi bena Levi, nebapete tshia dikumi tshimue tshia bintu bia mu madimi etu, Bobu nkayabu nebaye kudiangatshila tshia dikumi atshi mu misoku yetu, miaba idi madimi ebi.

Nehemya 10:37

Netulambule kabidi banabute betu, ne banabute ba bimuna bietu mu nzubu wa Mvidi Mukulu. Ke mudi mukenji wamba. Banabute ba nyama ya ngombe, ya mikoku, ne bana ba mbuji yetu, netubifile mu nzubu wa Mvidi Mukulu, tubipesha batuangaji badi benza mudimu mu nzubu amu.

Nehemya 13:7

kupingana mu Yerushalayime. Meme kumona bubi buvua mutuangaji Eliyashibe muenze. Bualu uvua mupe Tobiya tshibambalu tshivua tshitangilangane ne mu lubanza lua nzubu wa Mvidi Mukulu.

Yezekiyele 40:38

Ku tshiibi tshia ku mutu wa nzubu kuvua tshibambalu tshikuabu tshivua tshilamatangane ne tshibambalu tshinene. Ke muaba uvuabu basukuila minyinyi ya nyama ivuabu bashipa bua kuyilambula Mvidi Mukulu bu milambu ya kuosha.

2 Kulondolola 31:11

Nanku, mukalenga Izkiya kutuma diyi bua bantu balongolole nzubu wa kuteka biakudia ebi, pabuipi ne nzubu wa Mvidi Mukulu. Bamane kuenza nanku,

Nehemya 10:36

Tshidimu tshionsu netufile kabidi mu nzubu wa Mvidi Mukulu bintu bia kumpala bia mu madimi, too ne bimuma bia mitshi yetu.