Misambu 101:2 - MUKANDA WA MYIDI MUKULU

² Ndi nnanukila bua kulonga, njila wa nsombelu muakane. Wewe neufike kundi difuku kaayi? Nengende ne muoyi muakane, munkatshi mua bantu badi bannyunguluka.

Mukanda wa Nzambi Dihungila Dikulukulu ne Dihungila Dihia-dihia 2003

² Nendimuke bua kuyila mu nshila udi mululame tshishiki. Wewe neufike kundi dituku kai? Nengende mu nsubu muanyi ne mutshima udi muakane tshishiki.

Misambu 101:2 Eitobir Enkop

Misambu 119:106

Nenwuluke dilaya dimvua mukulaye, dia kukumbaja mapangadika ebe makane.

1 Bakalenga 9:4

Kadi wewe Shelomu, wewe mungitabe, muvua tatuebe Davide mungitabe ne muoyi umue mululame, wewe mukumbaje bionsu bindi nkuambila, mutumikile meyi ne mikenji yanyi bimvua mukupeshe,

Misambu 119:115

Nuenu bena malu mabi umbukayi muaba undi, ndi musue kulonda meyi a Mvidi Mukulu wanyi.

Misambu 101:6

Mu ditunga nentangile muntu undi mua kutekemena, bua kusombaye nanyi muaba umue; ne muntu udi ne nsombelu muimpe, neangambuluishe mu mudimu.

Misambu 40:17

Kadi bantu bebe bonsu basanke bikole bualu buebe. Badi bakunanga wewe, Mupandishi, bakutumbishe matuku onsu, bamba ne: “Maweja-Nangila mmunene!”

1 Bakalenga 11:4

Shelomu mumane kukola mukulakaje, bakaji aba kumuibidija mua kutendelelaye mvidie mikuabu. Shelomu katshivua munange Maweja-Nangila Mvidi Mukulu wende ne muoyi mujima, bu muvua tatuende Davide mumunange to.

Dielulula 6:7

Nuyilongeshe bana benu, nuyitele panudi basomba mu nzubu yenu, nansha bendakana mu misesu, panudi nulala, nansha nubika.

2 Kulondolola 30:12

Mu bukalenga bua Yuda, Maweja-Nangila kuambuluisha bantu, bua bitabe bonsu ne muoyi umue mua kukumbaja bionsu bivua mukalenga Izkiya ne bakulu babambile mu dina dia Maweja-Nangila.

2 Kulondolola 15:17

Kadi, mukalenga Asa, nansha yeye kayi munyangakaje miaba yonsu ivua bena Izrayele batendelela mvidie, uvua anu munange Maweja-Nangila ne muoyi wende mujima.

1 Samuele 22:14

Akimeleke kuandamuna ne: — Mukalenga, munkatshi mua bena mudimu bebe, mudiku muntu mukuabu udi mukulamate bu mudi Davide anyi? Davide udi muku webe, kabidi udi mfumu wa bena mvita badi bakulama. Bantu bonsu badi mu nzubu muebe, badi bamutumbisha bikole.

Yoshua 24:15

Panuikala nubenga bua kuenzela Maweja-Nangila mudimu, lelu nusungule mvidie inudi basue kutendelela. Tshilejilu: mvidie ivua bankambua benu batendelela, patshivuabu dishiya dia musulu wa Perate, nansha mvidie ya bena Amore, idi mu ditunga dinudi basombe edi. Kadi meme ne bena diku dianyi, netuenzele Maweja-Nangila mudimu.

Genese 18:19

Ndi mumusungule bua alongeshe bana bende ne ndelanganyi yende mikenji yanyi, bua babikumbaje bikale bantu bakane. Bobu bakumbaje bionsu ebi, meme Maweja-Nangila nengenzele Abrahame bionsu bindi mumulaye.

Yeshaya 38:3

“Eyi! Maweja-Nangila, vulukaku bionsu bimvua ngenza. Mvua mukulamate ne muoyi mujima. Mvua amu ngenza malu mimpe avua mua kukusankisha!” Pashishe Izkiya kudilaye muadi.

2 Samuele 8:15

Davide kudia bukalenga mu Izrayele mujima. Uvua ubalumbuluisha amu bimpe, kayi ne kansungansunga.

Ekesode 20:24

Kadi nungenzele tshilambuilu tshibaka ne buloba. Pa mutu patshi nundambuilepu milambu ya kuosha ne ya ditua ndondu, nusungula munkatshi mua ngombe, mbuji ne mikoku yenu. Miaba yonsu indi mumuambile bua nuenu kuntendelela, nengikale munkatshi muenu bua kunuela lupemba.

Misambu 26:11

Ndi ngenda mu njila wa buakane. Maweja-Nangila, umfuile luse, umpandishe.