Luke 20:36 - MUKANDA WA MYIDI MUKULU

³⁶ Nanku kabatshiena mua kufua, bualu nebafuanangane ne batumibue ba Mvidi Mukulu. Badi bana ba Mvidi Mukulu, bualu mbabike ku lufu.

Mukanda wa Nzambi Dihungila Dikulukulu ne Dihungila Dihia-dihia 2003

³⁶ kabena bamanye mua kufua kabidi, badi muomumue ne banjelo; badi bana ba Nzambi, badi bana ba dibika dia ku lufu.

Luke 20:36 Eitobir Enkop

Didimanyisha 21:4

Neabakuupule binsonji bionsu ku mesu. Lufu kaluakuikalaku kabidi, nansha madilu, nansha miadi, nansha dikenga. Bikulukulu nebishile bipiabipia muaba.’’

Filipe 3:21

Yeye neakudimune mubidi wetu wa butekete, wa lufu, bua ufuanangane ne wende wa lumu, udiye nawu katshia wabiika ku lufu. Bualu udi ne bukenji bua kuteka bionsu ku bumfumu buende.

Matayi 22:30

Bualu pabika bantu ku bafue, nebikale bafuanangane ne batumibue ba Mvidi Mukulu badi mu diulu, kabayi baselangana kabidi to.

Didimanyisha 20:6

Bantu bavua bafululuka musangu wa kumpala awu mbena diakalenga, badi Mvidi Mukulu muele lupemba mushindu musunguluke! Lufu luibidi kaluena lubakuata to. Nebakuatshile Mvidi Mukulu ne Kristu mudimu wa butuangaji. Nebadie bukalenga pamue ne Kristu bidimu tshinunu.

1 Korente 15:42

Ke bidi bienzeka diba didi bantu babike. Tshidibu bajika ntshintu tshidi tshibola kadi tshidi tshibika netshikale tshia kashidi.

Didimanyisha 22:9

Kadi yeye kungambila ne: — Kuenji nanku to! Ndi muntu wa Mvidi Mukulu bu wewe, bu bana benu bambi, bu bonsu badi bitaba miaku ya mu mukanda ewu. Kukuila Mvidi Mukulu nkayende!

1 Korente 15:26

Muena lukuna wa nshikidilu wabutulabu ndufu.

Marke 12:25

Pashishe pabiika bantu ku lufu, bantu balume ne bantu bakaji kabena mua kuselangana nansha, kadi nebikale bu mudi batumibue ba Mvidi Mukulu mu diulu.

1 Korente 15:49

Nanku bu mutuvua bafuane muntu uvuabu benza ne buloba, netufuanangane ne udi mufuma mu diulu.

Zekâya 3:7

Maweja-Nangila wa bukole buonsu udi ukulaya ne: “Wewe muitabe mikenji yanyi, mukumbaje bimvua mukufundile, nenkomekele bujitu bua kulama nzubu wanyi wa tshijila ne mbanza yende. Nanku nenkuteleje amu mundi nteleja batumibue badi bankuatshila mudimu muaba ewu.”

Osheya 13:14

Nanku, meme Maweja-Nangila, nempandishe bena Izrayele ku lufu anyi? Nembumushe muaba wa bafue anyi? Lufu, bukole buebe budi penyi? Lufu, leja bukole buudi ushipangana nabu. Meme tshiakubafuila luse to.

Yeshaya 25:8

Maweja-Nangila neajimije lufu kashidi. Maweja-Nangila, Mvidi Mukulu abakupule binsonji bionsu ku mesu abu. Mu ditunga dijima, neumushe kapeja kavuabu bapepeja naku bantu bende. Ke mudi Maweja-Nangila mulaye nanku. Bena Mowabe badi mu dikenga

Rome 8:16

Mueyelu wa Mvidi Mukulu mene udi ujadikila kondu ketu ka munda ne: nudi bana ba Mvidi Mukulu.