Luke 18:7 - MUKANDA WA MYIDI MUKULU

⁷ Kadi Mvidi Mukulu kakukosa nsambu ya bena diende badi bamubila munya ne butuku pa yoyi anyi? Kakubambuluisha pa lukasa anyi?

Mukanda wa Nzambi Dihungila Dikulukulu ne Dihungila Dihia-dihia 2003

⁷ Nzambi mene kena usombuela bakasunguleye, batu badila kudiye butuku ne munya, nasha bialehesheye musangu mule bua kubakuatshisha, anyi?

Luke 18:7 Eitobir Enkop

2 Petro 3:9

Bamue bantu badi bela meji ne: Mfumu udi ujingakana bua kukumbaja bivuaye mulaye. Kadi kabiena nanku nansha. Udi ne lutuulu lua bungi bualu buenu. Bualu udi musue bua muntu nansha umue kajiminyi, kadi bua bonsu bapete diba dia kubenga malu mabi.

Luke 11:13

Nanku nuenu bantu babi, nudi bamanye mua kupesha bana benu bintu bia nsongu. Mudi Tatu wa mu diulu mua kubenga kupesha bantu Mueyelu wa Tshijila udibu balomba mbishi?

1 Timote 5:5

Mukaji mukamba menemene, udi kayi ne muntu wa kumulama, ke udi mutekemene anu kudi Mvidi Mukulu, umutendelela munya ne butuku, umulomba diambuluisha.

Didimanyisha 6:10

Kuelabu diyi dikole ne: “Mfumu wa Tshijila, udi ukumbaja biudi mulaye, nealumbuluishe ba pa buloba diba kaayi? Utshidi amu windila, kuyi unyoka bavua batushipe anyi?”

2 Tesalonike 1:6

Bualu Mvidi Mukulu neenze amu bidi bimpe. Neakengeshe badi banukengesha.

Luke 2:37

Pashishe kushalaye mukamba. Tshikondu atshi uvua mukumbaje bidimu makumi muanda mukulu ne binayi. Uvua ukuatshila Mvidi mukulu mudimu bufuku ne munya, kayi umuka mu nzubu wende. Uvua ujila biakudia, utendelela Mvidi Mukulu.

Matayi 7:11

Nuenu bantu babi, nudi nupesha bana benu bintu bimpe. Tatu wenu udi mu diulu kena mua kupesha badi bamulomba bintu bimpe bipite anyi?

Misambu 88:1

Musambu wa mu mukanda wa misambu ya bena Kora. Wa mu mukanda wa mulombodi wa bena misambu. Wa kuimba mu dibungama. Kasala ka musambu kela kudi Emane, muena muabu.

Abakuke 2:3

Bindi nkuleja, kabiena bienzeka mpindiewu. Kadi nebikumbane pa tshikondu tshiabi. Nansha kabiyi bienzeka lukasa, indila ne lutulu, mutekemene. Bindi nkumanyisha nebienzeke, kamuyi mpata, kabiyi nansha binenga.

Didimanyisha 18:20

Wewe diulu, sanka, bua padi tshimenga etshi tshibutuke. Nuenu bantu ba Mvidi Mukulu, nuenu bapostolu ne bambi, tuayi tshianga! Bualu Mvidi Mukulu mmutshifundile tshibawu tshia bubi buvuatshi tshinuenzele!

1 Tesalonike 3:10

Munya ne butuku tudi tumulomba, tumusengelela, bua tumonangane nenu mpala ne mpala, tukumbaje malu a ditaba dienu atshidi mashale.

Kolose 3:12

Nudi bena Tshisumbu tshia bantu ba Mvidi Mukulu. Mvidi Mukulu mmununange; mmunusungule bua nuikale bende. Nanku nudi ne bua kuikala ne muoyi wa luse, wa dinanga, wa bupuekele, wa bupole, ne wa lutuulu.

Rome 8:33

Udi mua kusonguela bavua Mvidi Mukulu musungule nnganyi? Kakuena muntu udi mua kuenza nanku! Bualu Mvidi Mukulu mmujadike ne: mbabinge.

Didimanyisha 7:15

Ke padibu bimane kumpala kua nkuasa wa butumbi wa Mvidi Mukulu, bamukuatshila mudimu butuku ne munya mu nzubu muende. Udi musombe mu nkuasa wa butumbi neikale nabu bua kubalama.

Tite 1:1

Meme Polu, muena mudimu wa Mvidi Mukulu, ne mupostolu wa Yezu Kristu, ndi mfunda mukanda ewu. Bavua bangimikile mudimu wa kufikisha ku ditaba bantu bavua Mvidi Mukulu musungule, ne wa kubamanyisha mudibu mua kunemeka Mvidi Mukulu mu bulelela bilondeshile ditaba diabu.

2 Timote 1:3

Ndi ngela Mvidi Mukulu tuasakidila. Ke Yeye undi nkuatshila mudimu ne muoyi mujima, muvua bankambua banyi benze. Ndi mmuela tuasakidila, pandi nkuvuluka munya ne butuku mu ditendelela dianyi, tshiyi mpungila.

Misambu 9:8

Maweja-Nangila udi ne bumfumu bua kashidi. Udi musombe mu nkuasa bua kulumbuluisha bantu.

Ekesode 22:23

Nemfike munda, nnushipe ne muela. Nanku bakaji benu nebashale bakamba, bana benu nebashale bana ba nshiya.

Yeshaya 40:27

Wewe Izrayele, tshisamba tshia Yakobe, bua tshinyi udi wamba ne: “Maweja-Nangila kena umona makenga adi ankuata. Mvidi Mukulu kena utangila, badi bankengesha tshianana!”

Matayi 24:22

Bu Mvidi Mukulu kayi mukepeshe bungi bua matuku awu, muntu nansha umue kavua mua kupanda. Kadi mmuakepeshe, bualu bua bantu badiye musungule.

Matayi 24:24

Bualu baKristu ba dishima ne bambi ba dishima nebamueneke. Nebenze bishima binene, ne malu a dikema, bifuane mua kudinga bantu mene badi Mvidi Mukulu musungule, bu biobi mua kuenzeka.

Luke 21:28

Pikala malu onsu aa atuadija kuenzeka, nubanduluke, nukoleshe muoyi, bualu bakadi pa kunupikula.

2 Timote 2:10

Ke pandi ngumvua bionsu ne lutuulu, bua diakalenga dia bantu badi Mvidi Mukulu musungule. Ke mudibu bapeta bobu kabidi lupandu kudi Yezu Kristu, ne butumbi bua kashidi.

1 Petro 1:1

Meme Petro, mupostolu wa Yezu Kristu, ndi mfundila bantu badi Mvidi Mukulu musungule mukanda ewu. Nudi batangalake mu matunga makuabu bu benyi, basombe mu buloba bua Pontuse, bua Ngalatiya, bua Kapadokiya, bua Aziya, ne bua Bitiniya.