Luke 14:1 - MUKANDA WA MYIDI MUKULU

¹ Dituku dikuabu dia Dikisha, Yezu uvua muye kua mfumu kampanda wa Baparushe bua kudia. Bantu bavua muaba awu bavua bamujoja bikole.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hakabueleye mu nsubu wa muntu munene wa Bafalese dituku dia Lumingu lua Bayuda bua kudia bidia, bakadi bamutentekela.

Luke 14:1 Eitobir Enkop

Marke 3:2

Bantu bonsu bavuamu bavua batentekela Yezu bikole bua kumona ne udi mua kuondapa muntu dituku dia Dikisha, bualu bavua bakeba pa kumufundila.

Luke 20:20

Nanku kutuadijabu kutentekela Yezu. Ke kumutuminabu bantu bamueneka bu bantu ba muoyi muimpe. Kadi bantu aba bavua bakeba kuteya Yezu ku dimukonka bualu, bua bamone mua kumufila mu bianza ne ku bumfumu bua mulombodi wa buloba abu.

Luke 11:37

Yezu utshivua wakula, ke Muparushe mukuabu kumubikila bua kudiaye kuende. Yezu kubuela mu nzubu muende, kusomba ku mesa.

Misambu 62:4

— Bonsu pamue nenuluishe muntu nkaya too ne ku diba kaayi? Nudi nukeba kunshipa bua tshinyi? Ndi amu bu tshimana tshibendame, bu lupangu lukeba kupuka.

Misambu 41:6

Baluishi banyi badi bankebela diakabi, bamba ne: “Kantu aka nekafue diba kaayi, bua bakapue muoyi kashidi?”

Luke 6:7

Balongeshi ba mikenji ne Baparushe bavua babambisha Yezu bikole, badiebeja ne: neajikije disama dia muntu awu dituku dia Dikisha anyi? Bualu bavua bakeba mua kumufunda ne: udi wenza bibi.

Nsumuinu 23:7

Bualu meji adiye wela munda muende kaena afuanangana ne malu adiye wenza. Udi ukuambila ne: “Diaku, nuaku.” Kadi muoyi wende kawena kuudi.

Misambu 37:32

Muntu mubi udi utentekela muntu wa Mvidi Mukulu, ukeba kumushipesha.

Yowanane 3:1

Kuvua muntu, dina diende Nikodemu. Uvua wa mu tshisumbu tshia Baparushe, muikale kabidi umue wa ku bamfumu ba bena Yuda.

Bienzedi 5:34

Kadi mu Tshipangu muvua Muparushe mukuabu, dina diende Ngamaliyele, mulongeshi wa mikenji, uvua bantu bonsu banemeka. Kujukaye munkatshi mua bena Tshipangu, kulomba bua banji kupatula bapostolu katupa pambelu.

Matayi 12:12

Kadi muntu udi mupite mukoku! Nanku mikenji yetu idi yanyisha bua tuambuluishe muntu dituku mene dia Dikisha.

Luke 14:2

Muntu muikale ne mikolu ne maboku biwule uvua muimane kumpala kuende.

Luke 17:20

Baparushe bavua bakonka Yezu ne: — Bukalenga bua Mvidi Mukulu nebufike diba kaayi? Yezu kubandamuna ne: — Bukalenga bua Mvidi Mukulu kabuena bufika mushindu udi bantu mua kubumona bimpe to.