Luke 11:19 - MUKANDA WA MYIDI MUKULU

¹⁹ Meme ngipata mikishi mibi ku bukole bua Belzebule, kadi bena dienu udi ubapesha bukole bua kuyipata nnganyi? Nanku bena dienu mene badi bajadika munudi nutupakana.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Bingikala ngumusha bademon mu dina dia Belezebula, bana benu badi babumusha mu dina dia nganyi? Nunku bobo nebikale balumbuludi benu.

Luke 11:19 Eitobir Enkop

Luke 9:49

Yowanane kuamba ne: — Mfumu, tuvua bamone muntu wipata mikishi mibi mu dina diebe. Tuvua bamukandike, bualu ki ngwa ku tshisumbu tshietu to.

Rome 3:19

Tudi bamanye ne: bionsu bidi mikenji itela, idi ibiambila bantu badi ku bumfumu bua mikenji, bua bantu kabapetshi mushindu wa kudibingisha, kabidi bua bantu bonsu ba pa buloba bamueneke ne tshilumbu ku mesu kua Mvidi Mukulu.

Luke 19:22

Mukalenga kumuandamuna ne: “Udi muena mudimu mubi. Nenkose tshilumbu tshiebe bilondeshile miaku yebe. Uvua mumanye mundi muntu wa tshikisu, ngangata bintu bidi kabiyi bianyi, nnowa bindi tshiyi mukune.

Yobe 15:6

Tshidi tshikupisha ki mmeme to, mmiaku yebe. Bionsu biudi wamba bidi bikusonguela.

Matayi 4:24

Mu ditunga dijima dia Siriya, kutuadijabu kuyukidilangana bualu bua Yezu. Bavua bafika kudiye ne bantu bonsu bavua kabayi bumvue bimpe, bikale ne masama ne ntatu bishilangane. Munkatshi muabu muvua bavuabu bakuate kudi diabolu, bena tshiseke, ne bena tuneke. Yezu uvua ujikija masama abu onsu.

Matayi 10:25

Mbimpe mulongi ikale bu mulongeshi wende, muena mudimu bu mfumuende. Pikalabu binyika mfumu wa diku ne: Belzebule nanku bena diku mene nebabinyike mena mapite bubi.

Bienzedi 19:13

Bamue bena Yuda, bavua baya miaba yonsu bua kuipata mikishi mibi munda mua babeedi, bavua bidikija mua kutela dina dia Mfumu Yezu bua kuyipata. Bavua bambila mikishi mibi ne: — Mu dina dia Yezu, udi Polu ulongesha, ndi nnutumina diyi: patukayi!