Luke 1:20 - MUKANDA WA MYIDI MUKULU

²⁰ Nanku neushale kamama, kuyi wakula, too ne pakumbana malu aa. Bualu kuena muitabe bimvua mukuambile. Kadi miaku yanyi eyi neikumbane pa tshikondu tshiayi.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Tangila, wewe neuhue, kuena umanya mua kuakula tô ne halua dituku dialua malu â, bualu bua wewe kuakuitabusha mei anyi, neajalame dituku dialua malu au.

Luke 1:20 Eitobir Enkop

Yezekiyele 3:26

Nendamakaje ludimi luebe mu tshilakalaka, ushale kamama, upange bukole bua kubela bantu bena tshitunu aba.

Yezekiyele 24:27

Dituku adi, kuakuikala kabidi kamama to. Newakule tshiakabidi bua umone mua kuyukila ne muntu uvua mupanduke ku tshipupu atshi. Ke muudi uleja bantu tshilejilu bua bamanye ne: meme ndi Maweja-Nangila.

Didimanyisha 3:19

Ndi ntandisha bandi munange, mbanyoka. Nenku wikale ne tshisumi, udilengeje.

Ebrewu 6:18

Kudi malu abidi adibu kabayi mua kushintulula, malu abidi adi Mvidi Mukulu kayi mua kuvila. Nanku malu abidi aa adi atukolesha bikole ku muoyi, bua tumone mua kutekemena ne muoyi mujima bivuabu batulaye.

Luke 1:22

Ke Zekarya kupatuka. Kadi kavua mua kuakula nabu. Nanku bantu kujingulula ne: Mvidi Mukulu mmumuleje malu muaba wa tshijila. Zekarya kushala kamama, uleja bantu malu anu ne bianza.

Tite 1:2

Ke mudibu mua kutekemena muoyi wa kashidi, udi Mvidi Mukulu, udi kayi ushima, mudianze kutulaya kumpala kua bidimu bionsu.

2 Timote 2:13

Bituamubenga, Yeye neatunange, bualu kena mua kudivila muende mudiye.”

Luke 1:45

Udi wa diakalenga, bualu udi muitabe ne: malu avuabu bammanyishe kudi Maweja-Nangila neakumbane!

Marke 16:14

Ku ndekelu, Yezu kumuenekela balongi dikumi ne umue pavuabu badia. Uvua ubatandisha bua pavuabu kabayi ne ditaba ne pavuabu ne muoyi mupape kabayi mua kuitaba bantu bavua bamane kumumona ne muoyi bamba.

Marke 9:19

Yezu kubambila ne: — Nuenu bantu kanuena ne ditaba! Ndi ne bua kushala kabidi nenu matuku bungi munyi? Ndi mua kulengulula malu enu too ne ku diba kaayi? Luaku ne muana.

2 Bakalenga 7:19

Muntu uvua wenda miaba yonsu ne mukalenga wa bena Izrayele uvua mubenge, wamba ne: “Nansha Maweja-Nangila mutunzuluile biibi bia mu diulu bua kututumina ntete, bualu buudi wamba ebu budi mua kuenzeka anyi?” Nanku, muambi Elisha uvua mumuandamune ne: “Eyowa, wewe neumone bualu ebu. Kadi kuakudia bintu abi to.”

2 Bakalenga 7:2

Kadi muntu uvua wenda ne mukalenga, kubenga, wamba ne: — Nansha Maweja-Nangila mutunzuluile biibi biamu diulu bua kututumina ntete, bualu buudi wamba abu budi mua kuenzeka anyi? Muambi Elisha kuandamuna ne: — Eyowa, wewe neumone bualu ebu. Kadi kuakudi a bintu ebi to.

Dibadika 20:12

Maweja-Nangila kuambila Moshe ne Arone ne: — Kanuena bitabe mumvua munuambile. Kanuvua basue bua ndeje bena Izrayele tshijila tshianyi. Nanku kanuakufikisha bena Izrayele mu ditunga dingabapesha to.

Ekesode 4:11

Maweja-Nangila kuandamuna ne: — Lekela kuamba nanku. Udi mufuke muntu ne mukana mua kuakula nnganyi? Nanku muntu udi mua kuakula bimpe nansha kushala kamama, kumvua nansha kuikala ne mapapa, kumona nansha kayi umona ku bukole bua nganyi? Ki nku bukole buanyi meme Maweja-Nangila anyi?

Rome 3:3

Kadi tudi mua kuamba tshinyi, padi bamue ba kudibu kabayi bakumbaja bivuabu bamulaye? Mvidi Mukulu neabenge kukumbaja bivuaye mubalaye, bualu bobu kabena babikumbaje anyi?

Danyele 10:15

“Pawaye ungambila miaku eyi, mvua muiname mutangila panshi. Tshivua ne bukole bua kuakula diyi nansha dimue to.

Luke 1:19

Ke mutumibue kumuandamuna ne: — Meme ndi Ngabriyele. Ndi ngimana kumpala kua Mvidi Mukulu bua kumuenzela mudimu. Yeye mmuntume bua kuyukidilangana nebe, ne kukumanyisha Lumu elu lua Disanka.

Luke 1:21

Diba adi bantu bavua bindila Zekarya, bakema bua mutantshi mule uvuaye mushale muaba wa tshijila.

Luke 1:64

Bu mpindiewu Zekarya kutuadija kuakula tshiakabidi, utumbisha Mvidi Mukulu ne diyi dikole.