Genese 21:9 - MUKANDA WA MYIDI MUKULU

⁹ Dituku dikuabu, Ismayele, muana wa Abrahame uvuaye mulele ne Agare muena Ejipitu, uvua unaya ne Izake. Sara umona nanku,

Mukanda wa Nzambi Dihungila Dikulukulu ne Dihungila Dihia-dihia 2003

⁹ Sala wakamona muana mulume wa Haga, muena Ejipitu, wakadi muledibue kudi Abalahama, wakadi useka biandi.

Genese 21:9 Eitobir Enkop

Genese 16:15

Agare kulela muana wa balume. Abrame kumuinyika Ismayele.

Ngalate 4:29

Bu muvua muana muabu balele bu bantu bonsu, mukengeshe kale muabu balele ku bukole bua Mueyelu wa Mvidi Mukulu, ke mudibu banukengesha lelu.

Ngalate 4:22

Mu mukanda wa mikenji tudi tubala ne: mbalelele Abrahame bana ba balume babidi, umue kudi Agare, mukaji mupika, mukuabu kudi Sara, mukaji uvuaye mudisunguile.

Genese 16:1

Sarayi, mukaji wa Abrame, kavua mulele muana to. Kadi uvua ne mupika wende, nsongakaji wa bena Ejipitu, dina diende Agare.

Muadi 1:7

Yerushalayime matuku aa udi mu dikenga, uvuluka bintu bia mushinga mukole bivuaye nabi ku kale. Tshikondu tshivua baluishi bakuate bantu bende, kakuyi muntu nansha umue umuambuluisha, bavua bamutshimune kusankabu, bualu uvua mushale tshintu tshia tshianana.

Nsumuinu 20:11

Nansha muana, ku bidiye wenza, ukadi uleja muoyi udiye nawu. Mudimu udiye ukuata neuleje mudiye muakane, wa muoyi mulenga.

Misambu 42:10

Nenkonke Mvidi Mukulu, lubuebue luanyi ne: “Udi mumpue muoyi bua tshinyi? Ndi nkenga, tshiyi ne dikisha, bualu kaayi? Mudi baluishi banyi bankengesha nenku mbishi?”

Misambu 22:6

Bavua bakubikila, wewe kubapikula. Bavua bakutekemena, kabayi bashala ku bundu!

2 Kulondolola 36:16

Kadi bena Izrayele kuseka bambi ba Mvidi Mukulu, kubalembakaja, kulengulula meyi a Mvidi Mukulu. Nanku, Maweja-Nangila kubafikila munda, kubanyoka bikole kabayi mua kupanda to.

2 Kulondolola 30:10

Bantu bavua Izkiya mutume abu, kuendakanabu mu buloba bua Efrayime ne bua Menashe. Kupitshilabu mu bimenga bionsu. Pashishe kuyabu mu tshisamba tshia Zebulone. Kadi muaba awu bantu bavua babaseka, babalembakaja.

Ebrewu 11:36

Bavua baseka bakuabu, babakuma mikaba, bavua basuika bakuabu ne nkanu, babela mu nzubu wa lukanu.

Genese 17:20

Kadi ndi ngitaba biudi ulomba bua Ismayele. Ndi mmuela lupemba, neatante, avulangane, nealele bakalenga dikumi ne babidi, neikale nkambua wa tshisamba tshinene.

Yobe 30:1

Pashishe bansongalume badi ne bidimu bidi kabiyi bu bianyi, badi bandembakaja mpindiewu. Batatuabu kale kabavua ne mushinga nansha. Tshivua mua kuanyisha bua bambuluishe mbua yanyi ivua ilama bimuna bianyi.

Genese 21:8

Muana awu kukola, kulekela diamua mabele. Abrahame kulongolola masanka dituku adi.

Nsumuinu 22:10

Ipata muena ditambisha, matandu neakoseke, mitoyi ne bipendu nebijike.