Filipe 4:6 - MUKANDA WA MYIDI MUKULU

⁶ Kanusampakenyi bualu nansha bumue. Kadi mu malu onsu nutendelele Mvidi Mukulu, nulombe bionsu binudi nabi dijinga. Nubilombe ne muoyi wa dianyisha.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Lekelai kudiatshisha ku bualu bumue; kadi mu malu onso ku ditendelela ne ku disengelela numanyishe Nzambi bua milombu yenu ne disakidila.

Filipe 4:6 Eitobir Enkop

1 Petro 5:7

Muomekelayi ntatu yenu yonsu, bualu Yeye udi unulama.

Misambu 55:22

Miaku yende ya lubombu mmisheme bu buitshi, kadi udi welangana amu meji a kuluangana mvita. Miaku mipepele idi ipatuka mukana muende, kadi idi amu bu muele wa ntapa kubidi.

Matayi 6:8

Kanubidikiji to. Bualu Tatu wenu Mvidi Mukulu mmumanye bionsu binudi nabi dijinga, diambedi kanuyi banji kumulombabi.

Yirmeya 33:3

Umbikile meme, nenkuandamune. Nenkujinguluile malu manene masokoka audi kuyi mumanye to.

Nsumuinu 16:3

Uteke midimu yebe mu bianza bia Maweja-Nangila, nanku nenkumbaje biuvua muele meji.

Misambu 62:8

Mvidi Mukulu neampandishe. Neampingajile lumu. Yeye ke lubuebue luanyi, muaba undi mua kusokomena.

Kolose 4:2

Tendelelayi Mvidi Mukulu ne munanunanu. Mutendelelayi, numuele tuasakidila, kanuyi nupungila.

Efeze 6:18

Kanupu muoyi bua kutendelela Mvidi Mukulu. Nulombe bua anuambuluishe. Tendelelayi diba dionsu mudi Mueyelu wa Tshijila unusaka. Tabalayi, lombelayi bantu bonsu ba Mvidi Mukulu, kanuyi nulekela.

Kolose 3:17

Bionsu binudi nuenza, nansha binudi nuamba, nubikumbaje mu dina dia Yezu Kristu. Nuele amu kuela Mvidi Mukulu tuasakidila kudiye.

Luke 18:1

Pashishe bua kulongesha balongi bende mudibu ne bua kutendelela diba dionsu, kabayi batekesha mu maboku, Yezu kubelela lusumuinu ne:

Luke 12:22

Pashishe Yezu kuambila balongi bende ne: — Ke pandi nnuambila ne: kanutatshi bua biakudia binudi nabi dijinga, nansha bua bivualu bidi mubidi wenu ukengela.

Misambu 51:15

Badi bakutombokela, nembalongeshe mudibu mua kukulengelela, bua badilengeje, bitabe ku diyi diebe.

Kolose 3:15

Bupole bunudi nupeta kudi Kristu, buludike meji enu, ne bionsu binudi nuenza. Ku bupole abu ke kudi Mvidi Mukulu munubikidile bonsu pamue, bua nuenze bidimba bia mubidi umue. Nuele Mvidi Mukulu tuasakidila bua bualu ebu.

1 Samuele 30:6

Davide uvua ne kanyinganyinga kakole. Bualu bantu bavuaye nabu bavua basue kumuasa mabue bua kumushipa. Muntu yonsu uvua unyingalala, wela meji kudi bana bende ba balume ne ba bakaji. Kadi ku diambuluisha dia Maweja-Nangila Mvidi Mukulu wende, Davide kupeta bukole.

Efeze 5:20

Mu dina dia Mfumu wetu Yezu Kristu, elayi Mvidi Mukulu Tatu tuasakidila diba dionsu, ne bua malu onsu.

Misambu 55:17

Meme ndi mbikila Mvidi Mukulu, bua angambuluishe. Nanku Maweja-Nangila neampandishe.

Luke 10:41

Mfumu kumuandamuna ne: — Marte, Marte, udi ulubakana, utata bua malu a bungi.

Luke 18:7

Kadi Mvidi Mukulu kakukosa nsambu ya bena diende badi bamubila munya ne butuku pa yoyi anyi? Kakubambuluisha pa lukasa anyi?

Matayi 10:19

Pikalabu baye nenu kumpala kua balumbuluishi, kanupampakanyi bua tshinudi ne bua kuamba, ne bua mushindu unudi ne bua kuakula. Nenupete tshia kuamba anu diba adi.

Nsumuinu 15:8

Maweja-Nangila udi udiwula milambu ya bantu babi. Kadi udi wanyisha bikole dilomba dia bantu ba diyi dimue.

Luke 12:29

Kanupampakanyi. Kanutatshi amu bua biakudia, nansha bua biakunua.

1 Samuele 1:15

Ane kuandamuna ne: — Tshiena mukuatshika maluvu to. Ndi mukaji muena dikenga. Tshiena munue maluvu to. Ndi mufike muaba ewu bua kukuatshila Maweja-Nangila dikenga dianyi.

2 Korente 1:11

Bualu nuenu nudi nuambuluisha, panudi nnulombela kudiye. Padi bann bavule banlombela kudi Mvidi Mukulu, neabateleje. Nanku neanele lupemba. Diba adi bann ba bungi kabidi nebamuele tuasakidila.

1 Korente 7:32

Mvua musue kunuepula ku ntatu yonsu. Udi kayi mu dibaka, udi usumpakana bua malu a Mfumu, ukeba kusankisha Mfumu.

1 Petro 4:7

Nshikidilu wa bionsu ukadi pabuipi. Nusombe ne meji, batabale, bua numone mua kutendelela.

Matayi 13:22

Ntete idi ipona mu mitshi ya meba, ke badi bumvua muaku wa Mvidi Mukulu. Kadi disumpakana dia malu a bukua panu, ne mutshima wa biuma bia panu, bidi bikutakaja muaku, biupangisha mua kukuama bimuma.

Danyele 3:16

Shadrake, Meshake ne Abede-Nego kuandamuna mukalenga Nebukadnesare ne: — Mukalenga, katuena basue kudibingisha kumpala kuebe to.

2 Kulondolola 32:20

Pashishe, mukalenga Izkiya ne muambi Yeshaya muana wa Amosa, kutendelelabu Maweja-Nangila, bamulomba diambuluisha.

1 Samuele 7:12

Samuwele kuela diyi, wamba ne: “Maweja-Nangila ke udi mutuambuluisha too ne mpindiewu.” Samuwele kuambula dibue, kudimanyika pankatshi pa Mispa ne Shene. Kuinyikaye dibue adi dina ne: “Dibue-dia-diambuluisha.”

Musambu wa Solomo 2:14

Musuibue wanyi, bu nkudimba udi musoksome mu mbuebue ne mu mulundu, patuka, nkumone. Akula, nteleje diyi diebe didi dinsankisha. Leja mpala webe udi mupite buimpe!”

1 Korente 7:21

Ne uvua mupika diba divua Mvidi Mukulu mukubikile, kupampakanyi nansha. Kadi paudi upeta mushindu wa kupatuka mu bupika, upatuke.

1 Bakalenga 8:28

Kadi, Maweja-Nangila Mvidi Mukulu wanyi, tangila kundi. Nteleja mundi nkusengelela. Eyowa, teleja mundi nkubikila lelu muanyi muomsu.

Yirmeya 32:16

Meme mumane kufila mukanda wa disumba budimi kudi Baruke, ke meme kutendelela Maweja-Nangila ngamba ne:

Danyele 6:10

Ke mukalenga wa bakalenga Daryaveshe kufunda dina diende pa mukanda, uvua ne mukenji awu.

Matayi 6:34

Kanuditatshishi bua malu a maloba to. Patshiabu, malu a dituku adi neadikumbanyine. Lutatu ludi lumueneka ku dituku dionsu, ndukumbane bua dituku adi.

1 Timote 2:1

Bualu bua kumpala bundi ndomba: bantu batendelele Mvidi Mukulu, bamulombe, bamusengelele, bamuele tuasakidila mu dina dia bantu bonsu.

1 Timote 5:5

Mukaji mukamba menemene, udi kayi ne muntu wa kumulama, ke udi mutekemene anu kudi Mvidi Mukulu, umutendelela munya ne butuku, umulomba diambuluisha.