Ekesode 30:6 - MUKANDA WA MYIDI MUKULU

⁶ Tshilambuilu atshi, utshiteke kumpala kua tshilamba tshidi tshijike mushete wa ndondu. Tshikale tshitangilangane ne mushete wa ndondu awu, muaba utuikala tumuenangana nebe.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Utshiteke hehi ne tshilulu tshidi ku mushete wa Nzambi, ku mpala kua tshibuikilu tshidi ha mutu ha mushete, kundi nsangakena nʼebe.

Ekesode 30:6 Eitobir Enkop

Ebrewu 4:16

Nenku tusemenayi ne ditekemena dionsu ku nkuasa wa butumbi wa Mvidi Mukulu, muaba udiye utuleja ditunanga diende. Netupeteku dijimija dia mibi. Neatulejeku mudiye utunanga, bua tupete diambuluisha diba dionsu ditudi tudikengela.

Matayi 27:51

Diba adi, tshilamba tshiyuabu balembeleje mu nzubu wa Mvidi Mukulu kupandikatshi kulu ne panshi bitupa bibidi. Buloba kuzakala, mbuebue kuela mitanta,

1 Kulondolola 28:11

Pashishe, Davide kupesha Shelomu dibeji divuabu bazola mushindu wa kuasa muaba wa tshijila, ne bibambalu bidi bilamikaku, — bibambalu bia kubutshila mpetu, bibambalu bia kulu, nansha bia munda, — ne tshibambalu tshia kuteka mushete wa ndondu.

Dibadika 17:4

Mutuangaji Elazare kuangata mbabula ya tshiamu tshikunze ya bantu bavua Maweja-Nangila muoshe ne muoyi. Kuenzabu nayi bitata bia kubuikila ku tshilambuilu.

Lewitiki 16:13

Muaba awu kumpala kua Maweja-Nangila, neele musenga wa manananshi mu mbabula. Muinshi wa manananshi awu, neubuikile mushete wa ndondu ne tshibuikidiji tshiawu. Nanku Arone kakufua to.

Ekesode 40:26

Kutekaye tshilambuilu tshia tshiamu tshia mpawungi mu ntenta amu. Tshilambuilu atshi tshivua kumpala kua tshilamba tshilembeleja.

Ekesode 40:5

Bateke tshilambuilu tshia tshiamu tshia mpawungi bua kuosha manananshi. Utshiteke kumpala kua mushete wa ndondu. Ulembeleje tshilamba mu mushiku wa mbelu wa nzubu wa tshijila.

Ekesode 40:3

Batekemu mushete wa ndondu, baujika ne tshilamba tshilembeleja, bua kabaumonu kudi bantu to.

Ekesode 30:36

Pashishe, ubitue, wenze musenga wa kuteka kumpala kua mushete wa Maweja-Nangila, udi mu ntenta wa kusambakena, muaba ungikala mukuambile bua tuetu kumuenangana. Numanye ne: musenga awu ntshintu tshienu tshia tshijila.

Ekesode 30:5

Wenze mabaya a mitshi ya ndunga abidi, walamike tshiamu tshia mpawungi nseke yonsu.

Ekesode 30:7

Pashishe, Arone ikale ungoshilamu manananshi dinda dionsu padiye usukula miendu idi ku tshilambuilu.

1 Kulondolola 23:13

Bana ba Amrame badi: Arone ne Moshe. Arone ne ndelanganyi yende, bavua babajidila bua bikale benza mudimu kashidi muaba wa tshijila menemene. Bavua ne bua kulambula milambu ya manananshi, kuenzela Mvidi Mukulu midimu, kuela bantu lupemba mu dina dia Maweja-Nangila.