Ekesode 28:42 - MUKANDA WA MYIDI MUKULU

⁴² Ubatelele kabidi tuputula tua muinshi tua buanda bua ndanda, tumukila mu tshimonu too ne mu binu bua butaka buabu kabumueneki.

Mukanda wa Nzambi Dihungila Dikulukulu ne Dihungila Dihia-dihia 2003

⁴² Ubatelele mihanu ya lin ya kubuikila butaka buabo, mihanu neyikale ku tshimono mifike to ne ku bibelu.

Ekesode 28:42 Eitobir Enkop

Yezekiyele 44:18

Nebavuale bifulu ne mikaba ya mu tshimonu, bienza amu ne ndanda. Kabena ne bua kuvuala bilamba bidi bibakopakaja.

Lewitiki 16:4

Arone udi ne bua kuvuala muntumpu muenza ne buanda bua ndanda, kaputula ka muinshi ka buanda bua ndanda. Neasuike kabidi mukaba wa buanda bua ndanda, uvuala ne tshifulu tshienza ne buanda bua ndanda. Kadi, mudi bilamba ebi bia tshijila, udi ne bua kubivuala amu yeye muanji kuowa mayi.

Lewitiki 6:10

Mulambu awu kabena mua kuulamba, kuela buanga bua mampa to. Bualu udi tshitupa tshidi Maweja-Nangila mubapeshe tshia ku bintu bionsu bidibu bamulambula. Tshitupa atshi tshidi tshia tshijila, bu mudi tshitupa tshia ku mulambu wa kudikobolola nawu, nansha wa dinua tshibalu.

Didimanyisha 3:18

Ke pandi nkupesha lungenyi, bua usumbe kundi mpawungi muengulula mu kapia. Nanku newikale mubanji. Usumbe kabidi bilamba bitoke bua ubivuale, usokoke butaka buebe, ulekele kufua bundu. Usumbe kabidi buanga bua kuela mu mesu, bua umone.

Ekesode 39:28

bifulu, mikaba ya kusuika ku bifulu, ne tuputula tua muinshi. Bionsu bivua anu bia buanda.

Ekesode 20:26

Pashishe, tshilambuilu katshikadi ne bibandilu to, bualu butaka bua udi ubanda bua kundambula milambu budi mua kumueneka.

Yezekiyele 44:17

Padibu bapitshila ku biibi bia lubanza lua munda mua nzubu, badi ne bua kuvuala bilamba bienza ne ndanda. Kabena ne bua kuvuala bilamba bienza ne miosa ya nyama, padibu benza mudimu wabu mu lubanza, nansha munda mua nzubu wa Mvidi Mukulu.

Lewitiki 6:3

Pashishe mutuangaji avuale muntumpu muenza ne buanda bua ndanda. Avuale kabidi kaputula ka tshilamba kenza ne buanda bua ndanda. Aboye butu budi pa tshilambuilu, anji kubuteka panshi ku luseke lua tshilambuilu.