Ekesode 2:15 - MUKANDA WA MYIDI MUKULU

¹⁵ Mukalenga wa bena Ejipitu umvua bualu abu, kukebaye mua kushipa Moshe. Kadi Moshe kunyema, kuya mu ditunga dia Madiyane. Kuikishaye pabuipi ne tshiina tshia mayi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Kakamanya Palô bualu ebu, wakakeba kushiha Mose. Kadi Mose wakanyema ku mesu kua Palo, wakikala mu buloba bua Midiyana, wakashikama hehi ne dina dia mai.

Ekesode 2:15 Eitobir Enkop

Ebrewu 11:27

Amu bua ditaba, Moshe kumuka ku Ejipitu kayi utshina tshiji tshia mukalenga. Utata ne muoyi mukole, bu muntu udi umona Mvidi Mukulu udi kayi umueneka.

Bienzedi 7:29

Moshe umvua miaku ayi, kunyemaye, kuya mu buloba bua Madiyane. Kulelayemu bana ba balume babidi.

Genese 24:11

Muena mudimu awu kufika pabuipi ne tshiina tshivua ku mpenga kua tshimenga dilolu, diba didi bakaji baya bua kusuna mayi. Kufuishaye tumelu binu panshi.

Genese 29:2

Mu luendu alu, dituku dikuabu kumonaye tshiina tshia mayi mu mpata, tshibuikila dibue dia bujitu. Mayi awu ke avuabu banuisha mikoku. Bisumbu bia mikoku ne bia mbuji bisatu bivua muaba awu, bikishe.

Yowanane 4:6

Mu musoku awu muvua tshiina tshia mayi tshia Yakobe. Yezu uvua mupungile ne luendu. Kusombaye ku muelelu wa tshiina etshi. Diba dikavua bu pa dikumi ne ibidi ya munda munya.

Matayi 10:23

Panukengeshabu mu tshimenga kampande, nuye kusokomena mu tshikuabu. Ndi nnujadikila bulelela ne: Muana wa muntu neafike, kanuyi banji kujikija mudimu wenu mu bimenga bionsu bia bena Izrayele.

Nsumuinu 22:3

Muntu mudimuke udi umona dikenga diamba kumukuata, udiepuka. Bantu batatakane badi babuelamu musangu umue, badikengeshisha.

Ekesode 4:19

Anu mu Madiyane amu, Maweja-Nangila kuambila Moshe ne: — Eyowa, pingana mu Ejipitu, bualu bantu bonsu bavua bakuelela meji mabi mbamane kufua.

Genese 25:4

Madiyane uvua mulele bana ba balume batanu: Efa, Efere, Anoke, Abida ne Elda. Bana aba ke ndelanganyi yonsu ya Ketura.

Genese 25:2

Mukaji awu kumulelela bana basambombu: Zimrane, Yokshane, Medane, Madiyane, Ishebake ne Shuwa.

Ekesode 18:4

Muana muibidi ke Eliyezere, mmumue ne: “Mvidi Mukulu wa bankambua banyi mmuntabalele lelu, mumpandishe ku lufu lua kudi mukalenga wa bena Ejipitu.”

1 Bakalenga 11:18

Kumukabu mu buloba bua bena Madiyane, kupitshilabu mu tshipela tshia Parane. Kuangatabu bantu bavua mu tshipela tshia Parane, kuya nabu mu Ejipitu kudi mukalenga wa ditunga. Mukalenga wa bena Ejipitu, kupesha Adade nzubu ne maloba. Kumulayaye bua kumudisha.

Abakuke 3:7

Ndi mmona mudi bena Kushane ne bowa, mudi bena Madiyane bazakala, batshina.