Ekesode 19:5 - MUKANDA WA MYIDI MUKULU

⁵ Mpindiewu, nuenu bitabe tshindi nnuambila, balame ndondu wanyi, nenuikale tshisamba tshianyi tshindi musungule munkatshi mua bisamba bionsu bidi pa buloba. Bualu buloba bujima mbuanyi meme.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Binuatumikila dî dianyi, ne binuanemeka tshihungidi tshianyi, nuenu nenuikale bantu banyi ba munkatshi mua bantu bonso, bualu bua buloba buonso mbuanyi.

Ekesode 19:5 Eitobir Enkop

Dielulula 14:2

Nudi tshisamba tshia tshijila tshia Maweja-Nangila Mvidi Mukulu wenu. Nuenu ke badiye musungule munkatshi mua bisamba bikuabu bidi pa buloba, bua nuikale tshisamba tshiende menemene.

Dielulula 7:6

Nuenu bena Izrayele nudi tshisamba tshijidila Maweja-Nangila Mvidi Mukulu wenu. Nuenu ke badi Maweja-Nangila musungule, bua nuikale tshisamba tshiende tshisunguluke munkatshi mua bisamba bikuabu bionsu bia pa buloba.

Dielulula 26:18

Nuenu kabidi nuvua bamulaye bua kuikala tshisamba tshiende, tshia bantu badiye mupite kunanga, badi bakumbaja meyi ende ne mikenji yende.

Malaki 3:17

Pashishe Maweja-Nangila wa bukole buonsu kuamba ne: — Dituku dindi ndeja bukole buanyi, bantu aba nebikale bantu banyi. Nembafuile luse, bu mudi tatu ufuila muanende udi umuenzela mudimu luse.

Ekesode 15:26

Maweja-Nangila kubambila ne: “Nuenu bateleje diyi dianyi meme, Maweja-Nangila, Mvidi Mukulu wenu, bakumbaje bilenga bindi nnuambila, batumikile mikenji yanyi, tshiakunutumina dikenga nansha dimue, bu mumvua mutumine bena Ejipitu. Bualu meme ndi Maweja-Nangila, udi unondapa.”

Misambu 135:4

Maweja-Nangila mmusungule Yakobe, musungule Izrayele bua ikale tshintu tshiende.

Dielulula 4:20

Kadi nuenu bena Izrayele, Maweja-Nangila mmunukebe, munupatule kabidi mu Ejipitu, munuvua munkatshi mua dikenga dikole, bua nuikale tshisamba tshiende yeye, bu munudi lelu.

Ekesode 23:22

Kadi, nuenu bitabe diyi diende, bakumbaje bionsu bindi ngamba, meme Maweja-Nangila nenduishe bantu bonsu badi banuelela meji mabi.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

Dielulula 10:14

Diulu dijima, buloba ne bionsu bidipu, mbintu bia Maweja-Nangila Mvidi Mukulu wenu.

Ekesode 9:29

Moshe kumuandamuna ne: — Pangumuka mu musoku emu, nengele bianza mulu kudi Maweja-Nangila bua mvula wa makubakuba ne mabue akamuke. Nanku neujadike ne: buloba buonsu mbua Maweja-Nangila.

Misambu 24:1

Musambu wa mu mukanda wa misambu ya Davide. Bantu ne bintu bionsu mbia Maweja-Nangila, buloba ne bidipu bionsu mbiende yeye.

1 Korente 10:26

Bualu Mukanda wa tshijila udi wamba ne: “Buloba ne bionsu bidipu mbintu bia Mfumu.”

Yobe 41:11

Ndimi ya kapia idi ipatuka mukana muende, tuntolentole tua kapia tudi tupona panshi.

Dielulula 5:2

Maweja-Nangila Mvidi Mukulu wetu, uvua mutue netu ndondu mu mukuna wa Sinayi.

Ebrewu 11:8

Amu bua ditaba, Abrahame kutumikila Mvidi Mukulu uvua mumubikile. Kuyaye ku ditunga divua Mvidi Mukulu musue kumupesha bu bumpianyi. Kumukaye mu ditunga diabu, kayi mumanye kuvuaye ne bua kuya.

Yeshaya 43:1

Izrayele, mpindiewu Maweja-Nangila udi wakula! Yeye ke mufuki webe. Yeye uvua mukufumbe wewe, tshisamba tshia Yakobe. Udi ukuambila ne: “Kutshinyi, bualu nenkusungidile! Ndi mukubikile, mutele dina diebe! Udi muntu wanyi meme!

Yeshaya 41:8

Izrayele, muena mudimu wanyi, tshisamba tshia Yakobe tshimvua musungule, ndelanganyi ya Abrahame, mulunda wanyi, teleja.

Misambu 25:10

Bionsu bidi Maweja-Nangila wenza, bidi bileja mudiye unanga bantu badi balama ndondu wende, bakumbaja mikenji yende.

1 Samuele 15:22

Samuwele kukonka Shawule ne: — Maweja-Nangila udi usanka bua milambu ya bungi idibu bamulambula, anyi udi usanka bua mikenji yende idibu batumikila? Milambu kayena imusankisha to. Bualu, kutumikila Maweja-Nangila, kuenza tshidiye muambe, nkupite milambu ya nyama, nansha yoyi ne mafuta a bungi.

Yoshua 24:24

Bena Izrayele kuandamuna ne: — Eyowa, tudi basue kuenzela Maweja-Nangila Mvidi Mukulu wetu mudimu, kutumikila diyi diende.

Yeshaya 1:19

Eyowa, panuikala bakumbaje mikenji yanyi, panuikala banteleje, nenudie bintu bimpe bia mu ditunga dienu.

1 Bakalenga 8:53

Bualu wewe ke uvua mutusungule munkatshi mua bisamba bionsu, bua tuikale bantu bebe, bu muuvua mumane kuambila Moshe, muntu webe, tshikondu tshiuvua mupatule bankambua betu mu bupika mu Ejipitu.”

Dielulula 28:1

Nuenu bitabe Maweja-Nangila Mvidi Mukulu wenu, bakumbaje bimpe mikenji yende yonsu indi nnumanyisha lelu eyi, nenuikale bena diakalenga bapite bisamba bionsu bia pa buloba.

Yeshaya 56:4

Bualu Maweja-Nangila udi wamba ne: “Padi muntu mutungula unemeka matuku anyi a Dikisha, padiye usungula bua kuenza bidi bindengelela, padiye ulama ndondu itudi batue ne tshisamba tshianyi,

Ekesode 24:7

Pashishe, kubalaye ne diyi dikole mukanda wa meyi a ndondu uvua Maweja-Nangila mutue ne bantu. Bantu bonsu kuitaba ne: — Netuenze bionsu bidi Maweja-Nangila muambe.

Yirmeya 7:23

Kadi, meme Maweja-Nangila mvua mubambile ne: Nuteleje tshindi nnuambila. Nanku nengikale Mvidi Mukulu wenu, nuenu nenuikale bantu banyi. Nukumbaje bionsu bindi nnuambile. Nanku nenuikale bimpe.

Dielulula 11:27

Panuikala nukumbaja mikenji ya Maweja-Nangila Mvidi Mukulu wenu, indi nnumanyisha lelu, nenuikale bena diakalenga.

1 Korente 10:28

Kadi pikala muntu unuambila ne: “Munyinyi ewu ngwa ku nyama uvuabu balambule mvidie,” kuudi to! Kadi unemeke muntu udi ukuambila nanku, unemeke kabidi kondu ka munda,

Dielulula 14:21

Nuenu bena Izrayele, nudi tshisamba tshisunguluke tshia Maweja-Nangila Mvidi Mukulu wenu. Nanku kanuena mua kudia munyinyi wa nyama midifuile to. Nudi mua kuupesha benyi badi munkatshi muenu, nansha kusumbisha benyi bakuabu. Kanuena mua kulamba munyinyi wa muana wa mbuji, mu mabele a mamuende to.

Yirmeya 10:16

Kadi Maweja-Nangila kena bu mudi mpingu to. Bena Izrayele ntshisamba tshiende tshia bumpianyi. Yeye ke udi mufuke bintu bionsu. Bena Izrayele mbantu bende. Dina diende Maweja-Nangila wa bukole buonsu.

Musambu wa Solomo 8:12

Wewe Shelomu, wangate nkanu tshinunu ya tshiamu tshitoke tshia mushinga mukole. Babidime bapete kabidi nkanu nkama ibidi. Kadi budimi buanyi meme ndi ndima amu meme nkayanyi!

Ebrewu 8:9

Kakuikala bu ndondu umvua mutue ne bankambua babu, dituku dimvua mubakuate ku diboku, bua kubapatula mu Ejipitu. Kabavua balame ndondu ewu umvua mutue nabu. Nanku meme kubalengulula. Ke mundi meme Maweja-Nangila njadika nanku.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

Genese 17:9

Mvidi Mukulu kuambila Abrahame kabidi ne: — Wewe ne ndelanganyi yebe yonsu nulame ndondu ewu.

Ekesode 6:7

Nenuikale bantu banyi, nengikale Mvidi Mukulu wenu. Nenujadike ne: meme Maweja-Nangila ndi Mvidi Mukulu wenu. Ndi munumushe ku midimu mikole inuvua nuenzela bena Ejipitu.

Ekesode 8:22

Moshe kuandamuna ne: — Kabiena mua kuenzeka to. Bualu nyama itudi tulambula Maweja-Nangila Mvidi Mukulu wetu, bena Ejipitu badi bayinemeka. Pamonabu tulambula nyama ayi, nebatuase mabue batushipa.

Dielulula 28:9

Nuenu bakumbaje mikenji ya Maweja-Nangila Mvidi Mukulu wenu, benze mudiye musue, nenuikale tshisamba tshia bantu bende, bu muvuaye mumane kunulaya.

1 Kulondolola 17:22

Wewe kuangata bena Izrayele bua bashale tshisamba tshiebe kashidi. Ke wewe kushala Mvidi Mukulu watshi.

Yezekiyele 16:8

Meme kupitshila pabuipi nebe tshiakabidi. Mvua mumone ne: ukavua mukumbaje bidimu bia kukubangila. Nanku, meme kukubikila ne tshinkutu tshianyi bua kujika butaka buebe. Meme kukulaya ne: nenshale webe ne muoyi umue. Meme kutua nebe ndondu. Ke mumua mushale wanyi meme. Meme Maweja-Nangila Mvidi Mukulu, ndi njadika bualu ebu.

Amosa 3:2

“Ku bisamba bionsu bidi pa buloba, ndi munusungule amu nuenu. Ke mundi nnulumbuluisha, nnunyoka, bua malu mabi onsu anuvua benze.”

Amosa 6:1

Diakabi ndienu, nuenu bonsu, badi basomba talala pa mukuna wa Siyone, nuenu bonsu badi pa mukuna wa Samariya, bela meji ne: ke patuasomba ku matshi talalaa. Badi banuamba ne: nudi bamfumu ba tshisamba tshidi tshipite bikuabu bionsu bia pa buloba. Bena Izrayele badi banuvuila bua kulomba meji ne lungenyi. Kadi kanudidingi nansha.

Ekesode 34:9

wamba ne: — Maweja-Nangila wanyi, ndi mujadike ne bena Izrayele mbantu ba tshitunu, kadi bu muudi munnange, ndi nkusengelela bua wikale munkatshi muetu. Utufuileku luse ku bionsu bitudi bakuenzele, bualu tudi bantu bebe.

Lewitiki 20:24

Ke pandi nnulaya ne: Nenupete buloba buabu ebu, ditunga didi mabele ne buitshi. Meme Maweja-Nangila ndi nnupeshadi.’ Bualu ndi Maweja-Nangila Mvidi Mukulu wenu, udi munusungule munkatshi mua bisamba bikuabu.

Dielulula 9:29

Maweja-Nangila, bena Izrayele aba mbantu bebe, baudi mudisunguile, bauvua mupikule, mupatule mu Ejipitu ku bukole ne ku makanda ebe mapite.”

Dielulula 26:19

Eyowa, ku bisamba bionsu bidi Maweja-Nangila Mvidi Mukulu wenu mufuke, mmusue bua nuenu nuikale babapite ku lumu, ku butumbi ne ku buneme. Mmusue bua nuikale bantu bende, badi bamuenzela mudimu bu muvuaye mumane kunuambila.

Yobe 41:3

Uvua mudianze kunsombesha tshiende tshintu bua meme kumupingajilatshi nnganyi? Bintu bionsu bidi panu mbianyi meme!

Yirmeya 13:11

Mudi muntu usuika mukaba mu tshimonu tshiende, ke mumvua meme Maweja-Nangila mudisuike ku bukalenga bua Yuda ne bua bena Izrayele. Mvua muteke lumu luanyi mu bianza biabu, bua bikale bantu banyi, bua batumbishe dina dianyi, bampeteshe lumu, bua meme kuditemba nalu. Kadi kabavua banteleja to.”