Ekesode 13:7 - MUKANDA WA MYIDI MUKULU

⁷ Matuku muanda mutekete awu, nudie anu mampa adi kaayi mela buanga. Kanulami kabidi mampa mela buanga, nansha buanga bua mampa mene, mu ditunga dienu dijima.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Nudie anu mampa adi kâyi ne luevene to matuku muanda mutekete, kanuikadi ne mampa a luevene, kabatangidi luevene mu nseke yenu yonso.

Ekesode 13:7 Eitobir Enkop

Ekesode 12:19

Matuku muanda mutekete malondangane awu, kanulami buanga bua mampa mu nzubu yenu to. Muntu yonsu udi udia mampa mela buanga, nansha yeye muenyi anyi muena ditunga, nebamumushe munkatshi mua bena Izrayele.

Matayi 16:6

Yezu kubambila ne: — Dimukayi, kanuangatshi buanga bua mampa bua Baparushe ne Basaduke.

1 Korente 5:8

Nanku tuenzayi tshibilu tshietu. Kadi katuena mua kutshienza, kudia mampa mela buanga bukulukulu, buanga bua bubi, ne bua malu a bundu. Tudie amu mampa kaayi mela buanga, mampa a bunonoke, ne a bulelela.

Ekesode 12:15

Maweja-Nangila kuamba ne: “Matuku malondangane muanda mutekete, nudie anu mampa kaayi mela buanga. Dituku dia kumpala, numushe manga a mampa onsu adi mu nzubu yenu. Biangatshile ku dituku dia kumpala too ne ku dituku dia muanda mutekete, muntu yonsu udi udia mampa mela buanga, nebamumushe munkatshi mua bena Izrayele.

Dielulula 16:4

Matuku awu onsu muanda mutekete, kanuena mua kulama buanga bua mampa mu ditunga dienu dijima. Munyinyi wa nyama unu-vua balambula Maweja-Nangila dilolu dia dituku dia kumpala, nuudie, ujika anu dituku adi.

Yoshua 5:11

Butshia kudiabu mampa kaayi mela buanga, kudiabu kabidi ntete mikanga. Bavua balamba bionsu ne biakudia bia mu ditunga.