Ekesode 12:5 - MUKANDA WA MYIDI MUKULU

⁵ Muana wa mukoku nansha muana wa mbuji awu ikale wa tshidimu tshimue, kayi ne tshilema pambidi, kabidi anu mulume wa nyama.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Muana mulume wenu wa mukoko neikale muakane ne wa tshidimu tshimue nebamuangate munkatshi mua mikoko anyi mua mbushi.

Ekesode 12:5 Eitobir Enkop

Malaki 1:14

Muntu udi ne nyama mimpe mu bimuna biende, undaya nyama muimpe, kadi undinga, undambula nyama udi ne tshilema, mmuena diakabi. Bualu meme ndi mukalenga munene udi bisamba bionsu bitshina. Meme Maweja-Nangila wa bukole buonsu udi njadika nanku.

Dielulula 17:1

Tshimuna tshionsu tshidi ne bulema pambidi: ngombe, mukoku, nansha mbuji, kanuena mua kutshilambula Maweja-Nangila Mvidi Mukulu wenu to. Bualu mulambu awu kawena umulengelela to, udi umubipila.

Ebrewu 7:26

Nenku Yezu udi mutuangaji munene utuvua tukengela. Udi wa tshijila. Munda muende kamuena bualu bubi nansha bumue. Kena muenze tshilema nansha tshimue. Uvua mutapuluke ne benji ba malu mabi. Kumubandishabu ku mutu kua diulu.

Lewitiki 23:12

Anu dituku adi, nenundambule kabidi mulambu wa kuosha wa muana wa mukoku wa tshidimu tshimue, udi kauyi ne bulema.

Lewitiki 1:10

“Padi muena Izrayele ulambula mbuji nansha mukoku bu mulambu wa kuosha, asungule anu mukoku wa tshimpanga, nansha mbuji wa mpumbu udi kayi bulema.

Lewitiki 1:3

“Padiye ulambula ngombe bu mulambu wa kuosha, ngombe awu ikale anu mulume, kayi bulema. Aye nende mu mushiku wa mbelu wa ntenta wa kusambakena bua kulomba luse kudi Maweja-Nangila.

Ekesode 12:4

Pikala bena mu diku bakese kabayi mua kudia munyinyi awu kujikija, badisange ne bena mutumba bilondeshile bungi bua bantu. Kadi nusungule muana wa mukoku nansha muana wa mbuji udi mukumbane bua muntu yonsu kupetaye munyinyi wonsu udiye mua kudia.