Abakuke 3:19 - MUKANDA WA MYIDI MUKULU

¹⁹ Maweja-Nangila Mvidi Mukulu udi bukole buanyi: udi upepeja makasa anyi bu mikonu ya ngulungu, ungendesha pa mikuna mile. Wa mu mukanda wa mulombodi wa bena misambu. Wa kuimba ne nzenze.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Yehowa, Mukelenge mene, udi bukole buanyi; udi uvuisha makasa anyi bu mikono ya ngulungu, udi ungendesha ha mutu ha mikuna yanyi mile. Kudi mulombodi wa bimbi ba misamba: ne biombelu.

Abakuke 3:19 Eitobir Enkop

2 Samuele 22:34

Udi upepeja makasa anyi, nnyema bu kabuluku, ngimana pa mikuna mitumbuke.

Misambu 18:33

Udi undongoluela njila, umpesha bukole bua kuluangana.

Filipe 4:13

Bu mudi Kristu unkolesha, ndi mua kupitshila mu bionsu amu bimpe.

Misambu 46:1

Musambu wa mu mukanda wa mulombodi wa bena misambu ne wa mu mukanda wa misambu wa bena Kora wa kuimba ne meyi matue.

Dielulula 32:13

Maweja-Nangila mmubapeshe ditunga dia mikuna, mubadishe ne biakudia bia mu madimi, mubapatule buitshi mu lubuebue. Mmumeneshe mitshi ya olive mu buloba bua mabue.

Misambu 27:1

Musambu wa mu mukanda wa misambu ya Davide. Maweja-Nangila udi bukole buanyi, kabidi mumpandishi wanyi, tshiena mua kuzakela muntu to. Maweja-Nangila udi undama, tshiena ntshina muntu.

Yeshaya 58:14

nenku meme nengikale mpokolu wa disanka dienu. Meme Maweja-Nangila nennutumbishe ku mutu kua bionsu. Nennusombeshe talalaa, mu ditunga divua nkambua wenu Yakobe mupete bu bumpianyi. Meme Maweja-Nangila ndi ndaya nanku.”

Efeze 3:16

Ndi mmulomba se: anukankamike, bilondeshile buneme bua butumbi buende, anukoleshilemu munda muenu kudi Mueyelu wende.

Kolose 1:11

Tudi tulomba kudi Mvidi Mukulu bua anukankamike ne bukole bua butumbi buende, bua numone mua kumvua malu onsu ne lutuulu.

Yeshaya 12:2

“Monayi mudi Mvidi Mukulu umpandisha. Ndi ne ditalala munda, tshiena ntshina tshintu to. Maweja-Nangila ke bukole buanyi. Ndi mmuimbila, bualu uvua munsungidile.”

Dielulula 33:29

“Nuenu bena Izrayele, nudi bena diakalenga, bualu Maweja-Nangila mmunupandishe amu nuenu nkayenu! Maweja-Nangila udi ngabu wenu, unulama. Udi muele wa mvita, unuambuluisha bua kutshimuna. Baluishi benu nebanulombe luse, nenudiate ditambisha diabu mu makasa.”

Zekâya 10:12

Nenkankamike bantu banyi, nebenze amu malu adi andengelela. Meme Maweja-Nangila, ndi ngamba nanku.”

Misambu 18:1

Musambu wa mu mukanda wa misambu ya Davide, wa mu mukanda wa mulombodi wa bena misambu. Davide muntu wa Mvidi Mukulu uvua wambila Maweja-Nangila miaku eyi pavuaye mumane kumupatula mu bianza bia baluishi bende, nangananga bia Shawule.

Yeshaya 45:24

Nebambe ne: “Amu kudi Maweja-Nangila nkayende, ke kutudi tupeta bukole, ke kutudi mua kutshimuna.” Bonsu bavua banduishe, nebafike kundi ne bundu.

Misambu 54:1

Musambu wa mu mukanda wa mulombodi wa bena misambu. Wa kuimba ne nzenze. Kasala ka mu mukanda wa misambu ya Davide.

2 Samuele 2:18

Bana ba Seruya basatu bavua mu mvita amu, Yowabe, Abishayi ne Ashayele. Ashayele uvua mupepele, unyema lubilu bu nyama wa kabuluku.

Misambu 18:32

Kakuena Mvidi Mukulu mukuabu, amu Maweja-Nangila. Amu Mvidi Mukulu wetu udi mukole, mupite lubuebue.

Musambu wa Solomo 2:7

“Eyi! Nuenu nsongakaji ya mu Yerushalayime, ndi nnusengelela ne: mu dina dia ngulungu idi ne bowa, kanututshinyishi nansha! Tudi tunangangana, nutushiye nkayetu!”

Yezekiyele 36:2

meme Maweja-Nangila Mvidi Mukulu ndi nnuambila ne: “Baluishi benu bavua banuseka, bamba ne: ‘Mpindiewu mikuna ya kale ya mu Izrayele ikadi yetu!’ ”

Misambu 18:34

Udi unnyemesha lubilu bu lua ngulungu, ungimanyika pa miongu ya mikuna.