Yoshua 3:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Yoshua wakabika ne dinda dionso; bakumuka ku Shitima, bakulua ku Yadene, yeye ne Bena Isalele bonso; bakalalaku diambedi kabayi banze kusabuka.

MUKANDA WA MYIDI MUKULU

¹ Yoshuwa ne bena Izrayele kumuka mu Shitime ne dinda dionsu. Kupuekelabu ku muelelu wa Yardene. Kuasabu mitanda yabu muaba awu, bindile mua kusabuka.

Yoshua 3:1 Eitobir Enkop

Yoshua 2:1

Yoshua, muana wa Nuna, wakatuma batentekedi babidi ku Shitima mu musokoko, wakabambila ne, Yai, nutangile buloba, ne Yeleko. Bobo bakaya, bakabuela mu nsubu wa mukashi muena tshiendenda dina diandi Lahaba, bakalalamu.

Marke 1:35

Hatshiatshia, butuku kabui buanze kutshia, yeye wakabika, wakaluhuka, wakaya mu tshihela, wakatendelelaku Nzambi.

Mika 6:5

Bantu banyi, vulukai bienu mpindiu bualu buakahangidisha Balaka, mukelenge wa Bena Moaba, bua kuenza; ne mei akamukudimunabo kudi Belâma, muana wa Beô; vulukai luendu lua ku Shitima tô ne ku Gilegala, bua nuenu nujingulule bienzedi biakane bia Yehowa.

Yirmeya 26:5

ne bua kunvua bienu mei a bantu banyi baprofete bandi nnutumina, njuka hanyi dinda dinda bua kubatuma kunudi, kadi kanuakubunvuila;

Yirmeya 25:3

Ku tshidimu tshia dikumi ne tshisatu tshia bukokeshi bua Yoshiya, muana wa Amona, mukelenge wa Yuda, tô ne ku dituku edi, bidimu ebi makumi abidi ne bisatu, dî dia Yehowa diakalua kundi, ne nakunuambiladi, njuka bianyi dinda dionso bua kunuambiladi, kadi kanuakunvua.

Yirmeya 7:13

Yehowa udi wamba kabidi ne, Katataka, bualu bua nuenu nuakuenza bienzedi ebi bionso, ne meme nakakula nʼenu, mbika lunkelu bua kuakula nʼenu, kadi nuenu kanuakunvua; nakanubikila kabidi, kadi kanuakuitaba kundi;

Misambu 119:60

Nakenda lukasa, tshiakajanguluka, bua kulonda mikenji yebe.

Dibadika 25:1

Bena Isalele bakashikama mu Shitima, bantu bakabanga kuenda masandi ne bana bakashi ba Bena Moaba,

Genese 22:3

Abalahama wakabika ne dinda dionso, wakasuika tshiseba ha nyima ha nyama wandi wa mpunda, wakangata bansongalume bandi babidi ne Isaka muanʼandi, wakahanda nkunyi ya kalua ka ha tshioshelu, wakabika, wakaya ku muaba wakamuambila Nzambi.

Genese 21:14

Abalahama wakabika ne dinda dionso, wakangata bidia ne mulondo wa mai, wakabika kudi Haga, wakabiteka ha diaha diandi, wakamuha muana, wakabatuma ha bule, wakaya biandi, wakendakana mu tshihela tshia Bê-sheba.

Yoshua 6:12

Yoshua wakabika ne dinda dionso, ne bakuidi bakambula mushete wa tshihungidi wa Yehowa.

Yoshua 6:15

Hakalua dituku dia muanda mutekete, bakabika ne dinda hakatshia butuku, bakanyunguluka musoko misangu muanda mutekete bu muakenzabo diambedi, kadi dituku adi bakanyunguluka musoko misangu muanda mutekete.

Yoshua 7:16

Nunku Yoshua wakabika ne dinda dionso, wakasangisha Bena Isalele ku bisamba biabo; bakasungula tshisamba tshia Yuda.

Yoshua 8:10

Yoshua wakabika ne dinda dionso, wakasangisha bantu, ne yeye ne bakulu ba Bena Isalele bakaya ku mpala kua bantu ku Ai.

Balombodi 20:19

Bena Isalele bakabika ne dinda, bakatula tshitudilu tshiabo hehi ne Gibea;

1 Samuele 17:20

Hakatshiabu Davidi wakabika, wakashiya mikoko mu bianza bia mulami, wakangata bintu abi, wakaya bu muakamuambila Yishai; wakalua ku muaba wakadi makalu a nvita hakadi bena nvita baye ku nvita, hele mbila bua nvita.