Yoshua 23:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nudimuke bienu bua nuenu nusue Yehowa, Nzambi wenu.

MUKANDA WA MYIDI MUKULU

¹¹ Nanku nudimuke, nunange amu Maweja-Nangila Mvidi Mukulu wenu.

Yoshua 23:11 Eitobir Enkop

Yoshua 22:5

Nuikale ne dinanukila dia kutumikila mei ne mikenji biakanuambila Mose, muntu wa Yehowa, bua kusua Yehowa, Nzambi wenu, ne bua kuenda mu nshila yandi yonso, ne bua kutumikila mikenji yandi, ne bua kulamata kudiye, ne bua kumukuatshia mudimu ne mitshima yenu yonso ne mioyo yenu yonso.

Rome 8:28

Tudi bamanye kabidi ne, Malu onso adi akuatshishangana bua kumusha diakalengele kudi bantu badi bananga Nzambi, kudi badi babikidibue bu mudi disungula diandi.

Nsumuinu 4:23

Ulame mutshima webe ne dilama dionso, bualu bua munda muau mudi muhatuka mishimi yonso ya muoyo.

Ebrewu 12:15

Nutangile bimpe bua muntu kikadiku udi uhanga ngasa wa Nzambi, ne bua muji wa bululu mutoloka kaunutatshishi, ne bua bualu buau bantu ba bungi neboneke;

1 Korente 16:22

Bikala muntu kai musue Mukelenge, edibue biandi mulau. Mukelenge alue biandi.

1 Korente 8:3

kadi biananga muntu Nzambi, yeye udi mumanyibue kudi Nzambi.

Ekesode 20:6

Ntu ngalesha bihungu tshinunu badi bansue ne badi benza mikenji yanyi luse lujalame.

Efeze 5:15

Nunku nudimuke bienu bu munudi nuenda; kanuendi bu badi kabai ne meshi, kadi nuende bu bena meshi;

Luke 21:34

Nudilame bimpe, bua mitshima yenu kainemi ne mudiu ne dibuluka dia maluvu ne malu a ha buloba, ne bua dituku adi kadilu kunudi lukasa bu buteyi?

Dielulula 4:9

Nuanji kudimuka, nulame mioyo yenu bilengele, bua kanuhu muoyo bua malu anuakatangila ne mesu enu, ne bua mei au kaluhuki mu mitshima yenu matuku onso a muoyo wenu; kadi nuamanyisha bana benu ne bana ba bana benu;

Dielulula 4:15

Nudimuke bienu bimpe; bualu bua kanuakatangila tshifuanyikishi tshia muntu dituku diakasomba nʼenu Yehowa mu Holeba munkatshi mua kahia;

Yoshua 23:10

Umue wenu neihate tshinunu tshia bantu; bualu bua Yehowa, Nzambi wenu, udi unuluila nvita bu muakanuambileye.

Yoshua 23:12

Kadi binuahingana bua kulamata bisamba ebi bidi bishala munkatshi muenu, ne bua kubakangana nʼabo, ne bua kubuelakana nʼabo,

Dielulula 30:16

mukenji unakunuelela lelu bua kunanga Yehowa, Nzambi wenu, ne bua kuenda mu nshila yandi ne bua kutumikila mikenji yandi ne mei andi ne mikandu yandi: nunku nenuikale ne muoyo, nenukumbane ba bungi, ne Yehowa, Nzambi wenu, neanuvudishile disanka mu buloba bunuyaya kubuhiana.

Dielulula 30:20

bua kunanga Yehowa, Nzambi wenu, ne bua kutumikila dî diandi, ne bua kumulamata; bualu bua yeye udi muoyo wenu ne muvudishi wa matuku enu; nunku nenushikame mu buloba buakalaya Yehowa batatu benu, Abalahama ne Isaka ne Yakoba, bua kubahabu.