Yoshua 11:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Yoshua wakanyenga misoko yonso ya bakelenge aba ne bakelenge bai kabidi, wakabashiha ne muele wa nvita, wakababutula, bu muakamba Mose, muntu wa Yehowa.

MUKANDA WA MYIDI MUKULU

¹² Yoshuwa kutshimuna mu mvita bakalenga bonsu bavua badisangisha abu. Kukuataye kabidi bimenga biabu. Kushipaye bakalenga abu ne bantu bonsu, amu bu muvua Moshe, muntu wa Maweja-Nangila muambe.

Yoshua 11:12 Eitobir Enkop

Dielulula 7:2

habafila Yehowa, Nzambi wenu, mu bianza bienu, nenubashihe; hashishe nenubajimishe ha buloba: kanuhungi nʼabo tshihungidi, kanubaleshi luse,

Yoshua 11:15

Bu muakambila Yehowa muntu wandi Mose, nunku Mose wakambila Yoshua, ne Yoshua Wakenza nunku; kakalekela bualu bumue kabuyi buenjibue bua mu malu onso akambila Yehowa Mose.

Yoshua 10:37

Bakaunyenga, bakashiha ku muele wa nvita, ne mukelenge wau, ne misoko yau yonso, ne bantu bonso bakadimu; kakashiya nansha umue, bu muakenzeleye Egelona; kadi yeye wakaubutula ne bantu bonso bakadimu.

Yoshua 10:35

Bakanyenga musoko dituku adi, bakashiha ku muele wa nvita; wakabutula bantu bonso bakadimu dituku adi, bu muakenzeleye Lakisha.

Yoshua 10:32

Yehowa wakafila Lakisha mu bianza bia Bena Isalele, wakaunyenga dituku dibidi, wakashiha ku muele wa nvita ne bantu bonso bakadimu, bu muakenzeleye Libina.

Yoshua 10:30

Yehowa wakabafila ne mukelenge wabo mu bianza bia Bena Isalele; wakashiha Libina ku muele wa nvita, ne bantu bonso bakadimu; kakashiyamu nansha umue; yeye wakenzela mukelenge wau bu muakenzeleye mukelenge wa Yeleko.

Yoshua 10:28

Ku dituku adi Yoshua wakanyenga musoko wa Makeda kabidi, wakabashiha ne mukelenge wabo ku muele wa nvita; wakashiha bantu bonso bakadimu, kakuakadi muntu wakashala; yeye wakenzela mukelenge wa Makeda bu muakenzeleye mukelenge wa Yeleko.

Yoshua 9:24

Bobo bakakudimuna Yoshua dî ne, Bualu bua bakambila bantu bebe bu muakadi Yehowa, Nzambi wenu, muambile muntu wandi Mose bua kunuha buloba buonso, ne bua kushiha bena buloba bonso ku mpala kuenu; nunku tuakatshina bikole bua bualu buenu, ne tuakenza bualu ebu.

Yoshua 8:31

bu muakambila Mose, muntu wa Yehowa, Bena Isalele, bu muakafundabo mu mukanda wa mikenji ya Mose; bakasa tshioshelu ne mabue adibo kabayi banze kusonga ne biamu; bakafidilahu milambu ya kuosha kudi Yehowa ne milambu ya kuvuisha nʼai ditalala.

Yoshua 8:8

Hanuanyenga musoko nenuwoshe ne kahia; nuenze bu mu dî dia Yehowa; monai, nakanuambila.

Yoshua 11:13

Bena Isalele kabakosha misoko yakadi ha mikuna, anu Hasô; Yoshua wakawosha.

Dielulula 9:3

Numanye bienu lelu ne, Yehowa, Nzambi wenu, udi uya ku mpala kuenu udi bu kahia kadi kabutula bionso; yeye nembashihe, neabahoneshe ku mpala kuenu: nunku nenubihate, nembajimishe lubilu, bu muakanuambila Yehowa.

Yoshua 10:20

Hakashikisha Yoshua ne Bena Isalele kubashiha ne dishiha dikole tô ne hakabajimishabo, tshituha tshiabo tshiakadi tshishala, tshiakahuela mu misoko yakadi ne ngumbu.

Yoshua 13:6

bantu bonso badi bashikama ku mikuna ya Lebanona tô ne ku Miselefota-mayima ne kudi Bena Sidona bonso; meme nembihate ku mesu kua Bena Isalele; wewe wanji kubuabanyina Bena Isalele ne nshobo bu buhianyi buabo bu munakakuambila.

Yoshua 21:44

Yehowa wakabaha dikisha ku nseke yonso bu muakalayeye bankambua babo; kakuakadi umue wa bena lukuna babo bonso wakamanya mua kubatantamena; Yehowa wakafua bena lukuna babo bonso mu bianza biabo.