Yobe 9:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Tangila, bîanyengeye tshintu, udi mua kumukanda nganyi? Muntu kai udi mua kumukonka ne, Udi wenza tshinyi?

MUKANDA WA MYIDI MUKULU

¹² Udi mua kunyenga Mvidi Mukulu tshidiye wangata nganyi? Muntu kena mua kumukimina, kumuebeja ne: “Tshiudi wenza ntshinyi?”

Yobe 9:12 Eitobir Enkop

Yeshaya 45:9

Mulau wikale kudi muntu udi ufuilangana ne Mufuki wandi! Ntshiyoyo munkatshi mua biyoyo bia ha buloba! Dima nedikonke mufumbi udi udifumba ne, Udi wenza tshinyi, anyi? Anyi mudimu webe udi mua kukuambila ne, Wewe kuena ne bianza, anyi?

Yobe 11:10

Biahileye mu nshila, biakuateye muntu mu lukanu, biamubikileye ku tshilumbuluidi, wamuhumbisha nganyi?

Yobe 23:13

Kadi yeye wakadisunguila bualu bumue, ne muntu kai udi mua kukudimuna meji andi? Bualu budi mutshima wandi Usungula mbudiye wenza.

Rome 11:34

Bua wakamanya meshi a Mukelenge nganyi? Anyi wakamuha meshi nganyi?

Yobe 34:29

Biahuweye talalâ, muntu kai wamubisha? Biasokokeye mpala wandi, muntu kai wamanya mua kumumona? Yeye udi wenzela tshisamba tshijima ne muntu umue muomumue,

Matayi 20:15

Tshiena mumanye mua kuenza ne bintu bianyi bu mundi musue, anyi? Disu diebe didi dibi bualu bua meme ndi muimpe, anyi?

Danyele 4:35

Bonso ba ha buloba badi hatuhu ku mesu kuandi. Yeye utu wenza bu mudiye musue munkatshi mua misumba ya ba mu diulu ne munkatshi mua ba ba buloba; kakuena muntu udi mua kukauda tshianza tshiandi, anyi kumuebesha ne, Udi wenza tshinyi?

Yirmeya 18:6

Yehowa udi wamba ne, Nuenu Bena Isalele, tshiena mua kunuenzela bu mudi mufumbi eu wenza, anyi? Monai, bu mudi dima mu bianza bia mufumbi, mbu munudi mu bianza bianyi, nuenu Bena Isalele.

Yobe 33:13

Bualu kai wewe udi musue kufuilangana nʼandi, umubanda ne, Kena usokoluela bantu bienzedi biandi?

Efeze 1:11

Mu Kilisto Yesu mutuakavuishibua buhianyi, hatuakadianjila kusungudibua bu muvueye muhangidishe, nyeye udi wenzesha malu onso bu mudi kudijingulula kua disua diandi;

Matayi 11:26

bulelela, Tatu, bua bualu ebu buakadi buimpe ku mesu kuebe.

Yobe 10:7

kadi wewe udi mumanye ne, Tshiena muntu mubi; ne kakuena muntu udi mumanye mua kunsungila mu tshianza tshiebe.

Muambi 8:4

Bualu bua dî dia mukelenge didi dishikisha bualu; nganyi udi mua kumukonka ne, Udi wenza tshinyi?

Yeshaya 43:13

ku tshibangidilu ne ku dituku edi tô ne tshiendelele ndi mundi emu. Kakuena mukuabo udi mua kuhandisha bantu mu bianza bianyi; ndi ngenza mudimu, neamanye mua kûkudimuna nganyi?

2 Samuele 16:10

Mukelenge wakamuebesha ne, Nuenu bana balume ba Seluya, ndi nʼenu bualu kai? Biampendeye bualu bua Yehowa wakamutuma ne, Uhende Davidi, udi nganyi bua kumuebesha ne, Udi wenza nunku bualu kai?

Yobe 1:21

Wakamba biandi ne, Nakaluhuka mu difu dia mamuʼanyi butaka, nempingane butaka. Yehowa wakampa bintu, Yehowa wakangata bintu; dina dia Yehowa ditumbishibue.

Danyele 4:32

Nebakuihate munkatshi mua bantu, neushikame ne nyama ya mu mpata; neudie mashinde bu mudi ngombe idia; ne bidimu muanda mutekete nebihite tô ne hawamanya ne, Mutambe Bunene wa mu diulu udi ukokesha bukelenge bua bantu, ne udi ubuhesha muntu yonso udiye musue.