Yobe 10:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Budi buloba budi ne mufitu bu midima mikole, bua mundidimbi wa lufu ne bua kutompakasha kua malu, kudi munya bu midima mikole.

MUKANDA WA MYIDI MUKULU

²² Mu ditunga adi mudi amu miidima ne tshimvundu, nansha munya kabidi mmufuanangane ne butuku.

Yobe 10:22 Eitobir Enkop

Luke 16:26

Bualu bukuabo kabidi, hankatshi hetu nʼenu hadi luhongo lunene ludi luikale tshiendelele, bua badi basue kumuka kutudi bua kuya kunudi, anyi badi basue kumuka kunudi bua kusambuka kulua kutudi, kabamanyi mua kuenza nunku.

Yirmeya 13:16

Tumbishai Yehowa Nzambi wenu, diambedi yeye kayi muanze kunutumina mîdima, diambedi makasa enu kayi manze kulenduka ha mutu ha mikuna idi ne mîdima, ne hantshidi nukeba munya, yeye neawandamune bua kuikalau mufitu, neauvuishe mîdima mikole.

Yirmeya 2:6

Kabakakonka ne, Yehowa wakafuma nʼetu mu buloba bua Ejipitu udi hanyi? Nguakatulombola mu tshihela, mu buloba bua lusenga ne bua majimba, mu buloba buakadi nvula kayi muloke ne bua mîdima mikole, mu buloba buakadi muntu kayi muhitshile, ne muakadi muntu kayi mushikame.

Misambu 88:12

Malu ebe a kukema adi mua kumanyibua mu midima, anyi? Buakane buebe budi mua kumanyibua mu buloba budi bantu ne tshihua muoyo, anyi?

Misambu 44:19

bua wewe wakuntshibula bituha bituha bua muanda eu mu muaba wa mizeu, ne bua wewe wakutubuikila mu mîdima mikole.

Misambu 23:4

Nansha bingenda muhitshile mu luhongo lua mundidimbi wa lufu, tshiena ntshina bualu bubi; bualu bua wewe udi nʼanyi; tshibongo tshiebe ne tshibangu tshiebe bidi binsamba.

Yobe 38:17

Bakusokoluela bibi bia ku lufu, anyi? Wewe wakumona bibi bia ku mundidimbi wa lufu, anyi?

Yobe 34:22

Kakuena midima, kakuena mufitu mukole kudi benji ba malu mabi bamanye mua kusokomena.

Yobe 3:5

Mîdima ne mufidi mufike fitutû bidiangate. Difutu dishikamehu; bintu bionso bidi bifikisha difuku adi biditshinyishe.

Yobe 3:13

Nunku nakadi kulala hanshi diba adi, nakadi kuikala holâ; nakadi kulala tulu; nunku nakadi kuikisha

Yobe 10:21

diambedi tshiyi muanji kuya kundi tshiyi mua kuhingana kabidi, ku buloba bua mîdima ne bua mundidimbi wa lufu.

Yobe 11:1

Hashishe, Sofâ, Muena Namata, wakakudimuna Yobo ne,

Yobe 17:13

Binatekemena ne, Muaba wa Bafue newikale nsubu wanyi, binalongolola bulalu buanyi mu midima,

Misambu 88:13

Kadi meme hanyi, Yehowa, nakudila kûdi; hatshia butuku, kutendelela kuanyi nekufike kûdi.

Muambi 9:10

Malu onso audi wenza wenze ne bukole buebe buonso; bualu bua kakuena mudimu, kakuena kulongolola kua malu, kakuena lungenyi anyi meji ku Muaba wa Bafue kûdi uya.