Yobe 10:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Mutshima wanyi wakutondeshibua bua muoyo wanyi; nengambe meji adi annyingalasha hatoke tô, nengambe dî mu kanyinganyinga ka mutshima wanyi.

MUKANDA WA MYIDI MUKULU

¹ Bia panu bidi bindukisha, tshiena ndekela kutua mikemu, tshiena mua kupuwa to, bualu ndi nyingalala bikole.

Yobe 10:1 Eitobir Enkop

Yobe 7:11

Meme kabidi tshiena mbuikila mukana muanyi; nengambe di ne kanyinganyinga ka mutshima wanyi; nentontolole bua ntatu ya mu muoyo wanyi.

1 Bakalenga 19:4

Kadi yeye nkayandi wakaya luendu lua dituku dimue mu tshihela, wakashikama hanshi muinshi mua mutshi wa genêt; wakalomba Nzambi bua kufueye, wamba ne, Kuakushika mpindiu, Yehowa angate muoyo wanyi, bualu bua meme tshiena muhite batatu banyi buakane.

Dibadika 11:15

Biwasua kutuenzela nunku, ndi nkusengelela ne, Unshihe ku tshianza tshiebe, binasangana luse ku mesu kuebe, bua tshitangidi dikenga dianyi nunku.

Yona 4:8

Hashishe, hakabanda diba, Nzambi wakatuma luhehele lua munanga lua ku esete; munya wakosha Yona mu mutu bikole, yeye wakahungila, wakalomba Nzambi ne, Nfue bianyi; wamba kabidi ne, Kufua kudi kuhita kushala ne muoyo buakane kundi.

Yobe 9:21

Meme muakane! Tshiena mua kudimanya nkayanyi; muoyo wanyi udi untondesha.

Yobe 5:20

Halua tshiole, yeye neakuhandishe ku lufu; halua nvita, neakuhandishe ku bukole bua muele wa nvita.

Yona 4:3

Nunku Yehowa, ndi nkusengelela ne, Angata muoyo wanyi; bualu bua kufua kudi kuhita kushala ne muoyo buakane kundi.

Yeshaya 38:17

Mona, bua meme kuheta ditalala ku nyima nakadi ne kanyinganyinga kakole diambedi; kadi dinanga diebe dia muoyo wanyi diakûmusha mu dijimba dia kabutu; bualu bua wewe wakuela mibi yanyi yonso ku nyima kuebe.

Yeshaya 38:15

Nengambe tshinyi? Yeye wakungambila dî, ne yeye muine wakuenza muanda eu; nengende bitulu bitulu bidimu bianyi bionso bualu bua kanyinganyinga kakole ka mu mutshima wanyi.

Yobe 19:4

Bingikala muhange bulelela, dihanga dianyi didi dishala kundi nkayanyi.

Yobe 14:13

Nakadi kusua bua wewe unsokoke mu Muaba wa Bafue, bua wewe unsokoke to ne bumuka tshiji tshiebe, bua wewe unsunguile tshikondo tshijalame ne bua wewe unvuluke!

Yobe 7:16

Muoyo wanyi udi untonda! Tshiena musue kuikala ne muoyo tshiendelele. Undekele, bualu bua matuku anyi adi anu bu muhuya.

Yobe 6:26

Nudi nuelangana meji bua kungela bua mei anakuamba, anyi? Kadi mei a muntu udi ne bualu budi kumuhita bukole adi bu luhehele.